ସୋସିଆଲ ମିଡିଆରେ ଛାଇ ଗଲେ ବଲିଉଡ ସୁପରଷ୍ଟାର ହ୍ରିତିକ ରୋଶନ । ଆଜି ହ୍ରିତିକ ଇନଷ୍ଟାରେ ନିଜର ନୂଆ ଲୁକ୍ର କିଛି ଫଟୋ ସେୟାର କରିଥିଲେ । ଆଉ ଫଟୋଟି ସେୟାର କରିବା ମାତ୍ରେ ହିଁ ୨ଘ । ମଧ୍ୟରେ ୧ ମିଲିୟନରୁ ଅଧିକ ଲାଇକ ମିଳିଥିଲା । ହ୍ରିତିକଙ୍କ ଫ୍ୟାନ ମାନେ ତାଙ୍କର ଏହି ନୂଆ ଲୁକ୍କୁ ବେଶ ପସନ୍ଦ କରିଛନ୍ତି ।
ହ୍ରିତିକ ଅଧିକାଂଶ ସମୟରେ ନିଜର ଲୁକ୍ ପରିବର୍ତନ କରିଥାନ୍ତି । ସବୁବେଳେ ତାଙ୍କ ଫ୍ୟାନଙ୍କୁ ଆଶ୍ଚର୍ଯ୍ୟ କରିଦେବା ଭଳି ନୂଆ ଲୁକ୍ରେ ଫଟୋ ସେୟାର କରିଥାନ୍ତି । ହ୍ରିତିକ ଆଜି ଯେଉଁ ଫଟୋ ପୋଷ୍ଟ କରିଛନ୍ତି ସେଥିରେ ସେ ବଡ଼ ବଡ଼ ଦାଢି ରଖିଥିବାର ଦେଖିବାକୁ ମିଳିଛି । ଲୁକ ନମ୍ବର ୨୧, ଲୁକ୍ ନମ୍ବର ୨୨ ଲେଖି ହ୍ରିତିକ ଦୁଇଟି ଫୋଟୋ ନିଜ ଇନଷ୍ଟା ପେଜରେ ସେୟାର କରିଥିଲେ । ଫଟୋଟି ସେୟାର କରିବା ପରେ ପରେ ହିଁ ଭାଇରାଲ ହେବାରେ ଲାଗିଥିଲା ।୨୦୨୧ରେ ବିଶ୍ୱର ମୋଷ୍ଟ ହ୍ୟାଣ୍ଡସମ ମ୍ୟାନ ତାଲିକାର ଷଷ୍ଠ ସ୍ଥାନରେ ଥିଲେ ହ୍ରିତିକ । ତେବେ ହ୍ରିତିକଙ୍କ ଏହି ନୂଆ ଲୁକର ଫଟୋରେ କମେ କରି ଉର୍ବଶୀ ରୋଉତେଲା ଗ୍ରୀକ ଗଡ଼ ବୋଲି ଲେଖିଛନ୍ତି । ହ୍ରିତିକଙ୍କ ଇନଷ୍ଟାରେ ୩୭.୪ ମିଲିୟନ ଫଲୋର୍ସ ଅଛନ୍ତି । ହ୍ରିତିକ ତାଙ୍କର ଅଭିନୟ ପାଇଁ ଯେତିକି ଲୋକପ୍ରିୟ
ତାଠୁ ଅଧିକ ସେ ନିଜ ଡ୍ୟାନ୍ସ ପାଇଁ ଦର୍ଶକଙ୍କ ମନ ଜିଣିଥାନ୍ତି । ସେ ମାଇକେଲ ଜ୍ୟାକସନଙ୍କୁ ତାଙ୍କର ଗୁରୁ ଭାବେ ମାନନ୍ତି । ହ୍ରିତିକଙ୍କୁ ତାଙ୍କ ଆଗାମୀ ଫିଲ୍ମ ଫାଇଟରରେ ଦୀପିକା ପାଦକୋନଙ୍କ ସହ ଦେଖିବାକୁ ମିଳିବ । ଶେଷଥର ପାଇଁ ୨୦୧୯ରେ ଆକ୍ସନ ମୁଭି ‘ୱାର’ରେ ଟାଇଗର ସରଫଙ୍କ ସହ ତାଙ୍କୁ ଦେଖିବାକୁ
ମିଳିଥିଲା ।
ପ୍ରମୁଖ ଖବର
ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ୭ ବିଭାଗର ୧୨୯୪ ଜଣ ନବନିଯୁକ୍ତଙ୍କୁ ନିଯୁକ୍ତି ପତ୍ର ପ୍ରଦାନ କରିଛନ୍ତି
କଳାହାଣ୍ଡିର ଡେପୁଟି କଲେକ୍ଟର ଚିତ୍ତ ରଂଜନ ପିଲ୍ଲାଙ୍କୁ ଆଜି ରାଜ୍ୟ ସରକାର କାର୍ଯ୍ୟରୁ ନିଲମ୍ବିତ କରିଛନ୍ତି
କରୋନା ଭଳି ଲକ୍ଷଣ ଥିଲେ ରଥଯାତ୍ରା ଯିବାକୁ ମନା, ସ୍ୱାସ୍ଥ୍ୟ ବିଭାଗ
ଲଗାତର ତୃତୀୟ ଥର ରେପୋ ରେଟ କମାଇଲା ରିଜର୍ଭ ବ୍ୟାଙ୍କ
ବର୍ଷା ପୂର୍ବରୁ ହେବ ଡ୍ରେନ୍ ସମସ୍ୟାର ସମାଧାନ: ନଗର ଉନ୍ନୟନ ମନ୍ତ୍ରୀ
ପରଲୋକରେ ପୂର୍ବତନ ବିଧାୟକ ମହମ୍ମଦ ରଫିକ୍
ଯୋଗାଣ ମନ୍ତ୍ରୀଙ୍କ ଗାଡ଼ିକୁ ମୁହାଁମୁହିଁ ଧକ୍କା ଦେଲା ଟ୍ରକ୍
ଅଗଷ୍ଟ ୩ରେ ନିଟ୍ ପିଜି ପରୀକ୍ଷା, ମଞ୍ଜୁରୀ ଦେଲେ ସୁପ୍ରିମକୋର୍ଟ