ବୁର୍ଲା: ବୁର୍ଲା ଭୀମସାର କର୍କଟ ରୋଗ ବିଭାଗରେ ଏକ ଅଭାବନୀୟ ଦୃଶ୍ୟ ଦେଖିବାକୁ ମିଳିଛି। ବୁର୍ଲାରେ ଥିବା ବୀର ସୁରେନ୍ଦ୍ର ସାଏ ଇନଷ୍ଟିଚ୍ୟୁଟ୍ ଅଫ୍ ମେଡିକାଲ୍ ସାଇନ୍ସେସ୍ ଆଣ୍ଡ୍ ରିସର୍ଚ୍ଚରେ କେମୋଥେରାପି ନେଉଥିବା ରୋଗୀମାନେ ଭୟଙ୍କର ଅବ୍ୟବସ୍ଥାର ଶିକାର ହୋଇଛନ୍ତି। କେମୋ ଚାଲିଥିବା ବେଳେ ପ୍ରାୟ ୩ ଘଣ୍ଟା କଟିଲା ଲାଇନ୍। ଫଳରେ କର୍କଟ ରୋଗ ବିଭାଗରେ ଆନ୍ଧାରରେ ଦିଆଗଲା କେମୋ।
ସୂଚନା ଅନୁସାରେ, ବୁର୍ଲା ଭୀମସାର କର୍କଟ ରୋଗ ବିଭାଗରେ ରୋଗୀଙ୍କୁ କେମୋ ଦେବା ସମୟରେ ଲାଇନ କଟିଥିଲା। ହେଲେ ୩ ଘଣ୍ଟା ଯାଏ ଲାଇନ୍ ଆସିନଥିଲା। ଅନ୍ୟ କୌଣସି ବିକଳ୍ପ ନଥିବାରୁ, ଡାକ୍ତରମାନଙ୍କୁ ଗୁରୁତ୍ୱପୂର୍ଣ୍ଣ ଚିକିତ୍ସା ଜାରି ରଖିବା ପାଇଁ ମୋବାଇଲ୍ ଫୋନ୍ ଟର୍ଚ୍ଚ ଲାଇଟ୍ ଉପରେ ନିର୍ଭର କରିବାକୁ ପଡିଥିଲା। ମୋବାଇଲ ଟର୍ଚ୍ଚ ଲଗାଇ ରୋଗୀଙ୍କୁ ଦିଆଗଲା କେମୋ ଥେରାପି। ତେବେ ଏଠାରେ ଏକ ବ୍ୟାକଅପ୍ ଜେନେରେଟର ଥିବା ସତ୍ତ୍ୱେ, ଏହାକୁ କାର୍ଯ୍ୟକ୍ଷମ କରାଯାଇ ନଥିଲା, ଯାହା ହସ୍ପିଟାଲ ପରିଚାଳନା ବ୍ୟବସ୍ଥା ଉପରେ ପ୍ରଶ୍ନ ସୃଷ୍ଟି କରିଥିଲା।
ଅନ୍ୟପଟେ ଜେନେରେଟର୍ ଥାଇ ବି ଲଗାଇନଥିବା ରୋଗୀ ସମ୍ପର୍କୀୟ ଅଭିଯୋଗ କରିଛନ୍ତି। ସେହିପରି ଏହି ଅଭିଯୋଗକୁ ନେଇ ଭୀମସାର ଅଧୀକ୍ଷକ ଲାଲମୋହନ ନାୟକ ପ୍ରତିକ୍ରିୟା ଦେଇଛନ୍ତି। ସେ କହିଛନ୍ତି ଗତ ୧୧ରେ ମରାମତି କାମ ପାଇଁ ବିଦ୍ୟୁତ ବିଚ୍ଛିନ୍ନ ହୋଇଥିଲା। ହେଲେ ଅବହେଳା କରିଥିବା କର୍ମଚାରୀଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ହେବ ବୋଲି ଭୀମସାର ଅଧୀକ୍ଷକ କହିଛନ୍ତି।
ଏହି ଘଟଣାକୁ ନେଇ ହସ୍ପିଟାଲ ପରିଚାଳନାକୁ ସମାଲୋଚନା କରାଯାଇଛି। କାହିଁକି ବିଦ୍ୟୁତ୍ ବ୍ୟାକଅପ୍ ସିଷ୍ଟମ୍ ବ୍ୟବହାର କରାଯାଇ ନଥିଲା ସେ ବିଷୟରେ ପ୍ରଶ୍ନ ମଧ୍ୟ ଉଠିଛି। ବିଶେଷକରି ଯେତେବେଳେ ବିଦ୍ୟୁତ୍ କାଟ୍ ଖବର ଅଧିକାରୀଙ୍କ ନିକଟରେ ଆଗରୁ ଥିଲା। ଏହା ପ୍ରଥମ ଘଟଣା ନୁହେଁ ଯେ, ରୋଗୀଙ୍କ ସମ୍ପର୍କୀୟଙ୍କ ଦ୍ୱାରା ପୂର୍ବରୁ ଅନେକ ସମାନ ସମସ୍ୟାର ଅଭିଯୋଗ କରାଯାଇଛି। ଅଙ୍କୋଲୋଜି ବିଭାଗରେ ବାରମ୍ବାର ବିଦ୍ୟୁତ୍ ସମ୍ବନ୍ଧୀୟ ସମସ୍ୟା ନେଇ ଅନେକ କ୍ଷୋଭ ପ୍ରକାଶ କରିଛନ୍ତି।