ପ୍ରମୁଖ ଖବର

କଟକ ଏସସିବି ମେଡ଼ିକାଲ କଲେଜ ଓ ହସ୍ପିଟାଲରେ ନର୍ସିଂ କର୍ମଚାରୀ ଓ ହାଉସ ସର୍ଜନଙ୍କ ମଧ୍ୟରେ ତେଜୁଛି ବିବାଦ
ଘରୋଇ ସଂସ୍ଥାରେ କନ୍ନଡ଼ ଲୋକଙ୍କ ପାଇଁ ୭୦% ଚାକିରି ସଂରକ୍ଷଣ କଲେ କର୍ଣ୍ଣାଟକ ସରକାର
ହରିଆଣା ସରକାର ଅଗ୍ନିପଥ ଯୋଜନାରେ କାର୍ଯ୍ୟ କରିଥିବା ଅଗ୍ନିବୀରମାନଙ୍କୁ ପୁଲିସ ଏବଂ ମାଇନିଂ ଗାର୍ଡ ଚାକିରିରେ ୧୦ ପ୍ରତିଶତ ସଂରକ୍ଷଣ ବ୍ୟବସ୍ଥା କଲେ
ଆଜି ସୁନା ବେଶ : ଦୁନିଆ ଦେଖିବା ଜଗାର ମହଣ ମହଣ ସୁନା
ମହାରାଷ୍ଟ୍ର ସରକାର ରାଜ୍ୟର ଯୁକ୍ତ ଦୁଇ, ଯୁକ୍ତ ତିନି ଓ ଡିପ୍ଲୋମାଧାରୀ ଛାତ୍ରଛାତ୍ରୀଙ୍କ ଆର୍ଥିକ ସହାୟତା ପାଇଁ ଲାଡଲା ଭାଇ ଯୋଜନାର ଘୋଷଣା କରିଛନ୍ତି
ବିଜେପି ସରକାରର ସବୁ ବିଭାଗ ଉପରେ ନଜର ରଖିବ ବିଜେଡି, ଦଳର ୫୦ ବିଧାୟକଙ୍କ ମଧ୍ୟରେ ବିଭାଗ ବାଣ୍ଟିଲେ ନବୀନ

ରାଜନୀତିରେ ନୂଆ ପରମ୍ପରା ଆରମ୍ଭ କରିଥିଲେ ଆଚାର୍ଯ୍ୟେ

0

ଭୁବନେଶ୍ବର: ଓଡ଼ିଶା ରାଜନୀତିରେ ଏମିତି ଅନେକ ରୋଚକ ତଥ୍ୟ ଅଛି, ଯାହା ଆଜି ଜାଣିଲେ ଯେ କେହି ବିସ୍ମିତ ହେବେ। ସେମିତି ଏକ ପରିସ୍ଥିତି ସୃଷ୍ଟି ହୋଇଥିଲା ୧୯୭୭ ମସିହାରେ। ବିନାୟକ ଆଚାର୍ଯ୍ୟଙ୍କ ମୁଖ୍ୟମନ୍ତ୍ରିତ୍ବ ସମୟରେ ରାଜ୍ୟପାଳ ଦାୟିତ୍ବରେ ଥିବା ଶିବ ନାରାୟଣ ଶଙ୍କର ଅସୁସ୍ଥ ହୋଇପଡ଼ିଥିଲେ। ସେବେ ଅଗଷ୍ଟ ୧୫ ଓ ଜାନୁଆରି ୨୬ ତାରିଖରେ ସମ୍ମିଳିତ ପ୍ୟାରେଡ୍‌ ଅଭିବାଦନ କାର୍ଯ୍ୟକ୍ରମ ବର୍ତମାନର ଇନ୍ଦିରା ଗାନ୍ଧୀ ପାର୍କ ଅଞ୍ଚଳ​ରେ ଅନୁଷ୍ଠିତ ହେଉଥିଲା। ରାଜ୍ୟପାଳ ଅସୁସ୍ଥ ଥିବା ସମୟରେ ଜାନୁଆରି ୨୬ ତାରିଖ ପଡ଼ିଲା। ଜନରାଜ୍ୟ ଦିବସରେ ରାଜ୍ୟପାଳ ଅଭିବାଦନ ଗ୍ରହଣ କରିବାର ପରମ୍ପରା ଥିବାରୁ ସରକାର ଚିନ୍ତାରେ ପଡ଼ିଥିଲେ। ଅନେକ ବିଚାର ବିମର୍ଷ ପରେ ମୁଖ୍ୟମନ୍ତ୍ରୀ ଶ୍ରୀ ଆଚାର୍ଯ୍ୟ ସେହିବର୍ଷ ଜନରାଜ୍ୟ ଦିବସରେ ଅଭିବାଦନ ଗ୍ରହଣ କରିଥିଲେ।

ଏଇ ଗୋଟିଏ କଥା ନୁହେଁ, ପୂର୍ବତନ ମନ୍ତ୍ରୀ ତଥା ବଲାଙ୍ଗୀର ନେତା ଅନଙ୍ଗ ଉଦୟ ସିଂହଦେଓଙ୍କୁ ନେଇ ଆଉ ଗୋଟିଏ ବଡ଼ ଘଟଣା ଘଟିଥିଲା। ଆଜି ଦିନରେ ବିଜେଡିରେ ଥିବା ଅନଙ୍ଗ ଉଦୟ ସେବେ ଶ୍ରୀ ଆଚାର୍ଯ୍ୟଙ୍କ ସରକାରରେ ପ୍ରଥମେ ମନ୍ତ୍ରୀ ଭାବେ ଶପଥ ଗ୍ରହଣ କରିଥିଲେ। ପୂର୍ବତନ ମୁଖ୍ୟମନ୍ତ୍ରୀ ରାଜେନ୍ଦ୍ର ନାରାୟଣ ସିଂହଦେଓଙ୍କ ମୃତ୍ୟୁ ପରେ ତାଙ୍କ ପୁଅ ଅନଙ୍ଗ ଉଦୟ କଂଗ୍ରେସରେ ଯୋଗଦେଇଥିଲେ। ସେବେ ପଶ୍ଚିମ ଓଡ଼ିଶାର ରାଜନୀତିରେ ଭାରସାମ୍ୟ ରକ୍ଷା ଲାଗି ଶ୍ରୀ ସିଂହଦେଓଙ୍କୁ ମନ୍ତ୍ରୀ କରିବା ଲାଗି ନିଷ୍ପତ୍ତି ହୋଇଥିଲା। ମାତ୍ର ରାଜ୍ୟପାଳ ଅସୁସ୍ଥ ଥିବା କାରଣରୁ ତାଙ୍କର ଶପଥ ଗ୍ରହଣ ଉତ୍ସବ କିଭଳି ହେବ, ତାହା ସରକାରଙ୍କ ପାଇଁ ଏକ ବିଷମ ସ୍ଥିତି ସୃଷ୍ଟି କରିଥିଲା।

ଓଡ଼ିଶା ରାଜନୀତି ଇତିହାସରେ ପ୍ରଥମ ଥର ପାଇଁ କଟକ ଶ୍ରୀରାମଚନ୍ଦ୍ର ଭଂଜ ମେଡି଼କାଲ କଲେଜରେ ଶପଥଗ୍ରହଣ ଉତ୍ସବ ଅନୁଷ୍ଠିତ ହୋଇଥିଲା। ତାହା ପ୍ରଥମ ଏବଂ ଶେଷ। ରାଜ୍ୟପାଳ ଦାୟିତ୍ବରେ ଥିବା ଶ୍ରୀ ଶଙ୍କର ସେବେ ଆଇସିୟୁରେ ଚିକିତ୍ସାଧୀନ ଥିଲେ। ଏବଂ ସେହିଠାରେ ଶ୍ରୀ ସିଂହଦେଓ ମନ୍ତ୍ରୀ ଭାବେ ଶପଥ ନେଇଥିଲେ।

Leave A Reply

Your email address will not be published.