- ବାଂଲାଦେଶ – ପଶ୍ଚିମବଙ୍ଗ ଉପକୂଳ ଆଡ଼କୁ ବାତ୍ୟା ଯିବ !
- ଓଡ଼ିଶା ଉପକୂଳ ନିକଟସ୍ଥ ସମୁଦ୍ର ରେ ସମାନ୍ତରାଳ ଭାବେ ଗତି କରିବ
- ୨୪ ଘଣ୍ଟା ମଧ୍ୟରେ ସମଗ୍ର ଦେଶ ରୁ ବିଦାୟ ନେବ ଦକ୍ଷିଣ ପଶ୍ଚିମ ମୌସୁମୀ ବାୟୁ
ଭୁବନେଶ୍ବର; ଗତ କାଲି ଉତ୍ତର ଆଣ୍ଡମାନ ସାଗର ପାର୍ଶ୍ଵବର୍ତ୍ତୀ ଦକ୍ଷିଣ ଆଣ୍ଡାମାନ ସାଗର ତତ୍ ସଂଲଗ୍ନ ଦକ୍ଷିଣ ପୂର୍ବ ବଙ୍ଗୋପସାଗର ରେ ରହିଥିବା ଲଘୁଚାପ କ୍ଷେତ୍ର ଆଜି ସେହି ଅଞ୍ଚଳ ରେ କେନ୍ଦ୍ରୀଭୂତ ରହିଛି । ଆସନ୍ତା କାଲି ଏହି କ୍ଷେତ୍ର ପୂର୍ବ କେନ୍ଦ୍ରୀୟ ତତ୍ ସଂଲଗ୍ନ ଦକ୍ଷିଣ ପୂର୍ବ ବଙ୍ଗୋପସାଗର ରେ ଗୋଟିଏ ଡିପ୍ରେଶନ ର ରୂପ ନେଇ ପଶ୍ଚିମ ଉତ୍ତର ପଶ୍ଚିମ ଦିଗ ରେ ଅଗ୍ରସର ହେବ । ୨୩ ରେ ଡିପ ଡିପ୍ରେଶନ ର ରୂପ ନେବାର ସମ୍ଭାବନା ରହିଛି ଓ ୨୪ ରେ ଏହି କ୍ଷେତ୍ର ବାତ୍ୟା ରୂପ ଧାରଣ କରିବା ସମ୍ଭାବନା ରହିଛି। ବାତ୍ୟା ରୂପ ନେବା ପରେ ଏହା ଦିଗ ପରିବର୍ତ୍ତନ କରି ପ୍ରଥମେ ଉତ୍ତର ଓ ପରେ ଉତ୍ତର ଉତ୍ତର ପୂର୍ବ ଦିଗ ରେ ଓଡ଼ିଶା ଉପକୂଳ ନିକଟସ୍ଥ ସମୁଦ୍ର ରେ ଗତି କରି ପଶ୍ଚିମବଙ୍ଗ- ବାଂଲାଦେଶ ଉପକୂଳ ଆଡ଼କୁ ଗତି କରିବ ଓ ପରିସ୍ଥିତି ଅନୁକୂଳ ଥିବା ହେତୁ ବାତ୍ୟା ସୃଷ୍ଟି ହେବା ପରେ ଆଉ ଟିକେ ଘନୀଭୂତ ହୋଇପାରେ ।
ତେଣୁ ଓଡ଼ିଶା ରେ ବାତ୍ୟା ର ସିଧାସଳଖ ପ୍ରଭାବ ରହିବ ନାହିଁ ବୋଲି ଅଧିକାଂଶ ମଡେ଼ଲ ଦର୍ଶାଉଛନ୍ତି। ତେବେ ଉପକୂଳ ଓ ପାର୍ଶ୍ଵବର୍ତ୍ତୀ ଜିଲ୍ଲା ସମେତ ରାଜ୍ୟ ର ବିଭିନ୍ନ ସ୍ଥାନ ରେ ୨୩ ରୁ ୨୬ ଯାଏଁ ଆକାଶ ମେଘାଚ୍ଛନ୍ନ ରହିବା ସମ୍ଭାବନା ରହିଛି। ଏହି ସମୟ ରେ ଉପକୂଳ ଓଡ଼ିଶା ର କିଛି ଅଞ୍ଚଳ ରେ ବର୍ଷା ସମ୍ଭାବନା ରହିଛି। ୨୪-୨୫ ରେ ଉତ୍ତର ଉପକୂଳ ଓଡ଼ିଶା ର ବିଭିନ୍ନ ଅଞ୍ଚଳ ରେ ପ୍ରବଳ ରୁ ଅତି ପ୍ରବଳ ବର୍ଷା ସମ୍ଭାବନା ରହିଛି। ଉପକୂଳ ଓ ନିକଟତମ ଜିଲ୍ଲା ରେ ପ୍ରବଳ ବର୍ଷା ସମ୍ଭାବନା ରହିଛି। ବିଶେଷ କରି ପୁରୀ ଠାରୁ ବାଲେଶ୍ଵର ଉପକୂଳ ଓ ନିକଟସ୍ଥ ଅଞ୍ଚଳରେ ବର୍ଷା ର ପରିମାଣ ଅଧିକ ରହିପାରେ। ଭୁବନେଶ୍ୱର, କଟକ, ଖୋର୍ଦ୍ଧା, ଯାଜପୁର, ମୟୂରଭଞ୍ଜ, ବାଲେଶ୍ଵର, ଭଦ୍ରକ , କେନ୍ଦ୍ରାପଡ଼ା, ଜଗତସିଂପୁର, ପୁରୀ ଇତ୍ୟାଦି ସ୍ଥାନ ରେ ପ୍ରବଳ ବର୍ଷା ସମ୍ଭାବନା ରହିଛି।
ଏହି ସମୟ ରେ ପାଗ କୋହୋଲା ରହିବା ସହ ଉପକୁଳ ଓଡ଼ିଶା ଓ ନିକଟତର ଅଞ୍ଚଳ ରେପବନ ର ବେଗ ଘଣ୍ଟା ପ୍ରତି ୪୦-୫୦ କିମି ରହିବା ସମ୍ଭାବନା ରହିଛି ଏବଂ ଉତ୍ତର ପଶ୍ଚିମ ତତ୍ ସଂଲଗ୍ନ ପଶ୍ଚିମ କେନ୍ଦ୍ରୀୟ ବଙ୍ଗୋପସାଗର ଅଶାନ୍ତ ରହିବ। ତେଣୁ ୨୨ ରୁ ସମୁଦ୍ର କୁ ଯିବା ମନାକରାଯାଇଛି।
ପୂର୍ବାନୁମାନ- ସାର୍ଥକ ମିଶ୍ର