ଅଭିନେତ୍ରୀ ଏଶ୍ୱର୍ଯ୍ୟା ରାୟଙ୍କୁ ସମନ । ପାନାମା ପେପର୍ସ ଲିକ୍ ମାମଲାରେ ଏଶ୍ୱର୍ଯ୍ୟାଙ୍କୁ ଇଡି ସମନ କରିଛି । ଏଶ୍ୱର୍ଯ୍ୟାଙ୍କୁ ପଚରାଉଚରା ପାଇଁ ପ୍ରବର୍ତ୍ତନ ନିର୍ଦ୍ଦେଶାଳୟ ପକ୍ଷରୁ ଡକାଯାଇଛି। ପୂର୍ବରୁ ମଧ୍ୟ ଏଶ୍ୱର୍ଯ୍ୟାଙ୍କୁ ଦୁଇ ଥର ଡକାଯାଇଥିଲା । କିନ୍ତୁ ଦୁଇଥର ସେ ନୋଟିସକୁ ସ୍ଥଗିତରଖିବାକୁ ଅନୁରୋଧ କରିଥିଲେ । ପାନାମା ପେପର୍ସ ଲିକ୍ର ଯାଞ୍ଚ କରୁଥିବା ସ୍ୱତନ୍ତ୍ର ଅନୁସନ୍ଧାନକାରୀ ଦଳକୁ ପୂର୍ବରୁ ଏହି ଅନୁରୋଧ କରିଥିଲେ ।
ଏଶ୍ୱର୍ଯ୍ୟା ରାୟଙ୍କୁ ଫେମା ଅଧିନରେ ଦିଆଯାଇଥିବା ନୋଟିସରେ ସେ ଇଡି ଆଗରେ ହାଜର ହେବେ ନାହିଁ । ଏଥିପାଇଁ ସେ ଇଡି ମୁଖ୍ୟାଳୟକୁ ଏକ ଚିଠି ଲେଖିଛନ୍ତି । ଫେମା ଅଧିନରେ ଇଡି ଏଶ୍ୱର୍ଯ୍ୟା ରାୟଙ୍କୁ ଏକ ଚିଠି କରି ଦିଲ୍ଲୀ ମୁଖ୍ୟାଳୟକୁ ପଚରାଉଚରା କରିବା ପାଇଁ ଡାକିଥିଲା । ।ହେଲେ ଏଶ୍ୱର୍ଯ୍ୟା ଚିଠି ଲେଖିଛନ୍ତି ଯେ ,ସେ ହାଜର ହେବେ ନାହିଁ । ଏବେ ପ୍ରବର୍ତ୍ତନ ନିର୍ଦ୍ଦେଶାଳୟ ଏକ ନୂତନ ବିଜ୍ଞପ୍ତି ଜାରି କରିବ ।
ଏଶ୍ୱର୍ଯ୍ୟାଙ୍କୁ ୨୦୨୧ ନଭେମ୍ବର ୯ ତାରିଖରେ ଧାରା ୩୭ ଫେମା ଜରିଆରେ ଇଡି ସମନ କରିଥିଲା । ମୁମ୍ବାଇ ସ୍ଥିତ ଘର ‘ପ୍ରତୀକ୍ଷା’କି ଉଡ଼ି ଏହି ସମନ ପଠାଇଥିଲା । ୧୫ ଦିନ ମଧ୍ୟରେ ଏହି ସମନର ଜବାବ ଦେବାକୁ କୁହାଯାଇଥିବା ବେଳେ ଇମେଲ ମାଧ୍ୟମରେ ଏଶ୍ୱର୍ଯ୍ୟା ଏହା ଉତ୍ତର ଦେଇଥିବା ଜଣାପଡିଥିଲା ।
ପାନାମା ପେପର୍ସ ଲିକ୍ ମାମଲାରେ ଏକ କମ୍ପାନୀ(ମୋସାକ୍ ଫୋନ୍ସେକା)ର ଆଇନଗତ ତଥ୍ୟ ଲିକ୍ ହୋଇଛି । ଏଥିରୁ ଜଣାପଡିଛି ଯେ, ୪୨୪ ଭାରତୀୟଙ୍କର ବିଦେଶୀ ବ୍ୟାଙ୍କରେ ଆକାଉଣ୍ଟ ଅଛି । ଏଥିରେ କିଛି ରାଜନେତାଙ୍କ ସହ ଫିଲ୍ମ ତାରକାରଙ୍କ ନାଁ ମଧ୍ୟ ରହିଛି । ଏଶ୍ୱର୍ଯ୍ୟାଙ୍କ ବ୍ୟତୀତ ଅମିତାଭ ବଚ୍ଚନ ଏବଂ ଅଜୟ ଦେବଗନଙ୍କ ନାଁ ମଧ୍ୟ ତାଲିକାରେ ରହିଛି ଦେଶର ପୂର୍ବତନ ସଲିସେଟର ଜେନେରାଲ ତଥା ସୁପ୍ରିମକୋର୍ଟର ଓକିଲ ହରିଶ ସାଲଭେ, ପଳାତକ ବ୍ୟବସାୟୀ ବିଜୟ ମାଲ୍ୟା ଓ ମୋଷ୍ଟ ୱାେଣ୍ଟେଡ ଅପରାଧୀ ଇକବାଲ ମିର୍ଚିର ନାଁ ରହିଥିଲା । ମାମଲା ସୁପ୍ରିମକୋର୍ଟ ଯାଏଁ ପହଁଞ୍ଚିଥିଲା ।
ତା ପରେ କେନ୍ଦ୍ର ସରକାର ଏହି ପ୍ରସଙ୍ଗରେ ଏକ ମଲ୍ଟି ଏଜେନ୍ସି ଗ୍ରୁଫ ଗଠନ କରିଥିଲେ । ଏଥିମଧ୍ୟରେ ସିବିଡିଟି,ଆରବିଆଇ,ଇଡି ଏବଂ ଏଫଆଇୟୁଙ୍କୁ ମଧ୍ୟ ସାମିଲ କରାଯାଇଥିଲା ।ଏମଏଜି ସମସ୍ତ ନାଁର ଅନୁସନ୍ଧାନ କରୁଥିଲା ଏବଂ କଳା ଟଙ୍କାର ତଦନ୍ତ ପାଇଁ ଗଠିତ ଏସଆଇଟି ଓ କେନ୍ଦ୍ର ସରକାରଙ୍କୁ ରିପୋର୍ଟ ଦେଉଥିଲା । ଏହା ପୂର୍ବରୁ ୨୦୧୬ରେ ମଧ୍ୟ ମୋସାକ ଫୋନ୍ସେକାଙ୍କ ଡକ୍ୟୁମେଣ୍ଟ ଲିକ୍ ହୋଇଥିଲା , ଯେଉଁଥିରେ ୫୦୦ରୁ ଅଧିକ ଭାରତୀୟଙ୍କର ନାଁ ରହିଥିଲା ।