ଶେଷରେ ସେହି ମୁହୂ ର୍ ଆସିଯାଇଛି..ରଣବୀର କପୁର ଓ ଆଲିଆ ଭଟ୍ଟଙ୍କ ବିବାହ ରୀତିନୀତି ଆରମ୍ଭ ହେବାକୁ ଯାଉଛି । ଲଭ ବାର୍ଡସ ରଣବୀର ଓ ଆଲିଆଙ୍କ ବିବାହ ପୂର୍ବ କାର୍ଯ୍ୟ ଆଜିଠୁ ଆରମ୍ଭ ହେବ । ଆଜି ମେହେନ୍ଦୀ ସେରିମନି ଅନୁଷ୍ଠିତ ହେବ । ବିବାହ କାର୍ଯ୍ୟ ଆରମ୍ଭ ହେବା ପୂର୍ବରୁ ରଣବୀରଙ୍କ ଘର ସମ୍ପୂର୍ଣ୍ଣ ଭାବେ ସଜାଯାଇଛିା ଆଲିଆ ଭଟ୍ଟଙ୍କ ଆପାର୍ଟମେଂଟ ବି ସେହି ବିଲ୍ଡିଂରେ । ଫୁଲ ଓ ଲାଇଟ୍ରେ ଘରକୁ ସୁନ୍ଦର ଭାବେ ସଜାଯାଇଛି । ସୂଚନା ଅନୁସାରେ , ପ୍ରି ୱେଡିଂ ଫଙ୍କସନ ଆଜିଠୁ ଆରମ୍ଭ ହେବ । ଏବଂ ଏବେ ସମସ୍ତଙ୍କୁ ବଲିଉଡର ମୋଷ୍ଟ ପରଫେକ୍ଟ କପଲ ଆଲିଆ ଓ ରଣବୀରଙ୍କ ୱେଡିଂ ଫଙ୍କସନର ଫଟୋ ଅପେକ୍ଷା ରହିଛି ।
ରଣବୀର କପୁର ଆଲିଆଙ୍କ ସହ ବାସ୍ତୁରେ ସାତ ଫେରେ ନେବେ । ସେହି ବିଲ୍ଡିଂରେ ଆଲିଆ ଓ ରଣବୀର ଉଭୟଙ୍କ ଘର । ବିବାହ ପୂର୍ବରୁ ବାସ୍ତୁକୁ ଏପ୍ରିଲ ୧୨ରୁ ଲାଇଟରେ ସଜେଇ ଦିଆଯାଇଛି । ସୋସିଆଲ ମିଡିଆରେ ଏହାର ବହୁ ଫଟୋ ଓ ଭିଡିଓ ସେୟାର ହୋଇଛି । ଯେଉଁଥିରେ ରଣବୀରଙ୍କ ଘର ଆଲୋକମାଳାରେ ଝଲସୁଥିବା ଦେଖିବାକୁ ମିଳିଛି । ନିଜ ଭାଇର ବାହାଘର ଦେଖିବାକୁ ସବୁ ଭଉଣୀଙ୍କ ସ୍ୱପ୍ନ ଥାଏ । ରିଧିମା କପୁର ବି ନିଜ ଭାଇ ରଣବୀରଙ୍କ ବିବାହକୁ ବହୁ ଏକ୍ସାଇଟେଡ ଅଛନ୍ତି । ନିଜ ଭାଇର ବାହାଘରରେ ଯୋଗଦେବାକୁ ନିଜ ସ୍ୱାମୀ ଓ ପିଲାଙ୍କ ସହ ମୁମ୍ବାଇ ପହଞ୍ଚିଛନ୍ତି । ବିମାନ ବନ୍ଦରରେ ଯେତେବେଳେ ତାଙ୍କୁ ରଣବୀରଙ୍କ ବିବାହ ନେଇ ପ୍ରଶ୍ନ କରାଯାଇଥିଲା ସେତେବେଳେ ସେ କହିଥିଲେ, ଜଲଦି ଦେଖାହେବା । ତେବେ ରଣବୀର ଓ ଆଲିଆଙ୍କ ବିବାହକୁ ସମସ୍ତେ ବହୁ ଉତ୍ସାହର ସହ ଅପେକ୍ଷା କରିଛନ୍ତି ।