ନୂଆଦିଲ୍ଲୀ: ମଧ୍ୟପ୍ରାଚ୍ୟରେ ଚାଲିଥିବା ଯୁଦ୍ଧ ପରିସ୍ଥିତି ଓ ଗ୍ୟାସ୍ ସିଲିଣ୍ଡର ସଙ୍କଟକୁ ଦୃଷ୍ଟିରେ ରଖି କେନ୍ଦ୍ର ସରକାର ବଡ଼ ପଦକ୍ଷେପ ନେଇଛନ୍ତି। କିରୋସିନ ବିକ୍ରୟ ଉପରେ ଥିବା ପ୍ରତିବନ୍ଧକୁ ହଟାଇ ଦିଆଯାଇଛି ଏବଂ ଆଗାମୀ ୬୦ ଦିନ ପର୍ଯ୍ୟନ୍ତ ଏହାକୁ ବିକ୍ରି କରିବାକୁ ଅନୁମତି ମିଳିଛି।
ଏହାଫଳରେ ଏବେ ପେଟ୍ରୋଲ ପମ୍ପ ସହିତ ରାସନ ଦୋକାନରେ ମଧ୍ୟ କିରୋସିନ ଉପଲବ୍ଧ ହେବ। କେନ୍ଦ୍ର ପେଟ୍ରୋଲିୟମ ଓ ପ୍ରାକୃତିକ ଗ୍ୟାସ ମନ୍ତ୍ରଣାଳୟ ୨୧ଟି ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳରେ ସାଧାରଣ ବଣ୍ଟନ ବ୍ୟବସ୍ଥା (PDS) ମାଧ୍ୟମରେ କିରୋସିନ ଯୋଗାଣ ଆରମ୍ଭ କରିବାକୁ ନିର୍ଦ୍ଦେଶ ଦେଇଛନ୍ତି।
ବିଶେଷକରି ଗ୍ରାମାଞ୍ଚଳରେ ଇନ୍ଧନ ଅଭାବକୁ ଦୂର କରିବା ପାଇଁ ଘରେଘରେ କିରୋସିନ ପହଞ୍ଚାଇବା ଯୋଜନା ରହିଛି। ସରକାରଙ୍କ ଏହି ପଦକ୍ଷେପ ଲୋକମାନଙ୍କୁ ତୁରନ୍ତ ରାହତ ଦେବ ବୋଲି ଆଶା କରାଯାଉଛି।