ପ୍ରମୁଖ ଖବର

ବର୍ଷକୁ ୨ ଥର ହେବ ସିବିଏସଇ ଦଶମ ପରୀକ୍ଷା
ଡାଇରିଆ କଟକଣା ପରେ ଆଜିଠୁ ଯାଜପୁରରେ ଖୋଲିଲା ସ୍କୁଲ
ରାଜସ୍ୱ ସେବା ପାଇଁ ଇ-ରେଜିଷ୍ଟ୍ରେସନ ଆପ୍‌ ଉନ୍ମୋଚନ କଲେ ମୁଖ୍ୟମନ୍ତ୍ରୀ
ବାହାଘର ଦିନକ ପୂର୍ବରୁ ଦୁର୍ଘଟଣାରେ ଚାଲିଗଲା ବରର ଜୀବନ
ବରିଷ୍ଠ ଅଭିନେତା ତଥା ନିର୍ଦ୍ଦେଶକ ନାରାୟଣ ପତିଙ୍କ ପରଲୋକ
ବାସହୀନଙ୍କୁ ଚିହ୍ନଟ କରିବାକୁ ସରକାରଙ୍କ ପକ୍ଷରୁ ସବୁ ଜିଲ୍ଲାପାଳଙ୍କୁ ନିର୍ଦ୍ଦେଶ
ଲଞ୍ଚ ହେଲା ଆକ୍ସିଅମ-୪: ମହାକାଶ ଅଭିମୁଖେ ଶୁଭାଂଶୁ

ପୁଣି ଫେରୁଛି କି କରୋନା? ଚୀନର ୩ ସହରରେ ଲକଡାଉନ୍‌

0

ଭାରତରେ ଏବେ କରୋନା ସଂକ୍ରମଣ କମିଥିବା ବେଳେ ଚୀନରୁ ଆସିଛି ପୁଣି ଡରାଇବା ଭଳି ଖବର । ଚୀନରେ ପୁଣି କାୟା ମେଲାଇଛି କରୋନା । ଚୀନରେ ରବିବାର ୩ ହଜାର ୩୯୩ ନୂଆ ସଂକ୍ରମିତ ଚିହ୍ନଟ ହୋଇଛନ୍ତି । ପାଖାପାଖି ଦୁଇ ବର୍ଷ ପରେ ୩ ହଜାର ୩୦୦ରୁ ଅଧିକ ଆକ୍ରାନ୍ତ ଚିହ୍ନଟ ହୋଇଛନ୍ତି । ସଂକ୍ରମଣ ବଢିବା ପରେ ଚୀନର ୩ ସହରରେ ଲକଡାଉନ ଘୋଷଣା କରାଯାଇଛି । ଚୀନର ଶେନଜେନ ସହରରେ ଲକଡାଉନ ଲାଗୁ କରାଯାଇଛି । ଏହି ସହରରେ ରହୁଥିବା ପ୍ରାୟ ଦେଢ କୋଟି ଲୋକ ଏବେ ବନ୍ଦ ହୋଇରହିଛନ୍ତି । ଚାଙ୍ଗଚୁନ୍‌ ସହରରେ ମଧ୍ୟ ତାଲାବନ୍ଦ କରିଛି ଚୀନ ।

ସେହିପରି ସାଂଘାଇ ସହରରେ ସମସ୍ତ ସ୍କୁଲ,ପାକ ର୍ବନ୍ଦ କରାଯାଇଛି । ବେଜିଂର ଆବାସିକ ଅଂଚଳରେ ପ୍ରବେଶ ଉପରେ ନିଷେଧ କରାଯାଇଛି । ଲୋକଙ୍କୁ ଘରୁ ନବାହାରବାକୁ ବେଜିଂ ପ୍ରଶାସନ ପକ୍ଷରୁ କୁହାଯାଇଛି । ଏପରିକି ଜରୁରୀ ଆବଶ୍ୟକତା ନଥିଲେ ସହରରୁ ବାହାରକୁ ଯିବା ପାଇଁ ବାରଣ କରାଯାଇଛି । କେବଳ ଚୀନ ନୁହେଁ ବିଶ୍ୱର ଅଧିକାଂଶ ରାଷ୍ଟ୍ରରେ ଏବେ କରୋନା ସଂକ୍ରମଣ ବଢିବା ଦେଖାଦେଇଛି ।

ଗତ ୨୪ ଘଣ୍ଟା ମଧ୍ୟରେ ବିଶ୍ୱରେ ୧୩ ଲକ୍ଷ ନୂଆ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ଏପରିକି ୨୪ ଘଣ୍ଟା ରେ ୩୫ ହଜାର ଲୋକ ମୃତ୍ୟୁବରଣ କରିଛନ୍ତି କରୋନାରେ। ସେହିପରି ଗତ ୨୪ ଘଣ୍ଟା ରେ ଦକ୍ଷିଣ କୋରିଆରେ ସର୍ବାଧିକ ୩୫୦୧୭୬ ଜଣ କରୋନା ସଂକ୍ରମିତ ଚିହ୍ନଟ ହୋଇଛନ୍ତି। ଫ୍ରାନ୍ସରେ ୬୦,୪୨୨, ଭିଏତନାମରେ ୧,୬୬,୯୬୮, ଇଟାଲୀରେ ୪୮,୮୮୬ ଓ ଋଷରେ ୪୪,୯୮୯ କରୋନାର ନୂଆ ମାମଲା ସାମନାକୁ ଆସିଛି ।

Leave A Reply

Your email address will not be published.