ଭୁବନେଶ୍ବର: ରାଜ୍ୟର ୩ଟି କୋର୍ଟକୁ ବୋମା ଧମକ ମିଳିଛି। ଏଥିରେ ସମ୍ବଲପୁର, କଟକ, ଦେବଗଡ କୋର୍ଟ ରହିଛି। ହାଇକୋର୍ଟକୁ ଧମକ ଆସିବା ପରେ ଛାନଭିନ ଜୋରଦାର କରାଯାଉଛି। ଇମେଲ୍ ମାଧ୍ୟମରେ କୋର୍ଟକୁ ଏହି ଧମକ ମିଳିଥିବା ସୂଚନା ମିଳିଛି। ଅପରାହ୍ଣ ୨ଟା ୪୫ ମିନିଟ୍ ସୁଦ୍ଧା ଜାଗା ଖାଲି କରିବାକୁ ଏହି ଇମେଲରେ ଧମକ ଆସିଛି। ଏହି ଇ-ମେଲରେ ବୋମା ଧମକ ଆସିବା ପରେ ଛାନଭିନ୍ ଆରମ୍ଭ ହୋଇଛି। କୋର୍ଟ ପରିସରରୁ ସମସ୍ତ ଓକିଲ, ଅଧିକାରୀ, କର୍ମଚାରୀମାନଙ୍କୁ ବାହାର କରି ବମ ସ୍କ୍ବାଡ଼, ସନ୍ଧାନୀ କୁକୁର, ସାଇବର ଅଧିକାରୀ ରହି ତଦନ୍ତ କରୁଛନ୍ତି।
ଆଜି ସକାଳୁ କୋର୍ଟ କାର୍ଯ୍ୟ ସ୍ୱାଭାବିକ ଚାଲିଥିବା ବେଳେ ହଠାତ୍ ଇ-ମେଲରେ ଏଭଳି ଧମକ ଆସିବା ପରେ ପୁଲିସ କର୍ମୀ ଓ ବମ୍ ସ୍କ୍ୱାର୍ଡ ପହଞ୍ଚି ଯାଞ୍ଚ କରୁଛନ୍ତି। ହାଇକୋର୍ଟରୁ ସମସ୍ତ ଅଧିକାରୀ, ଓକିଲ ଓ ବିଚାରପତି ମାନଙ୍କୁ ବାହାରକୁ ଅଣାଯାଇଛି। କୋର୍ଟ ପରିସରରେ ପୂର୍ବରୁ ୩ଟି ଆରଡିଏକ୍ସ ରଖାଯାଇଛି ବୋଲି ଇ-ମେଲରେ ଲେଖାଯାଇଛି। ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି ଏହି ଇ-ମେଲ୍ ଓଡ଼ିଆରେ ଲେଖାଯାଇଛି।
ଏଣେ ହାଇକୋର୍ଟ ପରିସରକୁ ମଧ୍ୟ ଖାଲି କରାଯାଇ ପୁଲିସ ଛାଉଣି କରାଯାଇଛି। ଚାରିଆଡେ ତନ୍ନ ତନ୍ନ କରି ଯାଞ୍ଚ ଚାଲିଛି। ହାଇକୋର୍ଟ କୁ ମଧ୍ୟ ଖାଲି କରାଯାଇଛି। ଏହି ଖବର ସାମ୍ନାକୁ ଆସିବା ପରେ ଚାରିଆଡେ ଆତଙ୍କ ଖେଳି ଯାଇଛି। ତେବେ କିଏ ଏହି ମେଲ୍ ପଠାଇଛି ସେ ନେଇ ପୋଲିସ କୌଣସି ସ୍ପଷ୍ଟ ସୂଚନା ଦେଇନି।