ବିଜେପି ଆଜି ପାଳୁଛି ୪୨ ତମ ପ୍ରତିଷ୍ଠା ଦିବସ ।ଏହି ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଦଳର କର୍ମକର୍ତ୍ତା ଙ୍କୁ ସମ୍ବୋଧନ ଦେଇ ଦଳର କାର୍ଯ୍ୟପନ୍ଥା ବାବଦରେ ଅବଗତ କରିଛନ୍ତି । ପ୍ରତିଷ୍ଠା ଦିବସରେ ମୋଦୀ ରାଷ୍ଟ୍ରବାଦକୁ ଗୁରୁତ୍ୱ ଦେଇଥିବା ପରିବାରବାଦକୁ ବିରୋଧ କରିଛନ୍ତି । ରାଷ୍ଟ୍ରୀୟ ଦୃଷ୍ଟିକୋଣରୁ ବିଜେପିର ଦାୟିତ୍ୱ ବଢିଥିବା ମୋଦୀ କହିଛନ୍ତି ।
ପ୍ରଧାନମନ୍ତ୍ରୀ କହିଛନ୍ତି, ୪ଟି ରାଜ୍ୟରେ ବିଜେପିର ଡବଲ ଇଞ୍ଜିନ ସରକାର ଚାଲିଛି । ଚଳିତ ବର୍ଷ ବିଜେପିର ପ୍ରତିଷ୍ଠା ଦିବସ ଅପନେକ ଗୁରୁତ୍ୱ ବହନ କରୁଛି । କାରଣ ଦେଶବାସୀ ସ୍ୱାଧୀନତାର ଅମୃତ ଉତ୍ସବ ପାଳନ କରୁଛନ୍ତି । କରୋନା କାଳନରେ ବଡ଼ ଲକ୍ଷ୍ୟ ହାସଲ କରିଛି ଦେଶ । ଲୋକଙ୍କ ସଙ୍କଟ ସମୟରେ ମାଗଣା ଖାଦ୍ୟ ଦିଆଯାଇଛି ।
ମୋଦୀ ଆହୁରି କହିଛନ୍ତି , ଦଳର କର୍ମୀ ଜନକଲ୍ୟାଣକାରୀ ଯୋଜନାକୁ ହିତାଧିକାରୀଙ୍କ ପାଖରେ ପହଞ୍ଚାଉଛନ୍ତି । କର୍ମୀମାନେ ଦଳକୁ ସୁଦୃଢ କରିବାରେ ଦିନ ରାତି ଲାଗିଛନ୍ତି । ବିଜେପି ସବକା ସାଥ୍ ଓ ସବକା ବିକାଶକୁ ଭିତ୍ତି କରି ଆଗକୁ ବଢିଚାଲିଥିବା ମୋଦୀ କହିଛନ୍ତିା ସେହିପରି ରାଜ୍ୟ ବିଜେପି କାର୍ଯ୍ୟାଳୟରେ ମଧ୍ୟ ପ୍ରତିଷ୍ଠା ଦିବସ ପାଳନ ହୋଇଛି । ରାଜ୍ୟ ସଭାପତି ସମୀର ମହାନ୍ତି ଦଳୀୟ ପତାକା ଉତ୍ତୋଳନ କରିବା ସହ ବନ୍ଦେ ମାତରମ୍ ଗାନ କରିଥିଲେ । ପ୍ରଧାନମନ୍ତ୍ରୀଙ୍କ ବିଭିନ୍ନ ଯୋଜନା ରାଜ୍ୟର ଜନସାଧାରଣ ନିକଟରେ ପହଂଚାଯିବା ସହ ସମୃଦ୍ଧ ଓଡିଶା ଗଠନ କରିବାକୁ ସଂକଳ୍ପ ନିଆଯାଇଛି ବୋଲି କହିଛନ୍ତି ସମୀର ମହାନ୍ତି ।