ମେକ୍ସିକୋ; ମେକ୍ସିକୋ ଜେଲରେ ଆଖିବୁଜା ଗୁଳି ମାଡ଼ । ଆତତାୟୀଙ୍କ ଗୁଳିମାଡରେ ଘଟଣାସ୍ଥଳରେ ହିଁ ୧୪ ଜଣଙ୍କର ଜୀବନ ଚାଲିଯାଇଛି । ମେକ୍ସିକୋର ଉତ୍ତର ସ୍ୟୁଦାଦ ଜୁୟାରେଜ ସହରର ଜେଲରେ କିଛି ବନ୍ଧୁକଧାରୀ ଅତର୍କିତ ଆକ୍ରମଣ କରିଥିଲେ । ଆକ୍ରମଣରେ ୧୪ଜଣଙ୍କ ମୃତ୍ୟୁ ହୋଇଥିବାବେଳେ ଗୁଳିକାଣ୍ଡର ଫାଇଦା ଉଠାଇ ୨୪ ଜଣ କଏଦୀ ଫେରାର । ମୃତକଙ୍କ ମଧ୍ୟରେ ୧୦ଜଣ ସୁରକ୍ଷାକର୍ମୀ ହୋଇଥିବାବେଳେ ୪ଜଣ କଏଦୀ ।
ପ୍ରଥମେ ଜେଲ୍ ବାହାରେ ଥିବା ସୁରକ୍ଷାକର୍ମୀଙ୍କ ଉପରକୁ ଗୁଳିମାଡ଼ କରିଥିଲେ ଆତତାୟୀ । ସକାଳ ୭ଟାରେ କଏଦୀଙ୍କୁ ସେମାନଙ୍କ ସମ୍ପର୍କୀୟ ସାକ୍ଷାତ କରିବାକୁ ଆସିଥିଲେ । ଏହି ସମୟରେ ଗୁଳିମାଡ଼ କରିଥିଲେ ଆତତାୟୀ । ଘଟଣାରେ ପୋଲିସ ୪ଜଣଙ୍କୁ ଗିରଫ କରିଥିବା ବେଳେ ଆଉ କିଛି ଜଣ ଆତତାୟୀ ଗାଡିରେ ଫେରାର ହୋଇଯାଇଛନ୍ତି ।