ହିମାଚଳ ପ୍ରଦେଶ: ହିମାଚଳ ପ୍ରଦେଶର ସୋଲାନ ଜିଲ୍ଲାର ଆର୍କି ବଜାରରେ ଏକ ଭୟଙ୍କର ଅଗ୍ନିକାଣ୍ଡ ଘଟିଛି। ଗତକାଲି ରାତି ପ୍ରାୟ ୧ଟା ସମୟରେ ସୋଲାନର ଅର୍କି ବଜାରରେ ନିଆଁ ଲାଗିଯାଇଛି। ଫଳରେ ଅନେକ ଦୋକାନ ଜଳି ପୋଡ଼ି ପାଉଁଶ ହୋଇଯାଇଛି। ଏହି ଅଗ୍ନିକାଣ୍ଡରେ ଜଣେ ୮ ବର୍ଷର ଶିଶୁର ମୃତ୍ୟୁ ଘଟିଥିବାବେଳେ ଅନେକ ଲୋକ ଫସି ରହିଥିବା ସନ୍ଦେହ କରାଯାଉଛି।
ସୋଲାନ ଜିଲ୍ଲାର ପୁଲିସ୍ ଅଧିକ୍ଷକ ଗୌରବ ସିଂହ କହିଛନ୍ତି ଯେ ଆର୍କି ବଜାରରେ ଗତକାଲି ବିଳମ୍ବିତ ରାତିରେ ଲାଗିଥିବା ଅଗ୍ନିକାଣ୍ଡରେ ନେପାଳୀ ବଂଶୋଦ୍ଭବଙ୍କ ଏକ ପରିବାର ଫସି ଯାଇଛନ୍ତି। ଏହି ଦୁଃଖଦ ଘଟଣାରେ, ଏକ ୮ ବର୍ଷର ଶିଶୁର ମୃତଦେହ ଉଦ୍ଧାର କରାଯାଇଛି, ଯେତେବେଳେ କି ଆଠରୁ ନଅ ଜଣ ଭଗ୍ନାବଶେଷ ତଳେ ଫସି ରହିଥିବା ଆଶଙ୍କା କରାଯାଉଛି। ମୃତ ଶିଶୁଟି ପ୍ରବାସୀ ଶ୍ରମିକ ପରିବାରର ବୋଲି ଜଣାପଡିଛି। ବର୍ତ୍ତମାନ ପର୍ଯ୍ୟନ୍ତ ଅଗ୍ନିକାଣ୍ଡର କାରଣ ଜଣାପଡିନାହିଁ। ନିଆଁର ଲହରୀ ଏତେ ତୀବ୍ର ଥିଲା ଯେ ନିକଟବର୍ତ୍ତୀ କୋଠାଗୁଡ଼ିକୁ କ୍ଷତି ପହଞ୍ଚାଇବାର ଆଶଙ୍କା ଥିଲା। ଘଟଣା ସମ୍ପର୍କରେ ସୂଚନା ପାଇବା ମାତ୍ରେ ପ୍ରଶାସନିକ କର୍ମଚାରୀ ଏବଂ ଅଗ୍ନିଶମ ବାହିନୀ ଦଳ ତୁରନ୍ତ ଘଟଣାସ୍ଥଳରେ ପହଞ୍ଚିଥିଲେ। ଅଗ୍ନିଶମ କର୍ମଚାରୀମାନେ ନିଆଁକୁ ନିୟନ୍ତ୍ରଣ କରିବାକୁ ନିରନ୍ତର ଚେଷ୍ଟା କରୁଛନ୍ତି। ଭଗ୍ନାବଶେଷରେ ଫସି ରହିଥିବା ଲୋକଙ୍କୁ ଉଦ୍ଧାର କରିବା ପାଇଁ ରିଲିଫ୍ ଏବଂ ଉଦ୍ଧାର କାର୍ଯ୍ୟ ଜାରି ରହିଛି।