କରୋନା ସଂକ୍ରମଣର ନୂଆ ଭ୍ୟାରିଆଣ୍ଟ ଓମିକ୍ରନକୁ ସାରା ବିଶ୍ୱ ଚିନ୍ତାରେ । ଭାରତ ସମେତ ଅନେକ ଦେଶରେ ଏହି ସଂକ୍ରମଣ ଯୋଗୁଁ ସ୍ଥିତି ବିଗିଡିବାରେ ଲାଗିଛି । ଓମିକ୍ରନ ମଧ୍ୟ ଦ୍ରୁତ ଗତିରେ ଲୋକଙ୍କୁ ସଂକ୍ରମିତ କରୁଛି । ତେବେ ଏହା ମଧ୍ୟରେ ଏକ ଆଶ୍ୱସ୍ତି କଲା ଭଳି ଖବର ଆସିଛି । ନିକଟରେ ୱାଶିଂଟନର ବୈଜ୍ଞାନିକ ଓ ଭାଓରୋଲଜିଷ୍ଟ ଡାକ୍ତର କୁତୁବ ମହମ୍ମୁଦ କହିଛନ୍ତି, ଏହି ମହାମାରୀ ସବୁବେଳ ପାଇଁ ରହିବ ନାହିଁ । ଏବଂ ଏହାର ଅନ୍ତ ଖୁବ ଶୀଘ୍ର ହେବ ।
ଡାକ୍ତର କୁତୁବ ଏହା ବି କହିଛନ୍ତି ଯେ, ଚେସ୍ର ଏହି ଖେଳରେ କେହି ବିଜେତା ନୁହଁନ୍ତି, ଏହା ଡ୍ର ମ୍ୟାଚ ଭଳି । ଯେଉଁଠାରେ ଭୂତାଣୁ ଲୁଚିଯିବ ଏବଂ ବାସ୍ତବରେ ବିଜୟୀ ହେବା । ଏବଂ ଜଲଦି ହିଁ ମାସ୍କ ପିନ୍ଧିବାରୁ ଆଶ୍ୱସ୍ତି ମିଳିବ ।ତେବେ ଆଗକୁ ପୁଣି ବଢିବା ବୋଲି ବିଶ୍ୱାସ ରହିଥିବା ସେ କହିଛନ୍ତି । ୨୦୨୧ ,ଜାନୁଆରୀ ୧୬ରୁଭାରତରେ ଟିକାକରଣ ଅଭିଯାନ ଆରମ୍ଭ ହୋଇଥିଲା । ଏବଂ ବର୍ଷକ ଭିତରେ ୧୫୬ କୋଟିର ଟିକାକରଣ କରି ଏକ ନୂଆ ରେକର୍ଡ ଭାରତ ସୃଷ୍ଟି କରିଛି ।
ଡାକ୍ତର କୁତୁବ କହିଛନ୍ତି, କରୋନା ବିରୋଧରେ ଲଢେଇରେ ଭ୍ୟାକସିନ ହେଉଛି ସବୁଠୁ ବଡ଼ ଅସ୍ତ୍ର । ମାସ୍କ ପିନ୍ଧିବା,ସାମାଜିକ ଦୂରତା ଓ ସାନିଟାଇଜର ବ୍ୟବହାର ଦ୍ୱାରା ଆମେ କରୋନାକୁ ମାତ ଦେଇପାରିବା ।ଏବଂ ଆଗକୁ ଯଦି ଆଉ କେଉଁ ନୂଆ ଭ୍ୟାରିଆଣ୍ଟ ଆସେ ତେବେ ଭୟଭୀତ ହେବାର ଆବଶ୍ୟକତା ନାହିଁ ବୋଲି ସେ କହିଛନ୍ତି । ଯଦି ସମସ୍ତେ ଟିକାନେବା ତେବେ ଆଗକୁ କୌଣସି ଭୂତାଣୁରୁ ନିଜକୁ ସୁରକ୍ଷିତ ରଖିପାରିବା ବୋଲି କହିଛନ୍ତି ଡାକ୍ତର କୁତୁବ । ଭାରତ ବାୟୋଟେକର କୋଭିକ୍ସିନକୁ ପ୍ରଶଂସା କରି ଡାକ୍ତର କୁତୁବ କହିଛନ୍ତି, ,ଏହା ଏକ ଭଲ ଘରୋଇ ଉତ୍ପାଦ । ଯାହା ପାଇଁ ମୁଁ ଭାରତ ସରକାର ଓ ଭାରତୀୟ କମ୍ପାନୀକୁ ଧନ୍ୟବାଦ ଦେଉଛି । ଏହା ଏକ ଭଲ ଭ୍ୟାକସିନ ଏବଂ କ୍ଲିନିକାଲ ତଥ୍ୟରେ ଆମେ ଦେଖିଛୁ ଯେ, ୨ ବର୍ଷ ଯାଏଁ ପିଲାଙ୍କ ମଧ୍ୟରେ ଭଲ ଫଳାଫଳ ଦେଖିବାକୁ ମିଳିଛି ।