ଋଷ ଓ ୟୁକ୍ରେନ ମଧ୍ୟରେ ବିବାଦ ବଢିବା ସହ ଯୁଦ୍ଧ ଆଶଙ୍କା ଘନଉଛି । ୟୁକ୍ରେନ ସୀମାରେ ସୈନ୍ୟ ବଳ ବଢାଇବାରେ ଲାଗିଛି ଋଷ । ୟୁକ୍ରେନ ସୀମାରେ ଲକ୍ଷେ ୩୦ ହଜାର ସୈନ୍ୟଙ୍କୁ ଏକାଠି କରାଯାଇଛି । ଏହା ସହ ଋଷ ଟ୍ୟାଙ୍କ,ଭାରି ଅସ୍ତ୍ରଶସ୍ତ୍ର,ମିଜାଇଲ ମଧ୍ୟ ୟୁକ୍ରେନ ସୀମାରେ ମୁତୟନ କରିଛି । ରିପୋର୍ଟ ଅନୁସାରେ, ୟୁକ୍ରେନକୁ ଚାରିପଟୁ ଘେରିରହିଛି ଋଷ । ସେପଟେ ଆମେରିକା କହିଛି ଯେ, ଫେବୃଆରୀ ୧୬ ଅର୍ଥାତ ଆସନ୍ତାକାଲି ଋଷ, ୟୁକ୍ରେନ ଉପରେ ଆକ୍ରମଣ କରିବ । ଆମେରିକା ଓ ୟୁରୋପୀୟ ଦେଶ ଋଷ ଉପରେ ପ୍ରତିବନ୍ଧକ ଲଗାଇବାକୁ ଚେତାବନୀ ଦେଇଛନ୍ତି । ତଥାପି ଏହାର କୌଣସି ପ୍ରଭାବ ଋଷ ଉପରେ ପଡୁନାହିଁ । ସିଏନଏସ ରିପୋର୍ଟ ଅନୁସାରେ, ଋଷ ,ୟୁକ୍ରେନକୁ ୩ ପଟୁ ଘେରିଛି । ଦକ୍ଷିଣରେ କ୍ରିମିୟା ଓ ଉତ୍ତରରେ ବେଲାଋଷ ପଟୁ ଘେରି ରହିଛି। ଋଷ ୩ ପଟୁ ୟୁକ୍ରେନକୁ ଘେରିଛି।
() ପୂର୍ବ ୟୁକ୍ରେନ: ୨୦୧୪ରୁ ଏଠାରେ ଡୋନେଟସ୍କ ଓ ଲୁହଁସ୍କରେ ଋଷ ସମର୍ଥିତ ବିଚ୍ଚିନ୍ନତାବାଦୀମାନେ ଉପସ୍ଥିତ ଅଛନ୍ତି ।ସିଏନଏନ ସାଟେଲାଇଟ ସାଟେଲାଇଟ ଚିତ୍ର ଆଧାରରେ କହିଛି ଯେ, ୟେଲେନିଆରେ ଋଷ ସେନାର ମିଲିଟାରୀ ବସକୁ ଖାଲି କରାଯାଇଛି । ୨୦୨୧ ଶେଷରେ ଏଠାରେ ବଡ ସଂଖ୍ୟାରେ ଟ୍ୟାଙ୍କର,ଅସ୍ତ୍ରଶସ୍ତ୍ର ଏହି ମିଲିଟାରୀ ବସରେ ଅଣାଯାଇଥିଲା । ଯେଉଁଥିରେ ୭୦୦ ଟ୍ୟାଙ୍କର, ଯାନ ଓ ବାଲିଷ୍ଟିକ କ୍ଷେପଣାସ୍ତ୍ରର ଲ ର ଅର୍ନ୍ତଭୁକ୍ତ ଥିଲା।
() ବେଲାଋଷ: ଋଷ ଓ ବେଲାଋଷ ମଧ୍ୟ ସମ୍ପର୍କ ବହୁ ଘନିଷ୍ଠ । ଗତ ସପ୍ତାହରେ ଋଷ ଓ ଏବଂ ବେଲାଋଷ ସେନା ୧୦ ଦିନର ଯୁଦ୍ଧ ଅଭ୍ୟାସ ଆରମ୍ଭ କରିଦେଇଥିଲେ । ଏଥିରେ ଋଷର ୩୦ ହଜାରରୁ ଅଧିକ ସୈନ୍ୟ ସାମିଲ ଥିଲେ । ବେଲାଋଷରେ ଋଷ ସେନା ସହିତ ଏସୟୁ-୩୫ ସମେତ ବହୁ ଯୁଦ୍ଧ ବିମାନ, ବାଲାଷ୍ଟିକ ମିଜାଇଲ ସିଷ୍ଟମ ଏବଂ ଏସ-୪୦୦ ଏୟାର ଡିଫେନ୍ସ ସିଷ୍ଟମ ମୁତୟନ ଅଛି ।
()କ୍ରିମିୟା: ୨୦୧୪ରୁ କ୍ରିମିୟା ଋଷ କବଜାରେ ଅଛି । ସିଏନଏନ ରିପୋର୍ଟରେ ସାଟେଲାଇଟ ଚିତ୍ର ଆଧାରରେ କୁହାଯାଇଛି ଯେ, ୫୫୦ରୁ ଅଧିକ ମିଲାଟାରୀ ଟ୍ୟାଙ୍କ ଓ ବହୁ ସଂଖ୍ୟାରେ ଯାନ କ୍ରିମିୟା ରାଜଧାନୀ ସିମ୍ପୋରପୋଲ ଉତ୍ତରରେ ଆସିସାରିଛନ୍ତି । ଏଥିସହିତ ଅନେକ ଋଷର ଯୁଦ୍ଧ ଜାହାଜ ମଧ୍ୟ କ୍ରିମିୟାର ମୁଖ୍ୟ ବନ୍ଦର ସେବସ୍ତୋପୋଲରେ ପହଞ୍ଚି ସାରିଛନ୍ତି ।
ଏହା ବ୍ୟତୀତ ଋଷ ୬ ଯୁଦ୍ଧ ଜାହାଜ ମଧ୍ୟ କାଲା ସାଗରରେ ନିୟୋଜିତ କରିଛି । ତେବେ ଆକ୍ରମଣ କରିବାକୁ ଋଷ ପ୍ରସ୍ତୁତ ହେଉଥିବା ବେଳେ ୟୁକ୍ରେନ ସହିତ ଆମେରିକା,ବ୍ରିଟେନ ସମେତ ୟୁରୋପୀୟ ଦେଶ ଓ ନାଟୋ ରହିଛନ୍ତି । ୟୁକ୍ରେନ ପ୍ରତିରକ୍ଷା ମନ୍ତ୍ରୀ ଟୁଇଟ କରି କହିଛନ୍ତି ଯେ, ଏବେ ଯାଏଁ ୧୫୦୦ ଟନର ସୈନ୍ୟ ସାମଗ୍ରୀ ମିଳିସାରିଛି । ଏଥିରେ ଅସ୍ତ୍ରଶସ୍ତ୍ର, ଗ୍ରେନେଡ ଓ ଗୋଳାବାରୁଦ ଭଳି ସୈନ୍ୟ ସାମଗ୍ରୀ ରହିଛି । ଅନ୍ୟପଟେ ୟୁକ୍ରେନକୁ ରକ୍ଷା କରିବା ପାଇଁ ପ୍ରସ୍ତୁତ ରହିଛି ଆମେରିକା ।ରବିବାର ବାଇଡେନ ,ୟୁକ୍ରେନ ରାଷ୍ଟ୍ରପତିଙ୍କ ସହ ୫୦ ମିନିଟ ଧରି ଆଲୋଚନା କରିଥିଲେ । ବାଇଡେନ ,ୟୁକ୍ରେନକୁ ଭରସା ଦେଇଛି ଯେ, ଯଦି ଋଷ ୟୁକ୍ରେନ ଉପରେ ଆକ୍ରମଣ କରେ ତେବେ ଆମେରିକା ତାର ସହଯୋଗୀ ରାଷ୍ଟ୍ରମାନଙ୍କ ସହ ମିଶି ଜୋରଦାର ଆକ୍ରମଣ କରିବ ।