ଜମ୍ମୁ-କାଶ୍ମୀର ସୁରକ୍ଷାକର୍ମୀଙ୍କୁ ବଡ଼ ସଫଳତା । ସୁରକ୍ଷାକର୍ମୀ ଗତ ୨୪ ଘଣ୍ଟାରେ ଆତଙ୍କୀ ସଂଗଠନ ଲସ୍କର-ଏ-ତୋଇବା ଓ ଜୈସ-ଏ-ମହମ୍ମଦର ୫ ଆତଙ୍କବାଦୀଙ୍କୁ ନିହତ କରିଛନ୍ତି । ନିହତ ହୋଇଥିବା ଆତଙ୍କବାଦୀଙ୍କ ମଧ୍ୟରେ ଆତଙ୍କୀ ସଂଗଠନ ଜୈସ-ଏ-ମହମ୍ମଦର କମାଣ୍ଡର ଜାହିଦ ୱାନି ଏବଂ ଆଉ ଏକ ପାକିସ୍ତାନ ଆତଙ୍କବାଦୀ ସାମିଲ ଅଛି । କାଶ୍ମୀର ଆଇଜିପି ଏହାକୁ ସୁରକ୍ଷାକର୍ମୀଙ୍କ ବଡ଼ ସଫଳତା ବୋଲି କହିଛନ୍ତି ।
ଜମ୍ମୁ-କାଶ୍ମୀର ଡିଜିପି କହିଛନ୍ତି ଯେ, ଶନିବାର ରାତିରେ ବଡ଼ଗାମ ଜିଲ୍ଲାର ଚରାରେସିର୍ଫ, ପୁଲୱାମା ଜିଲ୍ଳାରେ ନାୟରାରେ ସୁରକ୍ଷାକର୍ମୀ ଅପରେସନ ଚଲାଇଥିଲେ । ଏହି ଅପରେସନରେ ହିଁ ବଡ଼ଗାମରେ ଜଣେ ଓ ପୁଲୱାମାରେ ୪ଜଣ ଆତଙ୍କୀଙ୍କୁ ସୁରକ୍ଷାକର୍ମୀ ନିହତ କରିଛନ୍ତି । ଜାହିଦ ମଞ୍ଜୁର ୱାନି ଜମ୍ମୁ କାଶ୍ମୀରରେ ଜୈସର ମୁଖ୍ୟ କମାଣ୍ଡର ଥିଲା । ଜାହିଦ ଲେଟପୁର ଘଟଣାରେ ମଧ୍ୟ ସାମିଲ ଥିଲା । ଯେଉଁଥିରେ ଫେବୃଆରୀ ୧୪ ୨୦୧୯ରେ ସିଆରପିଏଫର ୪୦ରୁ ଅଧିକ ଯବାନ ସହିଦ ହୋଇଥିଲେ । ଜାହିଦ ୱାନିର ପରିଚୟ ମିଳିଥିବା ବେଳେ ନିହତ ଅନ୍ୟ ଆତଙ୍କୀଙ୍କର ପରିଚୟ ଠାବ କରାଯାଉଛି । ଏବେ ବି ସ୍ଥାନୀୟ ଅଞ୍ଚଳରେ ସର୍ଚ୍ଚ ଅପରେସନ ଚାଲିଥିବା ପୁଲିସ ପକ୍ଷରୁ ଖବର ମିଳିଛି ।