ହାଇଦ୍ରାବାଦ; ବହୁଚର୍ଚ୍ଚିତ ଟଲିଉଡ ଡ୍ରଗ୍ସ ଓ ମନି ଲଣ୍ଡ୍ରିଂ ମାମଲାରେ ତେଲୁଗୁ ଫିଲ୍ମର ଜଣାଶୁଣା ଅଭିନେତ୍ରୀ ରକୁଲପ୍ରୀତ ସିଂଙ୍କ ଅଡୁଆ ବଢିଛି ।ଅଭିନେତ୍ରୀ ରକୁଲ ପ୍ରୀତ ସିଂଙ୍କୁ ପ୍ରବର୍ତ୍ତନ ନିର୍ଦ୍ଦେଶାଳୟର ନୋଟିସ ଜାରି କରିଛି। ମିଡିଆ ରିପୋର୍ଟ ଅନୁସାରେ ଦୁଇଟି ଅଲଗା ଅଲଗା ମାମଲାରେ ରକୁଲଙ୍କୁ ସମନ କରାଯାଇଛି । ଆସନ୍ତା ସୋମବାର ହାଜର ହେବାକୁ ସମନ ଜାରି କରିଛି ଇଡି । ଏହା ପୂର୍ବରୁ ବି ଏହି ତେଲୁଗୁ ଅଭିନେତ୍ରୀଙ୍କୁ ଇଡି ଜେରା କରିଥିଲା । ଏହି ମାମଲାରେ ରକୁଲଙ୍କୁ ଡିସେମ୍ବର ୧୯ ତାରିଖରେ ହାଜର ହେବାକୁ ଇଡି ନୋଟିସ କରିଛି । ଗତ ୪ ବର୍ଷ ହେବ ଇଡି ଏହି ମାମଲାର ଛାନଭିନ୍ କରୁଛି ।
ସୂଚନା ମୁତାବକ ସମାନ ମାମଲାରେ ୨୦୨୧ ମସିହାରେ ରକୁଲଙ୍କୁ ଇଡି ଜେରା କରିଥିଲା । ଏବେ ଏହି ମାମଲା ସହିତ ଜଡିତ ଅର୍ଥ ହେରଫେର ମାମଲା ଯୋଡି ହୋଇଥିବାରୁ ପୁଣି ତାଙ୍କୁ ଜେରା କରିବ ଇଡି । ସୂଚନା ମୁତାବକ ଏହି ମାମଲାରେ କେବଳ ରକୁଲ ନୁହଁନ୍ତି ବରଂ ରାଣା ଦଗୁବତୀ, ପୁରୀ ଜଗନ୍ନାଥ, ରବି ତେଜା, ଚାର୍ମୀ କୌର, ନବଦୀବ ସହ ଅନ୍ୟ କିଛି ଜଣାଶୁଣା କଳାକାରଙ୍କୁ ନୋଟିସ କରାଯାଇଛି ।