ପ୍ରମୁଖ ଖବର

ଓଡ଼ିଶାରେ ଯାହା ବି କିଛି ପ୍ରତିଷ୍ଠା ହୋଇଛି କଂଗ୍ରେସ ପାଇଁ: ଖଡଗେ
ରାଜ୍ୟରେ କାଲିଠାରୁ ଗଡ଼ିବ ସବୁ ଘରୋଇ ବସ୍‌
ରାଖୀ ପୂର୍ଣ୍ଣିମାରେ ମିଳିବ ସୁଭଦ୍ରା ଯୋଜନାର ୩ୟ କିସ୍ତି
ଆନ୍ଦୋଳନରୁ ଓହରିବାକୁ ସଂଘକୁ ଅନୁରୋଧ କଲେ ପରିବହନ ମନ୍ତ୍ରୀ
ଅବାନ୍ତର ଓ ମିଛ କଥା କହୁଛନ୍ତି ରାହୁଲ: ଆଇନ ମନ୍ତ୍ରୀ
ଅଦାନୀ ପାଇଁ ଶ୍ରୀଜଗନ୍ନାଥଙ୍କ ରଥକୁ ରୋକାଯାଇଛି : ରାହୁଲ ଗାନ୍ଧୀ

ଆଇଏନଏସ ରଣବୀର, ବିସ୍ଫୋରଣର ଯାଞ୍ଚ ପାଇଁ ନିର୍ଦ୍ଦେଶ

0

ମୁମ୍ବାଇର ନୌସେନା ଡକ୍‌ୟାର୍ଡ ଭିତରେ ଥିବା ଆଇଏନଏସ ରଣବୀରରେ ବିସ୍ଫୋରଣ ।ବିସ୍ଫୋରଣରେ ୩ ଜଣ ଯବାନ ସହିଦ ହୋଇଥିବା ବେଳେ କିଛି ଜଣ ଆହତ ହୋଇଛନ୍ତି । ଭାରତୀୟ ନୌସେନା ଅଧିକାରୀ ବିସ୍ଫୋରଣ ନେଇ ସୂଚନା ଦେବାକୁ ଯାଇ କହିଛନ୍ତି ଯେ, ଆଇଏନଏସ ରଣବୀର ପୂର୍ବାଞ୍ଚଳ କମାଣ୍ଡରେ ମୁତୟନ ଥିଲା । ନିକଟରେ ଏହା ନିଜର ମୂଳ ବେସ -ପଶ୍ଚିମାଞ୍ଚଳ ନୌସେନା କମାଣ୍ଡକୁ ଫେରିଥିଲା । ଏହି ସମୟରେ ଆଇଏନଏସ ରଣବୀରରେ ବିସ୍ଫୋରଣ ହୋଇଛି ।

ନୌସେନା ଅଧିକାରୀ କହିଛନ୍ତି ଯେ, ବିସ୍ଫୋରଣ କ୍ରୁ ସଦସ୍ୟଙ୍କ ପଦକ୍ଷେପ ଯୋଗୁ ତୁରନ୍ତ ନିଆଁକୁ ନିୟନ୍ତ୍ରଣକୁ କରାଯାଇଥିଲା । ତେବେ ଏଯାଏ ଏହି ବିସ୍ଫୋରଣରେ କୌଣସି ବଡ଼ ଧରଣର କ୍ଷତି ହୋଇଥିବା ସୂଚନା ମିଳିନାହିଁ । ତେବେ ଆଇଏନଏସ ରଣବୀରରେ ବିସ୍ଫୋରଣ କେମିତ ହେଲା, ତାହାର ତଦନ୍ତ ପାଇଁ ବୋର୍ଡ ଅଫ ଇନକ୍ୱାରୀକୁ ନିର୍ଦ୍ଦେଶ ଦିଆଯାଇଛି ।

ଆଇଏନଏସ ରଣବୀର ଭାରତୀୟ ନୌସେନାର ରାଜପୁତ ଶ୍ରେଣୀର ୫ ବିଧ୍ୱଂସକାରୀ ଜାହାଜ ମଧ୍ୟରୁ ହେଉଛି ଚତୃର୍ଥ ଜାହାଜ ।୧୯୮୬ରେ ଏହାକୁ
ନୌସେନାରେ ସାମିଲ କରାଯାଇଥିଲା । ଅସ୍ତ୍ରଶସ୍ତ୍ର ଓ ସେନସର ସହ ସଜ୍ୱିତ ଥିବା ଆଇଏନଏସ ରଣବୀର ୩୦ ଅଧିକାରୀ ଓ ୩୧୦ ନୌକା ଚାଳକଙ୍କ ଏକ ଦଳ ଦ୍ୱାରା ପରିଚାଳିତ ହୁଏ । ଇଷ୍ଟର୍ଣ୍ଣ ନାଭାଲ କମାଣ୍ଡରୁ ଆଇଏନଏସ ରଣବୀରକୁ କ୍ରସ କୋଷ୍ଟ ଅପରେସନାଲରେ ନିୟୋଜିତ କରାଯାଇଥିଲା । ଖୁବ ଶୀଘ୍ର ଏହା ନିଜର ବେସକୁ ଫେରିଥାନ୍ତା । ତା ପୂର୍ବରୁ ଏହି ଅଘଟଣ ଘଟିଛି ।

Leave A Reply

Your email address will not be published.