ଭୁବନେଶ୍ବର; ପଶ୍ଚିମା-ଝଡ଼ ପ୍ରଭାବ ଓ ବାୟୁମଣ୍ଡଳ ର ମଧ୍ୟ ଭାଗ ରେ ପଶ୍ଚିମା ବାୟୁ ଓ ବଙ୍ଗୋପସାଗର ରୁ ଦକ୍ଷିଣ- ପୂର୍ବାଳୀ ଜଳୀୟବାଷ୍ପ ଯୁକ୍ତ ବାୟୁ ସଂସ୍ପର୍ଶରେ ଆସିବା ହେତୁ ଆଜିଠାରୁ- ୨୧ ତାରିଖ ଯାଏଁ ରାଜ୍ୟ ର ବିଭିନ୍ନ ଅଞ୍ଚଳ ରେ ବିଜୁଳି , ଘଡ଼ଘଡ଼ି ସହ ବର୍ଷା ସମ୍ଭାବନା ରହିଛି।
ଆଜି ରାଜ୍ୟ ର କିଛି ଅଞ୍ଚଳରେ ବଜ୍ରପାତ ସହ ଅଳ୍ପ ବର୍ଷା ସମ୍ଭାବନା ରହିଛି। ମୟୂରଭଞ୍ଜ, କେଉଁଝର, ଅନୁଗୁଳ, ସୁନ୍ଦରଗଡ଼, ବାଲେଶ୍ବର, ନୂଆପଡ଼ା, କଳାହାଣ୍ଡି, ନବରଙ୍ଗପୁର ଜିଲ୍ଲା ର ଗୋଟିଏ ଦୁଇଟି ସ୍ଥାନରେ ବଜ୍ରପାତ ସମ୍ଭାବନା ରହିଛି। ୧୫ ତାରିଖ ରେ ରାଜ୍ୟ ର କିଛି ଅଞ୍ଚଳ ରେ ଅଳ୍ପ ବର୍ଷା ସମ୍ଭାବନା ରହିଛି। କୋରାପୁଟ, ରାୟଗଡ଼ା, ଗଜପତି, କନ୍ଧମାଳ, ମୟୂରଭଞ୍ଜ, କେଉଁଝର, ଅନୁଗୁଳ ଢେଙ୍କାନାଳ, ଯାଜପୁର, ବାଲେଶ୍ଵର, ଭଦ୍ରକ , କେନ୍ଦ୍ରାପଡ଼ା ଜିଲ୍ଲା ରେ ବିଜୁଳି ଘଡ଼ଘଡ଼ି ର ପ୍ରଭାବ ରହିବାର ସମ୍ଭାବନା ରହିଛି।
୧୬-୧୭ ରୁ ବର୍ଷା ର ପରିମାଣ ଓ ବିସ୍ତୃତି କ୍ରମଶଃ ବୃଦ୍ଧି ପାଇବ। ସମଗ୍ର ରାଜ୍ୟ ରେ ବିଜୁଳି, ଘଡ଼ଘଡ଼ି ର ପ୍ରଭାବ ରହିବା ସହ ଅନେକ ଅଞ୍ଚଳ ରେ ବର୍ଷା ସମ୍ଭାବନା ରହିଛି। କିଛି ଅଞ୍ଚଳ ରେ ମଧ୍ୟମ ଧରଣର ବର୍ଷା ସମ୍ଭାବନା ରହିଛି। ୧୭-୨୦ ତାରିଖ ମଧ୍ୟରେ ଗୋଟିଏ ଦୁଇଟି ସ୍ଥାନରେ ପ୍ରବଳ ବର୍ଷା, ବଜ୍ରପାତ ସମ୍ଭାବନା କୁ ଏଡାଇ ଦିଆଯାଇନପାରେ। ବର୍ଷା ସହ ଉପକୂଳ ଓ ପାର୍ଶ୍ଵବର୍ତ୍ତୀ ତଥା ଆଭ୍ୟନ୍ତର ଓଡ଼ିଶା ର ଜିଲ୍ଲା ଗୁଡ଼ିକର କିଛି ଅଞ୍ଚଳ ରେ ଘଣ୍ଟା ପ୍ରତି ୪୦-୫୦କିମି ବେଗ ରେ ପବନ ବହିବା ସମ୍ଭାବନା ରହିଛି।
ଦକ୍ଷିଣ- ଆଭ୍ୟନ୍ତର ଓଡ଼ିଶା ର ଅଧିକାଂଶ ଅଞ୍ଚଳ ରେ ବର୍ଷା ସମ୍ଭାବନା ରହିଛି। ଓଡ଼ିଶା ସମେତ ପଡୋଶୀ ରାଜ୍ୟ ରେ ମଧ୍ୟ ବିଜୁଳି, ଘଡ଼ଘଡ଼ି ସହ ବର୍ଷା ସମ୍ଭାବନା ରହିଛି। ମଧ୍ୟପ୍ରଦେଶ, ଛତିଶଗଡ଼, ବିଦର୍ଭ, ତେଲେଙ୍ଗାନା ଆଦି ଅଞ୍ଚଳ ରେ କୁଆପଥର ବର୍ଷା ସମ୍ଭାବନା ରହିଛି। ୨୧ ତାରିଖ ଯାଏଁ ଏଭଳି ପାଗ ରହିବ। ଏହି ସମୟ ରେ ଆକାଶ କେତେକାଂଶ ରେ ମେଘାଚ୍ଛନ୍ନ ରହିବା ସହ ଦିନ ତାପମାତ୍ରା ଅପେକ୍ଷାକୃତ କମ୍ ରହିବ।
ପୂର୍ବାନୁମାନ- ସାର୍ଥକ ମିଶ୍ର