ଭୁବନେଶ୍ବର: ଆଜି ସକାଳେ ପୂର୍ବ କେନ୍ଦ୍ରୀୟ ବଙ୍ଗୋପସାଗର ରେ ସୃଷ୍ଟି ହୋଇଛି ବାତ୍ୟା ‘ ଦାନା ‘। ଦାନା ବର୍ତ୍ତମାନ ଉତ୍ତର ପଶ୍ଚିମ ଦିଗ ରେ ଘଣ୍ଟା ପ୍ରତି ୧୨ କିମି ବେଗ ରେ ଅଗ୍ରସର ହେଉଛି। ପାରାଦୀପ ଠାରୁ ଦକ୍ଷିଣ ପୂର୍ବ ଦିଗରେ ୪୬୦କିମି ଦୂର ରେ ଅବସ୍ଥିତ ରହିଛି ଦାନା ।
ଦାନା ଆସନ୍ତା ୧୨ ଘଣ୍ଟା ମଧ୍ୟରେ ଉତ୍ତର ପଶ୍ଚିମ ବଙ୍ଗୋପସାଗର ରେ ଭୀଷଣ ବର୍ଷା ରେ ପରିଣତ ହେବ ଏବଂ ଆସନ୍ତାକାଲି ରାତିରେ ପୁରୀ – ସାଗରଦୀପ ମଧ୍ୟରେ ଭିତରକନିକା ଏବଂ ଧାମରା ନିକଟରେ ସ୍ଥଳଭାଗ ଅତିକ୍ରମ କରିବ।
ପ୍ରଭାବ ରେ ଆଜି ଉତ୍ତର ଓଡ଼ିଶା ର କିଛି ଅଞ୍ଚଳ ରେ ବାତ୍ୟା ର ବାହ୍ୟ ବାଦଲ ପ୍ରଭାଵ ରେ ଅଳ୍ପ ବର୍ଷା ଆରମ୍ଭ ହୋଇଛି। ଆଜି ରାତି ରେ ଉପକୂଳ ଓଡ଼ିଶା ର କେତେକ ଅଞ୍ଚଳ ରେ ବର୍ଷା ସମ୍ଭାବନା ରହିଛି କିଛି ଅଞ୍ଚଳ ରେ ପ୍ରବଳ ବର୍ଷା ହୋଇପାରେ।
୨୪ -୨୫ ତାରିଖ ରେ ଉତ୍ତର ଉପକୂଳ ଓଡ଼ିଶା ବାଲେଶ୍ଵର, ଭଦ୍ରକ, କେନ୍ଦ୍ରାପଡା, ଜଗତସିଂହପୁର,କଟକ, ମୟୂରଭଞ୍ଜ, ଯାଜପୁର, କେଉଁଝର ଜିଲ୍ଲାରେ ପ୍ରବଳ ବର୍ଷା ସହ କିଛି ଅଞ୍ଚଳ ରେ ଅତ୍ୟନ୍ତ ପ୍ରବଳ ବର୍ଷା (୨୦ସେମି +) ହୋଇପାରେ। ସେହିପରି ପୁରୀ, ଖୋର୍ଦ୍ଧା, ଗଞ୍ଜାମ, ନୟାଗଡ଼, ଅନୁଗୁଳ, ଢ଼େଙ୍କାନାଳ ଜିଲ୍ଲାରେ ପ୍ରବଳ ବର୍ଷା ସହ କିଛି ଅଞ୍ଚଳ ରେ ପ୍ରବଳ ରୁ ଅତି ପ୍ରବଳ ବର୍ଷା (୧୨-୨୦ସେମି ) ସମ୍ଭାବନା ରହିଛି। ପଶ୍ଚିମ ଓ ଆଭ୍ୟନ୍ତର ଓଡ଼ିଶାର ଅନେକ ଅଞ୍ଚଳ ରେ ପ୍ରବଳ ବର୍ଷା ସମ୍ଭାବନା ରହିଛି।
ପବନ – ଆଜି ରାତି ରୁ ଉପକୂଳ ଓଡ଼ିଶା ସଂଲଗ୍ନ ସମୁଦ୍ର ରେ ୪୦କିମି/ ଘଣ୍ଟା ପବନ ବହିବାର ସମ୍ଭାବନା ରହିଛି ଓ ଆସନ୍ତାକାଲି ସକାଳେ ଧିରେଧିରେ ଏହା ବୃଦ୍ଧି ପାଇବାର ସମ୍ଭାବନା। ଏହାପରେ ୨୪ ସନ୍ଧ୍ୟା ରୁ ଉପକୂଳ ରେ ପବନ ର ବେଗ ୯୦-୧୦୦କିମି/ ଘଣ୍ଟା ରହିବାର ସମ୍ଭାବନା ରହିଛି ଓ ଉତ୍ତର ଉପକୂଳ ଓଡ଼ିଶା ରେ ପବନ ର ବେଗ ସ୍ଥଳଭାଗ ଛୁଇଁବା ସମୟରେ ୧୦୦-୧୧୦କିମି / ଘଣ୍ଟା ବହିବାର ସମ୍ଭାବନା ରହିଛି ଓ ୨୫ ତାରିଖ ସକାଳ ପରେ ପବନ ର ବେଗ ହ୍ରାସ ପାଇବ । ଏହି ସମୟରେ ସମୁଦ୍ର ଅଶାନ୍ତ ରହିବ ତେଣୁ ୨୬ ତାରିଖ ଯାଏଁ ସମୁଦ୍ର କୁ ଯିବା ମନା।
ଅଧ୍ୟାପକ- ସାର୍ଥକ ମିଶ୍ର