ଭୁବନେଶ୍ବର: ଶେଷରେ ଭୁବନେଶ୍ବରରେ ପହଞ୍ଚିଲା ଋଷିଆ ଟିକା। ତେବେ ଏହା ସରକାରୀ ସଂସ୍ଥା ନୁହେଁ, ବରଂ ଘରୋଇ ଡାକ୍ତରଖାନାରେ ମିଳିବ। ଅଧିକାଂଶ ଯୁବ ବର୍ଗ ଏହି ଟିକା ଉପରେ ନଜର ରଖିଥିଲେ। ପୂର୍ବରୁ କୋଭାକ୍ସିନ୍ ଓ କୋଭିସିଲ୍ଡ ଟିକା ସରକାରଙ୍କ ପକ୍ଷରୁ ଯୋଗାଇ ଦିଆଯାଉଥିଲା। ଏବେ ଋଷର ସ୍ପୁଟ୍ନିକ୍ ଭି ଭୁବନେଶ୍ବରରେ ପହଞ୍ଚିଛି। ଏଥିସହିତ ଓଡ଼ିଶା ବଜାରରେ ତିନିଟି ଟିକା ଉପଲବ୍ଧ ହୋଇଛି। ଭୁବନେଶ୍ବର କେୟାର ହସ୍ପିଟାଲରେ ୧୧୪୫ ଟଙ୍କା ପ୍ରତି ଡୋଜ୍ ପିଛା ଏହି ଟିକା ମିଳିବ।
ଏହି ଟିକା ୯୧ ପ୍ରତିଶତ କ୍ଷେତ୍ରରେ ସଫଳ ବୋଲି ପୂର୍ବରୁ ଟିକା କଂପାନି ଦାବି କରିଥିଲେ। ବିଶ୍ବ ବଜାରରେ ଏହାର ସ୍ବତନ୍ତ୍ର ଚାହିଦା ରହିଥିଲା। ବହୁତ ବିଳମ୍ବରେ ଏହା ଭାରତ ଆସିଥିଲା। ଓଡ଼ିଶା ପୂର୍ବରୁ ହାଇଦ୍ରାବାଦରେ ଏହି ଟିକା ଉପଲବ୍ଧ ଥିଲା।