ବଙ୍ଗୋପସାଗରରେ ଆଗକୁ ବଢ଼ୁଛି ବାତ୍ୟା ଜଓ୍ବାଦ
ପୁରୀରେ ସ୍ଥଳଭାଗ ଛୁଇଁଲା ବେଳକୁ ଦୁର୍ବଳ ହୋଇଯିବ
ଗତ ୬ ଘଣ୍ଟା ଧରି ୬ କିଲୋମିଟର ବେଗରେ ଆଗକୁ ବଢୁଛି
ଓଡ଼ିଶା ଉପରେ କମ ପ୍ରଭାବ ପକାଇବ, ଗଞ୍ଜାମ, ପୁରୀ, ଜଗତସିଂହପୁରରେ ଅଧିକ
ସର୍ବାଧିକ ୯୫ କିଲୋମିଟର ବେଗରେ ପବନ ବହିପାରେ
ଆସନ୍ତାକାଲି ମଧ୍ୟାହ୍ନରେ ପୁରୀ ଛୁଇଁପାରେ
ପାରାଦୀପରେ ୬୨ମିମି ବର୍ଷା ରେକର୍ଡ ହୋଇଥିବା ସୂଚନା
ପୁରୀରେ ଘଣ୍ଟାପ୍ରତି ୨୬ କିଲୋମିଟର ବେଗରେ ରହିଛି ପବନର ଗତି
ପୁରୀ ଉପକୂଳରେ ଲାଗିଲା ରେଡ୍ ଫ୍ଲାଗ୍, ୪ ବନ୍ଦରରେ ବିପଦ ସଙ୍କେତ ଜାରି
ଜଓ୍ବାଦ ପ୍ରଭାବରେ ଟ୍ରେନ୍ ବାତିଲ୍, ସରକାର ବି ସତର୍କ

ବାୟୁବୀର ଅଭିନନ୍ଦନଙ୍କୁ ‘ବୀରଚକ୍ର’ ସମ୍ମାନ

0

ୱିଙ୍ଗ କମାଣ୍ଡର ଅଭିନନ୍ଦନ ବର୍ଦ୍ଧମାନଙ୍କୁ ‘ବୀରଚକ୍ର’ ସମ୍ମାନ । ରାଷ୍ଟ୍ରପତି ଭବନରେ ‘ବୀରଚକ୍ର’ ସମ୍ମାନରେ ସମ୍ମାନିତ କରିଛନ୍ତି ରାଷ୍ଟ୍ରପତି । ପାକିସ୍ତାନର ଲଢୁଆ ଯୁଦ୍ଧ ବିମାଗ ଏଫ-୧୬ ମାରି ଖସାଇବା ପାଇଁ ତାଙ୍କୁ ଏହି ସମ୍ମାନ ମିଳିଛି । ଏହା ସହ ବିଭିନ୍ନ ପରିସ୍ଥିତିରେ ସାହାସିକତାର ସହ ମୁକାବିଲା କରିଥିବା ଭାରତୀୟଙ୍କୁ ମଧ୍ୟ ରାଷ୍ଟ୍ରପତି ରାମନାଥ କୋବିନ୍ଦ ସମ୍ମାନିତ କରିଛନ୍ତି ।

ଫେବୃଆରୀ ୧୪, ୨୦୧୯ରେ ପାକିସ୍ତାନର ଆତଙ୍କବାଦୀ ସଂଗଠନ ଜୈସ-ଏମହମ୍ମଦର ଆତଙ୍କୀମାନେ ପୁଲୱାମାରେ ଯବାନଙ୍କ ଗାଡି ଉପରେ ଆକ୍ରମଣ କରିଥିଲେ । ଏଥିରେ ୪୦ ଜଣ ଯବାନ ସହିଦ ହୋଇଥିଲେ । ପୁରା ଦେଶ ପ୍ରତିଶୋଧର ନିଆଁରେ ଜଳୁଥିବା ବେଳେ ଭାରତୀୟ ଯବାନ ପ୍ରତିଶୋଧ ପୁରା କରିଥିଲେ । ସେହି ମାସର ୨୬ ଓ ୨୭ ତାରିଖରେ ପାକିସ୍ତାନର ବାଲାକୋଟରେ ଥିବା ଆତଙ୍କୀ ଶିବିର ଉପରେ ରାତି ଅଧିଆ ଏୟାରଷ୍ଟ୍ରାଇକ କରାଯାଇଥିଲା ।

ବାଲାକୋଟ ଏୟାର ଷ୍ଟ୍ରାଇକ ସମୟରେ ଅଭିନନ୍ଦନ ପାକିସ୍ତାନର ଏଫ-୧୬ ଫାଇଟର ଏୟାରକ୍ରାଫ୍ଟକୁ ଗୁଳି ମାରି ଖସାଇଥିଲେ । ଆକାଶପଥରୁ ଭାରତୀୟ ବାୟୁସେନାର ଏଭଳି ଅଚାନକ ଆକ୍ରମଣର ଅନ୍ଦାଜ ଲଗାଇପାରିନଥିଲେ ଶତ୍ରୁ । ଆକାଶପଥରୁ ମିସାଇଲ ଓ ମାଡ଼ ଓ ବୋମା ବର୍ଷଣ କରି ଆତଙ୍କୀ ଶିବିରକୁ ଧ୍ୱସ୍ତବିଧ୍ୱସ୍ତ କରିଥିଲେ ଏହି ବାୟୁବୀର । ଏୟାରଷ୍ଟ୍ରାଇକରେ ପାଖାପାଖି ୩୦୦ ଆତଙ୍କବାଦୀ ନିପାତ ହୋଇଥିଲେ । ହେଲେ ଲଢେଇ କରୁ କରୁ ଶତ୍ରୁ ଦେଶର ସୀମାକୁ ପାର କରିଯାଇଥିଲେ ଅଭିନନ୍ଦନ । ଆଉ ପାକିସ୍ତାନ ଆର୍ମିଙ୍କ ହାବୁଡରେ ପଡିଯାଇଥିଲେ । ଏହା ପରେ ପାକିସ୍ତାନ ଆର୍ମି ତାଙ୍କୁ କିଛି ଦିନ ଧରି ବନ୍ଦୀ କରି ରଖିଥିଲେ । ପାଖାପାଖି ୩ ଦିନ ଅଭିନନ୍ଦନଙ୍କୁ ବନ୍ଦୀ କରି ରଖିବା ପରେ ବାୟୁବୀର ଅଭିନନ୍ଦନଙ୍କୁ ମୁକୁଳାଇ ଆଣିବାରେ ସମର୍ଥ ହୋଇଥିଲା ଭାରତ।

ସେତେବେଳେ ମିଗ-୨୧ ବିମାନରେ ଶତ୍ରୁ ଦେଶର ଏଫ -୧୬ ବିମାନକୁ ଧ୍ୱଂସ କରିବା କାରଣରୁ ପୁରା ବିଶ୍ୱରେ ଅଭିନନ୍ଦନଙ୍କୁ ପ୍ରଶଂସା କରାଯାଇଥିଲା । ସେତେବେଳେ ୱିଙ୍ଗ କମାଣ୍ଡର ଥିଲେ ଅଭିନନ୍ଦନ । ଅଭିନନ୍ଦନ ଏକମାତ୍ର ମିଗ -୨୧ ପାଇଲଟ ଭାବେ ପାକିସ୍ତାନର ଫାଇଟର ଜେଟକୁ ଗୁଳିକରି ଖସାଇ ଦେବାରେ ଗୌରବ ହାସଲ କରିଥିଲେ । ଏହା ପରେ ତାଙ୍କୁ ବାୟୁସେନା ପକ୍ଷରୁ ପଦୋନ୍ନତି ଦେଇ ୱିଙ୍ଗ କମାଣ୍ଡରରୁ ଗ୍ରୁଫ କମାଣ୍ଡର କରାଯାଇଥିଲା ।

Leave A Reply

Your email address will not be published.