କେରାପୁଟ: ୨୦୧୭ ମସିହା ଜାନୁଆରି ୩୦ ତାରିଖରେ ଆକାଶ ମହୁରିଆକୁ ଏନକାଉଣ୍ଟର ହୋଇଥିଲା। ପାଖାପାଖି ୪ବର୍ଷ ପରେ ଏହି ମାମଲାର ଫାଇଲ ଖୋଲିଛି। କେବଳ ସେତିକି ନୁହେଁ, ଏହି ଘଟଣାରେ ତତ୍କାଳୀନ ଏସଡିପିଓ ରାଜେନ୍ଦ୍ର ସେନାପତି, ତତ୍କାଳୀନ ଟାଉନ ଥାନା ଆଇଆଇସି ତପନ ରଥ ଓ ଅନ୍ୟ ଦୁଇ ସବ ଇନସପେକ୍ଟର ଶିବ ସାହୁ ଏବଂ ରାଜେନ୍ଦ୍ର ବଳିଆର ସିଂହଙ୍କ ବିରୋଧରେ ହତ୍ୟା ମାମଲା ରୁଜୁ କରାଯାଇଛି। କ୍ରାଇମବ୍ରାଞ୍ଚ ଏହି ମାମଲାରେ ତନାଘନା ଆରମ୍ଭ କରିବା ସହିତ ବରିଷ୍ଠ ଅଧିକାର ରାମଚନ୍ଦ୍ର ଥମ୍ବଙ୍କୁ ଦିଆଯାଇଛି ତଦନ୍ତ ଦାୟିତ୍ବ। ପୁଲିସ କର୍ମଚାରୀଙ୍କ ବିରୋଧରେ ହତ୍ୟା ଅଭିଯୋଗ ଆଣି ପରିବାର ରାଜ୍ୟ ମାନବାଧିକାର କମିସନଙ୍କ ଦ୍ବାରସ୍ଥ ହେବା ପରେ ମାମଲାଟି ୟୁ ଟର୍ଣ୍ଣ ମାରିଛି।
ସେବେ ପୁଲିସ କହିଥିଲା, ୨୦୧୭ ଜାନୁଆରି ୩୦ ତାରିଖରେ ଆକାଶ ସ୍ଥାନୀୟ କେନାଲ ରୋଡ ନିକଟରେ ଥିବା ପୁଲିସ ଜାଣିପାରି ଚଢାଉ କରିଥିଲା। ପରେ ତାର ଅବସ୍ଥା ସଙ୍କଟାପନ୍ନ ହେବାରୁ ତାକୁ ମେଡିକାଲକୁ ସ୍ଥାନାନ୍ତର କରାଯାଇଥିଲା ଓସେଠାରେ ତାର ମୃତ୍ୟୁ ହୋଇଥିଲା। ପରିବାର ଲୋକେ କିନ୍ତୁ ଅଭିଯୋଗ କରିଥିଲେ ଯେ ଆକାଶକୁ ପୁଲିସ ପିଟି ପିଟି ହତ୍ୟା କରିଛି। ଏହି ମାମଲାରେ ସଂପୃକ୍ତ ପୁଲିସ ଅଧିକାରୀଙ୍କ ବିରୋଧରେ ଶେଷରେ ମାମଲା ରୁଜୁ ହୋଇଛି ଓ କ୍ରାଇମବ୍ରାଞ୍ଚକୁ ତଦନ୍ତ ଦାୟିତ୍ବ ଦିଆଯାଇଛି। ଏଠାରେ ଉଲ୍ଲେଖଥାଉକି, ଆକାଶ ନାଁରେ ୧୪ଟି ମାମଲା ଥିବା ବେଳେ ୧୦ଟି ଜାମିନ ବିହୀନ ଗିରଫ ପରଓ୍ବାନା ଜାରି ହୋଇଥିଲା।