ଗୁଜୁରାଟ: ବଜେଟ ଅଧିବେଶନ ସମୟରେ ଗୁଜରାଟ ବିଧାନସଭାକୁ ବୋମା ଧମକ ମିଳିବାରୁ ଆତଙ୍କ ସୃଷ୍ଟି ହୋଇଥିଲା। ବୁଧବାର ସକାଳେ ଇମେଲ ମାଧ୍ୟମରେ ବିଧାନସଭା ପରିସରରେ ବୋମା ଥିବା ନେଇ ଧମକ ଆସିଥିଲା। ଗୃହର କାର୍ଯ୍ୟଧାରା ଆରମ୍ଭ ପୂର୍ବରୁ ସମସ୍ତ ବିଧାୟକ ଓ କର୍ମଚାରୀଙ୍କୁ ତୁରନ୍ତ ବାହାର କରାଯାଇଥିଲା। ସକାଳ ୮ଟା ୪୫ ମିନିଟରେ ଧମକପୂର୍ଣ୍ଣ ଇମେଲ ମିଳିଥିବା ସୂଚନା ମିଳିଛି।
ଘଟଣା ସମ୍ବନ୍ଧରେ ପୁଲିସକୁ ଖବର ଦିଆଯାଇଥିବାବେଳେ ତୁରନ୍ତ ତଲାସୀ ଅଭିଯାନ ଆରମ୍ଭ କରାଯାଇଥିଲା। ଯାଞ୍ଚ ପରେ କୌଣସି ସନ୍ଦେହଜନକ ବସ୍ତୁ ମିଳିନଥିବା ସୂଚନା ମିଳିଛି। ବର୍ତ୍ତମାନ ପରିସ୍ଥିତି ସାଧାରଣ ରହିଛି।