ପ୍ରମୁଖ ଖବର

ସାତ ବର୍ଷ ପରେ ପୁଣି ହକି ଇଣ୍ଡିଆ ଲିଗ୍‌: ଡିସେମ୍ବର ୨୭ରୁ ଟୁର୍ଣ୍ଣାମେଣ୍ଟ ଆରମ୍ଭ, ଓଡ଼ିଶାର ଟିମ୍‌ ଖେଳିବ ମ୍ୟାଚ୍‌
ସୁପ୍ରିମକୋର୍ଟରୁ ଜାମିନ ମିଳିଲା ପରେ ମଧ୍ୟ ଜେଲରୁ ବାହାରି ପାରିବେନି କେଜ୍ରିୱାଲ
ଆସ୍ଥା ଭୋଟ୍ ହାରିଲେ ନେପାଳ ପ୍ରଧାନମନ୍ତ୍ରୀ ପ୍ରଚଣ୍ଡ
ରଥ ଉପରକୁ ମୋବାଇଲ ମନା; ନିୟମ ଭାଙ୍ଗିଲେ ହେବ କଡା କାର୍ଯ୍ୟାନୁଷ୍ଠାନ
ଶ୍ରୀମନ୍ଦିର ମୁଖ୍ୟ ପ୍ରଶାସକ ଭାବେ ନିଯୁକ୍ତ ହେଲେ ଅରବିନ୍ଦ ପାଢ଼ୀ
ଫୁଟବଲ ଆସୋସିଏଶନ ଅଫ ଓଡ଼ିଶାର ସଭାପତି ହେଲେ ସମୀର ଦେ
ରାଜଭବନ କର୍ମଚାରୀଙ୍କୁ ମାଡମାରିଲେ ରାଜ୍ୟପାଳ ରଘୁବର ଦାସଙ୍କ ପୁଅ
ଭୁବନେଶ୍ୱର ସପ୍ତମ ବାଟାଲିୟନ କ୍ୟାମ୍ପସରୁ ଜଣେ ଯବାନଙ୍କ ଝୁଲନ୍ତା ମୃତଦେହ ଜବତ

ମମିତା ହତ୍ୟାକାଣ୍ଡ : ପୁଣି ସିବିଆଇ ତଦନ୍ତ ଦାବି

0

ଭୁବନେଶ୍ବର: ବହୁ ଚର୍ଚ୍ଚିତ ବହୁଚର୍ଚ୍ଚିତ କଳାହାଣ୍ଡି ଜିଲ୍ଲା ମହାଳିଙ୍ଗ ଇଂରାଜୀ ମିଡିୟମ ସ୍କୁଲ ଶିକ୍ଷୟିତ୍ରୀ ମମିତା ମେହେର ହତ୍ୟା ମାମଲାର ପୁଣି ଥରେ ସିବିଆଇ ତଦନ୍ତ ଦାବି ଉଠିଛି। ମମିତାଙ୍କ ପରିବାର ପକ୍ଷରୁ ରବିବାର ଏହି ଦାବି କରାଯାଇଛି। ନବନିର୍ବାଚିତ କଣ୍ଟାବାଞ୍ଜି ବିଧାୟକ ଲକ୍ଷ୍ମଣ ବାଗ ରବିବାର ମମିତାଙ୍କ ପରିବାରକୁ ଭେଟିଥିଲେ। ଝରନୀସ୍ଥିତ ମମିତାଙ୍କ ଘରକୁ ଯାଇ ପରିବାର ଲୋକଙ୍କ ସହିତ ଆଲୋଚନା କରିଥିଲେ।

ଏହି ସମୟରେ ମମିତାଙ୍କ ମା’ବାପା ବିଧାୟକଙ୍କୁ ନେହୁରା ହୋଇ ମାମଲାର ସିବିଆଇ ତଦନ୍ତ କରିବାକୁ କହିଛନ୍ତି। ସେମାନେ କହିଥିଲେ ଯେ, ଆମକୁ ଏଯାଏ ନ୍ୟାୟ ମିଳିଲା ନାହିଁ। ପୂର୍ବରୁ ଅନେକ ଥର ସିବିଆଇ ତଦନ୍ତ ଦାବି କରି ନିରାଶ ହୋଇଛୁ। ସିବିଆଇ ତଦନ୍ତ କରାଗଲେ ହିଁ ପ୍ରକୃତ ଦୋଷୀ ଧରାପଡ଼ିବେ। ପରିବାର ଲୋକଙ୍କ କଥା ଶୁଣି ବିଧାୟକ ସେମାନଙ୍କୁ ସାନ୍ତ୍ୱନା ଦେଇଥିଲେ। ସିବିଆଇ ତଦନ୍ତ ନେଇ ସେ ରାଜ୍ୟ ସରକାରଙ୍କୁ ପ୍ରସ୍ତାବ ଦେବେ ବୋଲି କହିଥିଲେ।

ସୂଚନା ଅନୁସାରେ କଳାହାଣ୍ଡି ଜିଲ୍ଳା ମହାଲିଙ୍ଗ ଠାରେ ସନସାଇନ ଘରୋଇ ସ୍କୁଲରେ ଶିକ୍ଷୟତ୍ରୀ ଥିଲେ ମମିତା ମେହେର । ୨୦୨୧ ମସିହା ଅକ୍ବୋବର ୮ ତାରିଖ, ନିଖୋଜ ହୋଇଯାଇଥିଲେ ମମିତା। ନିଖୋଜ ନେଇ ଅକ୍ବୋବର ୧୩ ତାରିଖରେ ସିନ୍ଧେକେଲା ଥାନାରେ ଅଭିଯୋଗ ଦାଖଲ ହୋଇଥିଲା। ଅକ୍ଟୋବର ୧୫ ତାରିଖରେ ଅଭିଯୋଗ ଆଧାରରେ ସଂପୃକ୍ତ ଘରୋଇ ସ୍କୁଲର ମାଲିକ ଗୋବିନ୍ଦ ସାହୁ ଗିରଫ କରିଥିଲା ପୋଲିସ୍‌ ।ଗିରଫ ପରେ ଅକ୍ଟୋବର ୧୭ ତାରିଖ ଟିଟିଲାଗଡ ପୋଲିସ ବ୍ୟାରେକରୁ ଫେରାର ମାରିଥିଲା ଗୋବିନ୍ଦ। ଅକ୍ଟୋବର ୧୯ ତାରିଖ, ମହାଲିଙ୍ଗ ଷ୍ଟାଡିୟମ ଭିତରୁ ମମିତାର ଅର୍ଦ୍ଧଦଗ୍ଧ ଶବ ଜବତ ହୋଇଥିଲା । ସେହିଦିନ ସଂନ୍ଧ୍ୟାରେ ଆଖୁବାଡିରୁ ଗିରଫ ହୋଇଥିଲା ଗୋବିନ୍ଦ। କିନ୍ତୁ ଗିରଫ ହେବାର ବର୍ଷକ ପରେ, କଣ୍ଟାବାଂଜି ଉପ-କାରଗାରରେ ଗୋବିନ୍ଦର ସନ୍ଦେହ ଜନକ ମୃତ୍ୟୁ ହୋଇଥିଲା। ଏହା ପରେ ତଦନ୍ତ ବନ୍ଦ ହୋଇଯାଇଥିଲା ।

Leave A Reply

Your email address will not be published.