ନୂଆଦିଲ୍ଲୀ: କେନ୍ଦ୍ର ସରକାର ଛତିଶଗଡ଼ କ୍ୟାଡରର ୨୦୧୬ ବ୍ୟାଚର ଆଇଏଏସ ଅଧିକାରୀ ଡ଼. ରବି ମିତ୍ତଲଙ୍କୁ ପ୍ରଧାନମନ୍ତ୍ରୀ କାର୍ଯ୍ୟାଳୟ (ପିଏମଓ)ରେ ଉପସଚିବ ଭାବରେ ନିଯୁକ୍ତ କରିଛି।
ଡ଼. ମିତ୍ତଲ ଜଣେ ଶାନ୍ତ ଓ ତୃଣମୂଳ ସ୍ତରରେ କାମ କରୁଥିବା ଅଧିକାରୀ ଭାବେ ପରିଚିତ। ସେ ଦିଲ୍ଲୀର ମୌଲାନା ଆଜାଦ ମେଡିକାଲ କଲେଜରୁ ଏମବିବିଏସ ଶିକ୍ଷା ସମାପ୍ତ କରି ପରେ ସିଭିଲ ସେବାରେ ଯୋଗ ଦେଇଥିଲେ। ସେ ପୂର୍ବରୁ ଯଶପୁର ଜିଲ୍ଲାର କଲେକ୍ଟର ଭାବରେ କାର୍ଯ୍ୟ କରିଥିବା ସହ ମହାସମୁନ୍ଦ, ରାଇଗଡ଼ ଓ ରାଇପୁରରେ ପଞ୍ଚାୟତ ସିଇଓ ଭାବେ ମଧ୍ୟ ଦାୟିତ୍ୱ ନିଭାଇଛନ୍ତି। ୨୦୧୮ରେ ସେ ବାଗିଚାର ଏସଡିଏମ ଭାବରେ କାମ କରିଥିଲେ।