- ଦିଲ୍ଲୀ ସରକାର ଓ କେନ୍ଦ୍ରକୁ ନୋଟିସ କଲେ ଦିଲ୍ଲୀ ହାଇକୋର୍ଟ,
- କୋର୍ଟ କହିଲେ ଭଗବାନ ଆମକୁ ସାହାଯ୍ୟ କରନ୍ତୁ
ନୂଆଦିଲ୍ଲୀ: କୋଭିଡ୍ ତୃତୀୟ ତରଙ୍ଗ ପିଲାମାନଙ୍କ ପାଇଁ ଅଧିକ ବିପଦ ସୃଷ୍ଟି କରିବ ନାହିଁ। ଏକଥା ଆମେ କହୁନାହୁଁ, ବରଂ ଡବଲୁଏଚ୍ଓ ଓ ଏମ୍ସ ଯୁଗ୍ମ ସର୍ବେକ୍ଷଣ ରିପୋର୍ଟରେ ଏଭଳି ଏକ ବଡ଼ ଖବର ସାମ୍ନାକୁ ଆସିଛି। SARS-CoV-2 ସେରୋ-ପଜିଟିଭିଟି ହାର ପିଲାମାନଙ୍କ ମଧ୍ୟରେ ଅଧିକ ଏବଂ ବୟସ୍କ ଜନସଂଖ୍ୟା ସହିତ ତୁଳନାତ୍ମକ ରହିଛି। ଏହି ସର୍ଭେରେ ପାଞ୍ଚଟି ମନୋନୀତ ରାଜ୍ୟ ମଧ୍ୟରେ ମୋଟ ୧୦ହଜାର ନମୁନାକୁ ନେଇ ପ୍ରସ୍ତୁତ ହୋଇଥିଲା। ମଧ୍ୟବର୍ତ୍ତୀ ବିଶ୍ଳେଷଣ ସମୟର ଫଳାଫଳ ପାଇଁ ଭାରତର ଚାରିଟି ରାଜ୍ୟରୁ ୪୫୦୦ ଅଂଶଗ୍ରହଣକାରୀଙ୍କ ତଥ୍ୟ ନିଆଯାଇଥିଲା। ଆଗାମୀ ଦୁଇରୁ ତିନି ମାସ ମଧ୍ୟରେ ଅଧିକ ଫଳାଫଳ ଆସିବ ବୋଲି ଆଶା କରାଯାଉଛି।
ସେପଟେ କୋଭିଡ ପ୍ରୋଟୋକଲର ଉଲ୍ଲଂଘନ ନେଇ ଦିଲ୍ଲୀ ହାଇକୋର୍ଟ ଆଜି ଭୀଷଣ ଅସନ୍ତୋଷ ପ୍ରକଶ କରିଛନ୍ତି। ଏହା ତୃତୀୟ ତରଙ୍ଗକୁ ତ୍ୱରାନ୍ୱିତ କରିବ ବୋଲି ଦିଲ୍ଲୀ ହାଇକୋର୍ଟ ଚେତାବନୀ ଦେଇଛନ୍ତି। କେବଳ ସେତିକି ନୁହେଁ, ଅନଲକ୍ ଉପରେ ଷ୍ଟାଟସ୍ ରିପୋର୍ଟ ମାଗି ହାଇକୋର୍ଟ କେନ୍ଦ୍ର ଏବଂ ଦିଲ୍ଲୀ ସରକାରଙ୍କୁ ନୋଟିସ୍ ଜାରି କରିଛନ୍ତି। ଉଲ୍ଲଂଘନକାରୀଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଏବଂ ଦୋକାନୀମାନଙ୍କୁ ସଚେତନ କରିବାକୁ ଅଧିକାରୀମାନଙ୍କୁ କୋର୍ଟ ନିର୍ଦେଶ ଦେଇଛନ୍ତି। କୋର୍ଟ ଆହୁରି କହିଛନ୍ତି ଯେ ଯଦି କୋଭିଡ୍ ନିୟମକୁ ଖଣ୍ଡନ କରିବାର ଏହି ଆଚରଣ ଯଦି ଜାରି ରହେ, ତେବେ ଆମେ ବହୁତ ଅସୁବିଧାରେ ପଡ଼ିବୁ। ଭଗବାନ ଆମକୁ ସାହାଯ୍ୟ କରନ୍ତୁ ବୋଲି କୋର୍ଟ କହିଛନ୍ତି।
ସେପଟେ ନିତି ଆୟୋଗ ସଦସ୍ୟ ଡ. ଭି କେ ପଲ୍ କହିଛନ୍ତି ଯେ ଡବଲୁଏଚ୍ଓ ଓ ଏମ୍ସ ସର୍ବେକ୍ଷଣରୁ ଜଣାପଡିଛି ଯେ ୧୮ ବର୍ଷରୁ କମ୍ ଏବଂ ତଦୁର୍ଦ୍ଧ୍ୱ ବ୍ୟକ୍ତିଙ୍କ ମଧ୍ୟରେ ସେରୋପୋଜିଟିଭିଟି ପ୍ରାୟ ସମାନ । ୧୮ ବର୍ଷରୁ ଅଧିକ ବୟସ୍କ ବ୍ୟକ୍ତିଙ୍କ ମଧ୍ୟରେ, ୧୮ ବର୍ଷରୁ କମ୍ ବ୍ୟକ୍ତିଙ୍କ ମଧ୍ୟରେ ସେରୋପୋଜିଟିଭିଟି ହାର ୬୭% ଏବଂ ୫୯% ଅଟେ। ସହରାଞ୍ଚଳରେ ଏହା ୧୮ ବର୍ଷ ତଳେ ଥିବା ବ୍ୟକ୍ତିଙ୍କ କ୍ଷେତ୍ରରେ ୭୮%, ୧୮ ବର୍ଷ ଉପରେ ବୟସ୍କଙ୍କ କ୍ଷେତ୍ରରେ ଏହା ୭୯%। ଏହି ସର୍ଭେରୁ ଜଣାପଡ଼ୁଛି ଯେ ପିଲାମାନଙ୍କୁ ସଂକ୍ରମଣ ହେଉଛି, ମାତ୍ର ଏହା ଅତି ନଗଣ୍ୟ।
ବିଶ୍ୱ ସ୍ୱାସ୍ଥ୍ୟ ସଂଗଠନ (WHO) ଏବଂ ଅଲ ଇଣ୍ଡିଆ ଇନଷ୍ଟିଚ୍ୟୁଟ୍ ଅଫ୍ ମେଡିକାଲ ସାଇନ୍ସେସ୍ (AIIMS) ର ମିଳିତ ଅଧ୍ୟୟନରୁ ଜଣାପଡିଛି ଯେ ଏକ ପ୍ରଚଳିତ କୋଭିଡ୍ -19 ଜୀବାଣୁଙ୍କର ଏକ ସମ୍ଭାବ୍ୟ ତୃତୀୟ ତରଙ୍ଗ ବୟସ୍କଙ୍କ ତୁଳନାରେ ପିଲାମାନଙ୍କୁ ଅଧିକ ପ୍ରଭାବିତ କରିବ ନାହିଁ |
ଏହି ଅନୁସନ୍ଧାନରେ ଦକ୍ଷିଣ ଦିଲ୍ଲୀର ସହରାଞ୍ଚଳରେ ସେରୋପ୍ରେଭାଲେନ୍ସ ୭୪.୭ ପ୍ରତିଶତ ବୋଲି ଜଣାପଡିଛି। ଦ୍ୱିତୀୟ ତରଙ୍ଗ ପୂର୍ବରୁ ମଧ୍ୟ ଦକ୍ଷିଣ ଦିଲ୍ଲୀରେ ୧୮ ବର୍ଷରୁ କମ୍ ପିଲାମାନେ ସେରୋପ୍ରେଭାଲେନ୍ସ ୭୩.୯ ପ୍ରତିଶତ ରହିଥିବା ଦେଖାଯାଇଥିଲା।
ଦ୍ବିତୀୟ ତରଙ୍ଗ ପରେ ଦିଲ୍ଲୀ ଏବଂ ଏନସିଆର (ଫରିଦାବାଦ) ଅଞ୍ଚଳରେ ଅଧିକ ସେରୋପ୍ରେଭାଲେନ୍ସ ରହିପାରେ। ସମ୍ଭବତ ଏହି ସ୍ତରର ସେରୋପ୍ରେଭାଲେନ୍ସ ‘ତୃତୀୟ ତରଙ୍ଗ’ରୁ ରକ୍ଷା କରିପାରେ ବୋଲି ବିଶେଷଜ୍ଞମାନେ ମତ ରଖିଛନ୍ତି।
ଏହି ରିପୋର୍ଟ ଆହୁରି କହିଛି ଯେ ଦିଲ୍ଲୀର ଜନଗହଳିପୂର୍ଣ୍ଣ ସହରାଞ୍ଚଳରେ, ଯେହେତୁ ପିଲାମାନଙ୍କର ଉଚ୍ଚ ସେରୋପ୍ରେଭାଲେନ୍ସ ରହିଛି, ବିଦ୍ୟାଳୟ ଖୋଲିବା ଏହା ଅତ୍ୟନ୍ତ ବିପଦଜନକ ପ୍ରସ୍ତାବ ହୋଇ ନ ପାରେ। ଦ୍ୱିତୀୟ ତରଙ୍ଗ ସମୟରେ ଫରିଦାବାଦ (ଗ୍ରାମାଞ୍ଚଳ) ର ଏନସିଆର ଅଞ୍ଚଳରେ ୫୯.୩ ପ୍ରତିଶତ ସେରୋପ୍ରେଭାଲେନ୍ସ ରହିଛି। ସେହିଭଳି ଗୋରଖପୁର ଗ୍ରାମୀଣ ୨-୧୮ବର୍ଷ ବୟସରେ ୮୭.୯ ପ୍ରତିଶତ ଉଚ୍ଚ ସେରୋପ୍ରେଭାଲେନ୍ସ ଦେଖାଇଛି। ଏହା ହିଁ ପିଲାମାନଙ୍କୁ “ତୃତୀୟ ତରଙ୍ଗ” ରୁ ସୁରକ୍ଷା ଦେବା ସମ୍ଭାବନା ବଢ଼ାଇ ଦେଉଛି।