ଭୁବନେଶ୍ୱର: ଇଣ୍ଡିଆନ ଆଇଡଲ ପ୍ଲାଟଫର୍ମରେ ଚମକୁଛନ୍ତି ଓଡ଼ିଆ ପୁଅ । ଅଡିସନରେ ଗୋଲ୍ଡେନ ଟିକେଟ ହାତେଇଛନ୍ତି ବଲାଙ୍ଗୀରର ଅଜୟ ଅମର ସିଂଦେଓ । ବାପା ସଂଗୀତ ଗୁରୁ ଦିଲ୍ଲୀପ ସିଂହଦେଓ । ପୁଅ ଅଜୟକୁ ପିଲା ଦିନରୁ ହିଁ ସଂଗୀତ ଶିକ୍ଷା ଦେଇଥିଲେ। ଅଳ୍ପ ବୟସରୁ ଅଜୟ ପାଇଛନ୍ତି ଅନେକ ସମ୍ମାନ । ଏବେ ସେ ବିଏଚୟୁରେ ପରଫର୍ମିଂ ଆର୍ଟ ଭାଓଲିନରେ ମାଷ୍ଟର ଡିଗ୍ରୀ କରୁଛନ୍ତି ।
ପୂର୍ବରୁ ଅଜୟ ବଲାଙ୍ଗୀର ଶିଶୁ ମନ୍ଦିର ଓ ପରେ ରାଜେନ୍ଦ୍ର କଲେଜରେ ପଢ଼ିଥିଲେ । ଇଣ୍ଡିଆନ ଆଇଡଲ୍ ମଞ୍ଚରେ ଅଗ୍ନିପଥ ଫିଲ୍ମର ଗୀତ ଗାଇ ଗୋଲ୍ଡେନ କାର୍ଡ ପାଇଛନ୍ତି । ଲକ୍ଷ୍ନୌ ଅଡିସନରୁ ମନୋନୀତ ହୋଇ ମୁମ୍ବାଇରେ ଇଣ୍ଡିଆନ ଆଇଡଲ୍ ମଞ୍ଚରେ ଗୀତ ଗାଇବାକୁ ସୁଯୋଗ ପାଇଛନ୍ତି ଅଜୟ । ୨୪ଜଣଙ୍କ ଭିତରୁ ଦଶମ ସ୍ଥାନରେ ରହିଛନ୍ତି ଅଜୟ। ସେହିପରି ଭୁବନେଶ୍ବରର ଡାକ୍ତର ରୋହନ ବିଶ୍ବାଳ ଓ କଟକର ଅଭିଷେକ ଜେନାଙ୍କୁ ବି ମିଳିଛି ଗୋଲଡେନ୍ କାର୍ଡ ।