ଭୁବନେଶ୍ବର: ପଶ୍ଚିମ ଓଡ଼ିଶା ଠାରୁ ଆଭ୍ୟନ୍ତରୀଣ ଓଡ଼ିଶା ସବୁଠାରେ ଘନ କୁହୁଡ଼ି ସହିତ ଅସମ୍ଭାଳ ଶୀତ ଲହରୀ ଚାଲୁଛି। ଏହା ଜନଜୀବନକୁ ଅସ୍ତବ୍ୟସ୍ତ କରୁଛି। ପାଣିପାଗ ବିଭାଗ ଆଗାମୀ ୫ ଦିନ ପର୍ଯ୍ୟନ୍ତ ଘନ କୁହୁଡ଼ି ପାଇଁ ଚେତାବନୀ ଦେଇଛି। କିଛି ସ୍ଥାନରେ ସାମାନ୍ୟ ତାପମାତ୍ରାର ପରିବର୍ତ୍ତନ ଥିଲେ ମଧ୍ୟ ସାରା ରାଜ୍ୟରେ ଶୀତର ପ୍ରଭାବ ମହାସୂଚିତ ହେଉଛି। ବର୍ତ୍ତମାନ ରାଜ୍ୟ ଉପରେ କୌଣସି ପାଣିପାଗ ନିୟାମକ ସକ୍ରିୟ ନାହିଁ, ଏବଂ ଆଗାମୀ ୭ ଦିନ ପର୍ଯ୍ୟନ୍ତ କୌଣସି ପରିବର୍ତ୍ତନ ହେବ ନାହିଁ ବୋଲି ସୂଚନା ମିଳିଛି।
ପାଣିପାଗ ବିଭାଗ ଆସନ୍ତା ୨୪ ଘଣ୍ଟାରେ କନ୍ଧମାଳ, ସୋନପୁର, ଢେଙ୍କାନାଳ, ସମ୍ବଲପୁର, ଝାରସୁଗୁଡା ଓ ସୁନ୍ଦରଗଡ ଜିଲ୍ଲାକୁ ଘନ କୁହୁଡ଼ି ପାଇଁ ୟେଲୋ ୱାର୍ଣ୍ଣିଂ ଜାରି କରିଛି। ଏହି ଚେତାବନୀ ଆଗାମୀ ଦିନରେ ମଧ୍ୟ ପ୍ରଭାବୀ ରହିବ। ଗତ ୨୪ ଘଣ୍ଟାରେ ରାଜ୍ୟର ୧୦ଟି ସ୍ଥାନରେ ତାପମାତ୍ରା ୧୦ ଡିଗ୍ରୀରୁ କମ୍ ରେକର୍ଡ ହୋଇଛି। ଏହି ସମୟରେ ୯ଟି ସ୍ଥାନରେ ଘନ କୁହୁଡ଼ି ଦୃଶ୍ୟମାନ ହୋଇଥିଲା, ଯେଉଁଥିରେକି ରାଉରକେଲା, ସମ୍ବଲପୁର, ହୀରାକୁଦ, ଫୁଲବାଣୀ, ଢେଙ୍କାନାଳ, ଝାରସୁଗୁଡା ଓ ସୋନପୁର ପ୍ରମୁଖ।ବର୍ତ୍ତମାନ ସର୍ବନିମ୍ନ ତାପମାତ୍ରା ନବରଙ୍ଗପୁରରେ ରେକର୍ଡ ହୋଇଛି, ଝାରସୁଗୁଡ଼ାରେ ୬.୮ ଡିଗ୍ରୀ ଏବଂ କୋରାପୁଟରେ ୬.୧ ଡିଗ୍ରୀ।