ଦ୍ୱିତୀୟ ବିବାହ କରିବାକୁ ଯାଉଛନ୍ତି ଆଇଏଏସ ଟପ୍ପର ଟିନା ଡାବି । ପୁଣି ଥରେ ସେ ହାତକୁ ଦି ହାତ ହେବାକୁ ଯାଉଛନ୍ତି । ଇନଷ୍ଟାଗ୍ରାମରେ ନିଜ ଭାବି ସ୍ୱାମୀଙ୍କ ସହ ଫଟୋ ସେୟାର କରିଛନ୍ତି ଟିନା ।୨୦୧୬ ରାଜସ୍ଥାନ କ୍ୟାଡର ଅଧିକାରୀ ଟିନା ୨୦୧୩ ବ୍ୟାଚ ଆଇଏଏସ ପ୍ରଦୀପ ଗାୱାଣ୍ଡେଙ୍କୁ ବିବାହ କରିବାକୁ ଯାଉଛନ୍ତି । ପ୍ରଦୀପ ଗାୱାଣ୍ଡେଙ୍କ ସହ ଇନଷ୍ଟାରେ ଫଟୋ ସେୟାର କରି ଟିନା ନିଜ ନୂଆ ଜୀବନ ବିଷୟରେ କହିଛନ୍ତି । ତେବେ ଏହି ଟିନା ଏହି ଖବର ଦେଇ ତାଙ୍କ ପ୍ରଶଂସକଙ୍କୁ ଆଶ୍ଚର୍ଯ୍ୟ କରିଦେଇଛନ୍ତି ।
ଫଟୋରେ ପ୍ରଦୀପ ଗାୱାଣ୍ଡେ ଟିନାଙ୍କ ହାତ ଧରି ବସିଥିବାର ନଜର ଆସୁଛନ୍ତି । ଟିନା ୨୦୧୮ ମସିହାରେ ଆଇଏଏସ ଅଥର ଖାନ୍ଙ୍କୁ ବିବାହ କରିଥିଲେ । ୨୦୧୬ ୟୁପିଏସସି ପରୀକ୍ଷାରେ ଟିନା ଟପ୍ପର ରହିଥିବା ବେଳେ ଦ୍ୱିତୀୟରେ ଥିଲେ ଅଥର ଖାନ । ଉଭୟଙ୍କ ମଧ୍ୟରେ ଟ୍ରେନିଂ ସମୟରେ ବନ୍ଧୁତା ହୋଇଥିଲା । ପରେ ଉଭୟଙ୍କ ମଧ୍ୟରେ ପ୍ରେମ ଓ ତା ପରେ ଉଭୟ ବିବାହ କରିବାକୁ ମନସ୍ଥ କରିଥିଲୋ ପରସ୍ପର ବିବାହ ବନ୍ଧନରେ ବାନ୍ଧି ହୋଇଥିଲେ । ଉଭୟଙ୍କ ବିବାହକୁ ନେଇ ସେତେବେଳେ ଅନେକ ଚର୍ଚ୍ଚା ହୋଇଥିଲା । କିନ୍ତୁ ଏହି ବିବାହ ବେଶିଦିନ ତିଷ୍ଠି ପାରିନଥିଲା । ୨୦୨୦ରେ ଆପୋଷ ବୁଝାମଣାରେ ଉଭୟଙ୍କ ମଧ୍ୟରେ ଛାଡପତ୍ର ହୋଇଥିଲା । ଛାଡପତ୍ର ପରେ ଅଥର ରାଜସ୍ଥାନରେ କାମ କରୁଥିଲେ, ଆଉ ଟିନା ଜମ୍ମୁ-କାଶ୍ମୀର କ୍ୟାଡରକୁ ଚାଲିଯାଇଥିଲେ ।