ନିଲାମ ହେବ ପୂର୍ବତନ ମୁଖ୍ୟମନ୍ତ୍ରୀ ଜୟଲଳିତାଙ୍କ ବାସଭବନ ‘ବେଦ ନିଳୟମ୍’

ତାମିଲନାଡୁ: ତାମିଲନାଡୁର ଭୂତପୂର୍ବ ମୁଖ୍ୟମନ୍ତ୍ରୀ ଜୟଲଳିତାଙ୍କ ପୋସ୍‌ ଗାର୍ଡେନ ଅଞ୍ଚଳରେ ଥିବା ବାସଭବନ ‘ବେଦ ନିଳୟମ୍’କୁ ନିଲାମ କରାଯିବ ବୋଲି ଆୟକର ବିଭାଗ ପକ୍ଷରୁ ସୂଚନା ଦିଆଯାଇଛି। ଆୟକର ବିଭାଗ କହିଛି ଯେ ‘ବେଦ ନିଳୟମ୍’ ଉପରେ ଆୟକର, ସମ୍ପତ୍ତି କର ଓ ସୁଧ ବାବଦକୁ ମୋଟ ୧୩.୬୯ କୋଟି ଟଙ୍କା ବକେୟା ରହିଛି। ଯଦି ଏହି ବକେୟା ଟିକସ ଜୟଲଳିତାଙ୍କ କୌଣସି ଉତ୍ତରାଧିକାରୀ ପୈଠ ନକରନ୍ତି, ତେବେ ବାସଭବନକୁ ନିଲାମ କରାଯିବ। ଏହି ସୂଚନା ଆୟକର ବିଭାଗ ମାଡ୍ରାସ ହାଇକୋର୍ଟକୁ ଜଣାଇଛି। ଜୟଲଳିତାଙ୍କ ଝିଆରୀ ଜେ. ଦୀପା ଆୟକର ବିଭାଗ ଧାର୍ଯ୍ୟ କରିଥିବା ଟିକସକୁ ବିରୋଧ କରି ହାଇକୋର୍ଟରେ ରିଟ୍ ପିଟିସନ ଦାୟର କରିଥିଲେ। ସେହି ମାମଲାର ଶୁଣାଣି ସମୟରେ ଆୟକର ବିଭାଗ ଏହି ମତ ରଖିଛି।