ଭୁବନେଶ୍ୱର: ଏକ ତରଫା ପ୍ରେମର କରୁଣ ପରିଣତି। ହୋଟେଲ ଛାତରୁ ଡେଇଁ ମହିଳାଙ୍କ ପାଇଁ ଜୀବନ ହାରିଲେ ଯୁବକ। ରାଜଧାନୀ ଭୁବନେଶ୍ୱରରେ ଜଣେ ଯୁବକ ଓୟୋ ହୋଟେଲ ଛାତରୁ ଡେଇଁପଡି ନିଜ ଜୀବନ ହାରିଥିବା ଅଭିଯୋଗ ହୋଇଛି। ମୃତକଙ୍କ ଯୁବକ ନୟାଗଡ ଜିଲାର ଦୀପକ ନାୟକ ବୋଲି ଜଣାପଡିଛି।
ଖବର ଅନୁଯାୟୀ ଦୀପକ ଏକ ଡ୍ୟାନ୍ସ ଗ୍ରୁପ ଚଳାଉଥିଲେ। ସେ ଜଣେ ନୃତ୍ୟଶିଳ୍ପୀଙ୍କ ସହ ଏକପାଖିଆ ପ୍ରେମରେ ପଡ଼ିଥିଲେ। କିନ୍ତୁ ନୃତ୍ୟଶିଳ୍ପୀ ଜଣକ ପ୍ରେମକୁ ପ୍ରତ୍ୟାଖାନ କରିଥିଲେ, ଯାହା ହୁଏତ ତାଙ୍କୁ ଚରମ ପଦକ୍ଷେପ ନେବାକୁ ବାଧ୍ୟ କରିଥାଇପାରେ। ଘଟଣା ବିଷୟରେ ସୂଚନା ପାଇ ଭରତପୁର ପୋଲିସ ମୃତଦେହ ଜବତ କରିଛି ଏବଂ ତଦନ୍ତ ଆରମ୍ଭ କରିଛି। ଓୟୋ ହୋଟେଲ ପଛପଟୁ ଯୁବକଙ୍କ ମୃତଦେହ ମିଳିଛି।