ଆସୁଛି ଘରେ ଘରେ ଲୋକପ୍ରିୟ ହେଇଥିବା ମେଗା ଧାରାବାହିକ ପବିତ୍ର ରିସ୍ତା ସିଜିନ -୨। ନିକଟରେ ଏହାର ପ୍ରମୋ ରିଲିଜ ହୋଇଛି। ପୂର୍ବପରି ସିଜିନ ଟୁରେ ମଧ୍ୟ ମୁଖ୍ୟ ଭୂମିକାରେ ଅଙ୍କିତା ଲୋଖଣ୍ଡେଙ୍କୁ ଦେଖିବାକୁ ମିଳିଛି। ହେଲେ ସୁଶାନ୍ତଙ୍କ ସ୍ଥାନରେ ଏଥିରେ ସାହି ଶେଖଙ୍କୁ ଦେଖିବେ ଦର୍ଶକ। ଏହି ସୋ’ରେ ଅଙ୍କିତା ଲୋଖଣ୍ଡେ ଓ ସାହି ଶେଖଙ୍କ ରୋମାନ୍ସ ଦେଖିବାକୁ ମିଳିବ।
ପ୍ରମୋ ଦେଖି ସୁଶାନ୍ତ ରାଜପୁତଙ୍କୁ ମନେ ପକାଇଛନ୍ତି ଦର୍ଶକ । କାରଣ ପବିତ୍ର ରିସ୍ତା ସିଜିନ ୧ରେ ଅଙ୍କିତା ଓ ସୁଶାନ୍ତଙ୍କ ସୁପରହିଟ୍ ଯୋଡିକୁ ଦର୍ଶକ ବେଶ ପସନ୍ଦ କରିଥିଲେ।
ପବିତ୍ର ରିସ୍ତା ସିଜିନ ଟୁ ସେପ୍ଟେମ୍ବର ୧୫ରୁ ପ୍ରସାରିତ ହେବ । ତେବେ ଏହା ଓଟିଟି ପ୍ଲାଟଫର୍ମ ଜୀ ୫ ପ୍ରିମିୟମରେ ଦେଖିବାକୁ ମିଳିବ । ଏକତା କପୁରଙ୍କ
ସବୁ ସୋ ଭଳି ଏହା ମଧ୍ୟ ଏକ ଫ୍ୟାମିଲି ଡ୍ରାମା ସୋ ଅଟେ।
ପବିତ୍ର ରିସ୍ତାର ପ୍ରଥମ ସିଜିନଟି ଦର୍ଶକଙ୍କ ମନରେ ଏକ ସ୍ୱତନ୍ତ୍ର ଜାଗା ସୃଷ୍ଟି କରିପାରିଥିଲା । ବିଶେଷ ଭାବରେ ଏହାର ମୁଖ୍ୟ କଳାକାର ସୁଶାନ୍ତ ସିଂ ରାଜପୁତ ଓ ଅଙ୍କିତା ଲଖୋଣ୍ଡେଙ୍କ ଲୋକପ୍ରିୟତା ଏହି ସୋ ମାଧ୍ୟମରେ ଘରେ ଘରେ ପହଞ୍ଚିଥିଲା । ପ୍ରଥମ ସିଜିନଟି ୨୦୦୯ରୁ ୨୦୧୪ ଯାଏ ଟିଭିରେ ପ୍ରସାରିତ ହୋଇଥିଲା।
ତେବେ ଦର୍ଶକ ସିଜିନଟୁ ରେ ଅଙ୍କିତା ଓ ସାହିଙ୍କ ଯୋଡିକୁ ପସନ୍ଦ କରିବେ ବୋଲି ଆଶା ରହିଛି । ପୂର୍ବ ଭଳି ଦର୍ଶକ ଏବେ ମଧ୍ୟ ସୋକୁ ଭଲପାଇବା ଦେବେ ବୋଲି ଅଙ୍କିତା ଆଶା ରଖିଥିବା କହିଛନ୍ତି ।