ନ୍ୟୁଜ୍ ବ୍ୟୁରୋ: ଇରାନ ବିରୋଧରେ ଯୋଜନାବଦ୍ଧ ସାମରିକ ଆକ୍ରମଣକୁ ଆମେରିକା ପକ୍ଷରୁ ୫ ଦିନ ପାଇଁ ସ୍ଥଗିତ ରଖାଯାଇଛି। ୱାଶିଂଟନ ଓ ତେହେରାନ ମଧ୍ୟରେ ଚାଲିଥିବା ଆଲୋଚନାକୁ ଅବକାଶ ଦେବା ପାଇଁ ଏହି ପଦକ୍ଷେପ ନିଆଯାଇଛି ବୋଲି ଟ୍ରମ୍ପ କହିଛନ୍ତି। ଟ୍ରମ୍ପ ତାଙ୍କ ବିବୃତ୍ତିରେ କହିଛନ୍ତି ଯେ, ଗତ ଦୁଇ ଦିନ ଧରି ଆମେରିକା ଓ ଇରାନ ମଧ୍ୟରେ “ଫଳପ୍ରଦ ଆଲୋଚନା” ହୋଇଛି। ସେଥିପାଇଁ ପ୍ରତିରକ୍ଷା ବିଭାଗକୁ ଇରାନର ଶକ୍ତି କେନ୍ଦ୍ର ଓ ଏନର୍ଜି ଭିତ୍ତିଭୂମି ଉପରେ ଯେକୌଣସି ଆକ୍ରମଣକୁ ଅସ୍ଥାୟୀ ଭାବେ ରୋକିବାକୁ ନିର୍ଦ୍ଦେଶ ଦିଆଯାଇଛି।
ଏହି ବୟାନ ପରେ ବିଶ୍ୱ ତୈଳ ବଜାରରେ ବଡ଼ ପରିବର୍ତ୍ତନ ଦେଖାଗଲା। ଅଶୋଧିତ ତୈଳ ମୂଲ୍ୟ ପ୍ରାୟ ୧୧% କମିଛି।
ତେବେ ଇରାନ ପକ୍ଷରୁ ଏହି ଆଲୋଚନା କିମ୍ବା କୌଣସି ସର୍ତ୍ତ ଗ୍ରହଣ ସମ୍ପର୍କରେ ଏପର୍ଯ୍ୟନ୍ତ ଆଧିକାରିକ ସୂଚନା ମିଳିନାହିଁ। ଯାହା ଫଳରେ ପରିସ୍ଥିତି ଏବେ ମଧ୍ୟ ଅନିଶ୍ଚିତ ରହିଛି।