ପ୍ରମୁଖ ଖବର

୨୦୨୯ ସୁଦ୍ଧା ଭାରତ-ଇଟାଲୀ ବାଣିଜ୍ୟ ୨୦ ବିଲିୟନ ୟୁରୋ ଲକ୍ଷ୍ୟ
ଭାରତର ପ୍ରଥମ ସ୍ୱଦେଶୀ ବାର୍ଡ ଫ୍ଲୁ ଟିକା ବିକଶିତ
ନଭେମ୍ବର ୧୯ରେ ଶିଳ୍ପ ସମ୍ମିଳନୀ ଉଦ୍‌ଘାଟନ କରିବେ ମୋଦୀ
ଜବଲପୁର ରେଳ ଷ୍ଟେସନରେ ଅଗ୍ନିକାଣ୍ଡ, ପାର୍ସଲ ବଗିକୁ ବ୍ୟାପିଲା ନିଆଁ
ଉତ୍ତରପ୍ରଦେଶରେ ତୃତୀୟ ଥର ସରକାର ଗଠନ ନେଇ ଯୋଗୀଙ୍କ ଆଶା
ବିହାରରେ ସେନ୍‌କୋ ଗୋଲ୍ଡରୁ ୪୦ କୋଟିର ଅଳଙ୍କାର ଲୁଟ୍‌

ଆଫଗାନିସ୍ତାନରେ ଅବତରଣ କଲା ଚୀନ ବିମାନ?

0

କାବୁଲ: ଆମେରିକା ସେନା ପ୍ରତ୍ୟାହାର ପରେ ଆଫଗାନିସ୍ତାନର ବାଗ୍ରାମ ଏୟାରବେସରେ ପ୍ରଥମ ଥର ସାମରିକ ବିମାନ ଅବତରଣ କରିଥିବାର ଦେଖିବାକୁ ମିଳିଛି। ଏହି ବିମାନ ଚୀନ ସେନାର ହୋଇଥାଇପାରେ ବୋଲି ଦାବି କରାଯାଉଛି। କେବଳ ଏତିକି ନୁହେଁ, କିଛି ଦିନ ଧରି ଅନ୍ଧାରରେ ଥିବା ବାଗ୍ରାମ ଏୟାରବେସରେ ଏବେ ପୁଣି ଆଲୋକିତ ହୋଇଛି।

ବାସ୍ତବରେ,ବାଗ୍ରାମ ଏୟାରବେସ ଆମେରିକା ସେନାର ଏକ ଦୃଢ ଗଡ଼ ଅଟେ। ଏହିଠାରୁ ସେ ଅପରେସନ ଗୁଡିକୁ କାର୍ଯ୍ୟକାରୀ କରିଥାଏ । ‘ଡେଲି ମଲ’ର ରିପୋର୍ଟ ଅନୁଯାୟୀ, ଆଫଗାନିସ୍ତାନରୁ ଆମେରିକା ସେନା ଯିବା ପରେ ସେଠାରେ (ବାଗ୍ରାମ ଏୟାରବେସ)ରେ ସାମରିକ ବିମାନ ଆସିବାର ଅନେକ ଖବର ଆସିଛି। କିଛି ଚିତ୍ର ମଧ୍ୟ ସାମନାକୁ ଆସିଛି। ଏହା ସହ ବିଦ୍ୟୁତ ସଂଯୋଗ ପୁଣି କରାଯାଇଥିବାରୁ ଏୟାରବେସରେ ଲାଇଟ ଜଳିଛି।

କୁହାଯାଉଥିଲା ଯେ , ଆମେରିକା ସେନା ଯିବା ପରେ ଚୀନ ଏହି ଏୟାରବେସକୁ ଦଖଲ କରିବାକୁ ଆଗ୍ରହ ଦେଖାଉଥିଲା । ଚୀନ ବ୍ୟପାର ବିଶେଷଜ୍ଞ ୟୁନ ମଧ୍ୟ କହିଥିଲେ ଯେ, ବାଗ୍ରାମା ଏୟାରବେସକୁ ଏବେ ଚୀନ ଦଖଲ କରୁଛି। ଏହାରି ମଧ୍ୟରେ ଅନେକ ସାମରିକ ବିମାନ ଉଡାଣ କରି ବେଗ୍ରାମ ଏୟାରବେସରେ ଅବତରଣ କରିଥିବାରୁ ଏହା ଚୀନର ବୋଲି ଦାବି କରାଯାଉଛି। ଏହି ଏୟାରବେସ ଆଫଗାନିସ୍ତାନ ରାଜଧାନୀ କାବୁଲ ନିକଟରେ ରହିଛି। ଏହାକୁ ପ୍ରାୟ ୨୦ ବର୍ଷ ଧରି ଆମେରିକା ସେନା ଦଖଲ କରି ରଖିଥିଲା ।

ଆମେରିକା ନ୍ୟୁଜ ଓ ୱାଲ୍ଡ ରିପୋର୍ଟ ଅନୁଯାୟୀ , ଚୀନ ନିଜର ସାମରିକ କର୍ମଚାରୀ ଓ ଅର୍ଥନୈତିକ ବିକାଶ ଅଧିକାରୀଙ୍କୁ ବାଗ୍ରାମ ଏୟାରବେସକୁ ପଠାଇବାକୁ ଚିନ୍ତା କରୁଛି । ତେବେ ଚୀନ ବୈଦେଶିକ ମନ୍ତ୍ରାଳୟର ମୁଖପାତ୍ର ଏହାକୁ ଏବେ ଅସ୍ୱୀକାର କରିଛନ୍ତି ।

Leave A Reply

Your email address will not be published.