ଜମ୍ମୁ କାଶ୍ମୀର କୁଲଗାମରେ ସୁରକ୍ଷାକର୍ମୀ ଓ ଆତଙ୍କବାଦୀଙ୍କ ମଧ୍ୟରେ ଗୁଳିବିନିମୟ । ସୁରକ୍ଷାକର୍ମୀଙ୍କ ଗୁଳିମାଡ଼ରେ ଜଣେ ଆତଙ୍କବାଦୀ ନିହତ ହୋଇଛି । ମୃତ ଆତଙ୍କବାଦୀର ପରିଚୟ ଜଣାପଡିନି । ମିଳିଥିବା ସୂଚନା ଅନୁସାରେ, ଏହି ଅ ଳରେ ଆଉ ଆତଙ୍କବାଦୀ ଲୁଚି କି ରହିଛନ୍ତି । ବହୁ ସଂଖ୍ୟାର ଯବାନ ମାନେ ଏହି ଅଂଚଳକୁ ଘେରାବନ୍ଦୀ କରିଦେଇଛନ୍ତି । ଆତଙ୍କୀମାନେ ଏହି ଅଂଚଳରୁ ଯେପରି ବାହାରିପାରିବେନି ସେଥିପାଇଁ ପୁରା ଅଂଚଳକୁ ଘେରା ବନ୍ଦୀ କରି ଜଗି ରହିଛନ୍ତି ଯବାନ । ସମସ୍ତ ରାସ୍ତାକୁ ବନ୍ଦ କରିଦେଇଛନ୍ତି ।
ଯେମିତି ହିଁ ଆତଙ୍କବାଦୀ ମାନେ ଲୁଚିରହିଥିବା ଖବର ମିଳିଥିଲା ସୁରକ୍ଷାକର୍ମୀ ମାନେ ସାଙ୍ଗେ ସାଙ୍ଗେ ସେ ଅଞ୍ଚଳରେ ପହଞ୍ଚି ଅପରେସନ ଆରମ୍ଭ କରିଦେଇଥିଲେ । ଯବାନଙ୍କ ପକ୍ଷରୁ ଯେତେବେଳେ ଆତଙ୍କୀଙ୍କୁ ଅସ୍ତ୍ରଶସ୍ତ୍ର ହସ୍ତାନ୍ତାର କରିବାକୁ କୁହାଯାଇଥିଲା । ସେତେବେଳେ ସେ ଗୁଳିମାଡ଼ କରିବା ଆରମ୍ଭ କରିଦେଇଥିଲେ । ଯାହା ପରେ ଯବାନ ମାନେ ଗୁଳିମାଡ଼ କରି ଜବାବ ଦେଇଥିଲେ । ଯେଉଁଥିରେ ଜଣେ ଯବାନର ମୃତ୍ୟୁ ହୋଇଛି ।
ଏହା ପୂର୍ବରୁ ସେନାଙ୍କୁ ବୁଧବାର ବଡ଼ ସଫଳତା ମିଳିଥିଲା ଦୁଇଟି ଅଲଗା ଅଲଗା ଏନକାଉଣ୍ଟରରେ ପାଞ୍ଚ ଜଣ ଆତଙ୍କବାଦୀଙ୍କୁ ସେନା ନିହତ କରିଥିଲେ । ନିହତ ଆତଙ୍କବାଦୀଙ୍କ ମଧ୍ୟରୁ ଦୁଇ ଜଣ ଟିଆରଏଫ ଓ ଦୁଇ ଜଣ ହିଜବୁଲ ମୁଜାହିଦ୍ଦିନ କମାଣ୍ଡର ରହିଥିଲେ । ନିହତ ଆତଙ୍କବାଦୀଙ୍କ ନିକଟରୁ ବିପୁଳ ଅସ୍ତ୍ରଶସ୍ତ୍ର ଜବତ ହୋଇଥିଲା ।