ମୁଁ ସୁସ୍ଥ ଅଛି, ଖୁସି ଅଛି । ଏବଂ ଓଡିଶାବାସୀଙ୍କ ସେବା କରୁଛି । ସାମନାକୁ ଆସିଲେ ସୁପ୍ରିମୋ, ଏବଂ ଅପପ୍ରଚାରକାରୀଙ୍କ ମୁହଁ ଚୁପ କରିଦେଲେ । ଗତ କିଛି
ଦିନ ଧରି ମୁଖ୍ୟମନ୍ତ୍ରୀଙ୍କ ସ୍ୱାସ୍ଥ୍ୟବସ୍ଥା ନେଇ ଚାଲିଥିବା ଗୁଜବରେ ଆଜି ପୂର୍ଣ୍ଣଚ୍ଛେଦ ପଡିଛି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟ୍ରକ ଆଜି ଶ୍ରୀଲିଙ୍ଗରାଜ ମନ୍ଦିର ଆସି ପ୍ରଭୁ ଲିଙ୍ଗରାଜଙ୍କ ଦର୍ଶନ କରିବା ବେଢା ପରିକ୍ରମା କରିଛନ୍ତି । ଏବଂ ଏକାମ୍ର କ୍ଷେତ୍ରରୁ ତାଙ୍କ ନାଁରେ ଅପପ୍ରଚାର କରୁଥିବା ଗୁଜବକାରୀଙ୍କ ମୁହଁରେ ତାଲା ପକାଇଛନ୍ତି। ମହାଶିବରାତ୍ରୀ ପୂର୍ବରୁ ନବୀନ ଆଜି ଲିଙ୍ଗରାଜ ମହାପ୍ରଭୁଙ୍କ ଦର୍ଶନ କରିବା ସହ ବେଢା ପରିକ୍ରମା କରିଥିଲେ । ଏବଂ ମନ୍ଦିରରୁ ବାହାରି ଗଣମାଧ୍ୟମ ପ୍ରତିନିଧିଙ୍କ ପ୍ରଶ୍ନର ଉତ୍ତର ରଖିଥିଲେ । ତାଙ୍କ ସ୍ୱାସ୍ଥ୍ୟବସ୍ଥା ନେଇ ହେଉଥିବା ଗୁଜବ ପ୍ରଶ୍ନରେ ସେ ହସିକି ଉତ୍ତର ଦେଇଥିଲେ ।
ମୁଖ୍ୟମନ୍ତ୍ରୀ କହିଥିଲେ, ଯେତେବେଳେ ନିର୍ବାଚନ ଆସେ ତାଙ୍କ ସ୍ୱାସ୍ଥ୍ୟବସ୍ଥାକୁ ନେଇ ଗୁଜବ ହୁଏ । ମୁଁ ସୁସ୍ଥ ଅଛି ଏବଂ ଖୁସି ଅଛି । ଓଡିଶାବାସୀଙ୍କ ସେବା କରୁଛି ବୋଲି କହିଛନ୍ତି ନବୀନ । ।ନିର୍ବାଚନ ଆଚରଣ ବିଧି ଲାଗିଥିବାରୁ କିଛି କହିବାକୁ ମନା କରିଦେଇଥିଲେ । ହେଲେ ପ ।ୟତ ନିର୍ବାଚନରେ ବିଜେଡି ଭଲ ପ୍ରଦର୍ଶନ କରିବ ବୋଲି କହିଛନ୍ତି ନବୀନ । ସାଧାରଣତନ୍ତ୍ର ଦିବସ ପୂର୍ବରୁ ମଧ୍ୟ ମୁଖ୍ୟମନ୍ତ୍ରୀଙ୍କ ସ୍ୱାସ୍ଥବ୍ୟବସ୍ଥାକୁ ନେଇ ମଧ୍ୟ ଗୁଜବ ହୋଇଥିଲା । କିନ୍ତୁ ସାଧାରଣତନ୍ତ୍ର ଦିବସ ସମାରୋହରେ ଯୋଗଦେଇ ମୁଖ୍ୟମନ୍ତ୍ରୀ ଅପପ୍ରଚାରକାରୀଙ୍କୁ ମୁହଁତୋଡ ଜବାବ ଦେଇଥିଲେ ।