ଭୁବନେଶ୍ବର: ଗତ କାଲି ଦକ୍ଷିଣ ଆଣ୍ଡମାନ ସାଗରରେ ରହିଥିବା ଘୂର୍ଣ୍ଣିବଳୟ କ୍ଷେତ୍ର ଆଜି ଦକ୍ଷିଣ ଆଣ୍ଡାମାନ ସାଗର ତତ୍ ସଂଲଗ୍ନ ମଲକ୍କା ଷ୍ଟ୍ରେଟ ନିକଟରେ ଲଘୁଚାପ ରେ ପରିଣତ ହୋଇଛି। ଏହି ଲଘୁଚାପ କ୍ରମଶଃ ପଶ୍ଚିମ – ଉତ୍ତର ପଶ୍ଚିମ ଦିଗ ରେ ଅଗ୍ରସର ହୋଇ ୨୯ ତାରିଖ ରେ ଦକ୍ଷିଣ ପୂର୍ବ ବଙ୍ଗୋପସାଗର ରେ ଡିପ୍ରେଶନ ରେ ପରିଣତ ହେବ ପରେ ପୁଣି କ୍ରମଶଃ ଉତ୍ତର ପଶ୍ଚିମ ଦିଗ ରେ ଅଗ୍ରସର ହୋଇ ଡିପ ଡିପ୍ରେଶନ ଓ ୦୧ ଡିସେମ୍ବର ବେଳକୁ ବାତ୍ୟା ରେ ପରିଣତ ହୋଇପାରେ ବୋଲି ଅଧିକାଂଶ ମଡେଲ ଆକଳନ କରୁଛନ୍ତି। କିଛି ମଡେଲ ଙ୍କ ଆକଳନ ଅନୁଯାୟୀ ଏହି ସିଷ୍ଟମ୍ ଟି ପଶ୍ଚିମ କେନ୍ଦ୍ରୀୟ ବଙ୍ଗୋପସାଗର ନିକଟସ୍ଥ ତାମିଲନାଡ଼ୁ – ଆନ୍ଧ୍ରପ୍ରଦେଶ ଉପକୂଳ ରେ ପହଞ୍ଚିବା ପରେ ରିକର୍ଭ କରି ଅଧିକ ଘନୀଭୂତ ହୋଇ ଭୀଷଣ ବାତ୍ୟା ର ରୂପ ନେଇ ଉତ୍ତର ଉତ୍ତର ପୂର୍ବ ଦିଗ ରେ ଅଗ୍ରସର ହେବ।
ବର୍ତ୍ତମାନ ସିଷ୍ଟମ୍ ଟି ଘନିଭୂତ ହେବା ପାଇଁ ବଙ୍ଗୋପସାଗର ରେ ଉଭୟ ବାୟୁମଣ୍ଡଳ ଓ ସାମୁଦ୍ରିକ ଉପାଦାନ ଗୁଡ଼ିକ ଅନୁକୂଳ ରହିଛି। MJO ବର୍ତ୍ତମାନ ୩ ନଂ ଫେଜ୍ ରେ ରହିଛି। ଏହା ୨୭ ନଭେମ୍ବର ରୁ ୦୬ ଡିସେମ୍ବର ଯାଏଁ ୩ ନଂ ଏବଂ ୪ ନଂ ଫେଜ ରେ ରହିବ। ସମୁଦ୍ର ପୃଷ୍ଠ ତାପମାତ୍ରା ୨୮-୩ ୦°ସି ରହିଛି। ସେହିପରି ପୁର୍ବ କେନ୍ଦ୍ରୀୟ ବଙ୍ଗୋପସାଗର ରେ ଟ୍ରପିକାଲ ସାଇକ୍ଲୋନ ପୋଟେନ୍ସିଆଲ ହିଟ୍ ୧୦୦-୧୨୦ KJ/CM2 ରହିଛି। ୱିଣ୍ଡ ସିଆର ମଧ୍ୟ ଅନୁକୂଳ ରହିଛି। ତେଣୁ ବାତ୍ୟା ସୃଷ୍ଟି ପାଇଁ ସବୁ ଉପାଦାନ ଅନୁକୂଳ ରହୁଛି।
ତେବେ ଏହି ସିଷ୍ଟମ୍ ର ଗତିପଥ ଏବେ ଅନିଶ୍ଚିତତା ରହିଛି। ଏ ସଂପର୍କ ରେ ଅଧିକ ସୂଚନା ସିଷ୍ଟମ୍ ଟି ଡିପ୍ରେଶନ ରୂପ ନେବା ପରେ ସ୍ପଷ୍ଟ ହେବ। ତେବେ ସମ୍ଭାବ୍ୟ ସିଷ୍ଟମ୍ ପ୍ରଭାବ ରେ ଉପକୂଳ ଓଡ଼ିଶା ରେ ୩ ଡ଼ିସେମ୍ବର ପରେ ବର୍ଷା ସମ୍ଭାବନା ରହିଛି।