ମହାରାଷ୍ଟ୍ର: ଦିବଂଗତ ମହାରାଷ୍ଟ୍ର ଉପମୁଖ୍ୟମନ୍ତ୍ରୀ ଏବଂ ଏନସିପି ନେତା ଅଜିତ ପାୱାରଙ୍କ ନିଧନ ପରେ, ତାଙ୍କ ପତ୍ନୀ ସୁନେତ୍ରା ପାୱାରଙ୍କୁ ଉପମୁଖ୍ୟମନ୍ତ୍ରୀ ଭାବେ ନିଯୁକ୍ତି ଦେବା ପାଇଁ ଦାବି ଉଠିଛି। ଏନସିପି ନେତା ଏବଂ ମନ୍ତ୍ରୀ ନରହରି ଜିରୱାଲ କହିଛନ୍ତି ଯେ, ସୁନେତ୍ରା ପାୱାରଙ୍କୁ ଏହି ପଦ ଦେବା ଅଜିତ ପାୱାରଙ୍କ ପ୍ରତି ଏକ ଶ୍ରଦ୍ଧାଞ୍ଜଳି ହେବ।
ଜିରୱାଲ କହିଛନ୍ତି, ସେ ସୁନେତ୍ରା ପାୱାରଙ୍କୁ ମନ୍ତ୍ରିମଣ୍ଡଳରେ ସାମିଲ କରିବାକୁ ଦଳର ବରିଷ୍ଠ ନେତୃତ୍ୱଙ୍କୁ ଅନୁରୋଧ କରିଛନ୍ତି ଏବଂ ଏହି ପ୍ରସଙ୍ଗରେ ଆଗାମୀ ଦିନରେ ଆଲୋଚନା କରିବେ। ତାଙ୍କ କଥାନୁସାରେ, ଏହା ପାୱାର ପରିବାରର ରାଜନୈତିକ ଐତିହ୍ୟର ଏକ ନିରନ୍ତରତା ହେବ।ସୁନେତ୍ରା ପାୱାର ବର୍ତ୍ତମାନ ରାଜ୍ୟସଭା ସଦସ୍ୟ। ସେ ଦୀର୍ଘ ସମୟ ଧରି ଏନସିପି ସହ ଜଡିତ ରହିଛନ୍ତି। ୨୦୨୪ ମସିହାରେ ସେ ବାରାମତୀରୁ ଲୋକସଭା ନିର୍ବାଚନ ଲଢ଼ିଥିଲେ, କିନ୍ତୁ ସୁପ୍ରିୟା ସୁଲେଙ୍କ ଠାରୁ ପରାଜିତ ହୋଇଥିଲେ। ପରେ ସେ ରାଜ୍ୟସଭାକୁ ନିର୍ବାଚିତ ହୋଇଥିଲେ।