ପ୍ରମୁଖ ଖବର

ବାତ୍ୟା ଆଶଙ୍କା: ମାଲକାନଗିରିରେ ୧୯ ଓ ୨୦ରେ ସ୍କୁଲ୍‌, କଲେଜ ଛୁଟି
ଆଇପିଏଲ୍‌ରୁ ସନ୍ନ୍ୟାସ ନେଲେ ଧୋନି
ଭାସ୍କର ଜ୍ୟୋତି ଶର୍ମାଙ୍କୁ ଓଏଫଡିସି ଅଧ୍ୟକ୍ଷ ଦାୟିତ୍ୱ
ଦିଲ୍ଲୀରେ ପୁରୁଣା କୋଠାର ଛାତ ଭୁଶୁଡ଼ି ୨ ମୃତ, ୪ ଆହତ
ସରକାରୀ କର୍ମଚାରୀଙ୍କ ୩% ବଢ଼ିଲା ମହଙ୍ଗା ଭତ୍ତା, ଏବେ ମିଳିବ ୬୩%
ଶୀତ ଅଧିବେଶନ ପାଇଁ କଡ଼ା ସୁରକ୍ଷା, ବାଚସ୍ପତିଙ୍କ ଅଧ୍ୟକ୍ଷତାରେ ସର୍ବଦଳୀୟ ବୈଠକ

ରେପୋ ହାର ୦.୨୫% ବଢ଼ିଲା, ମହଙ୍ଗା ହେବ ଋଣ

0

ନୂଆଦିଲ୍ଲୀ: ରିଜର୍ଭ ବ୍ୟାଙ୍କର ମୁଦ୍ରା ନୀତି କମିଟି (ଏମ୍‌ପିସି) ବୈଠକରେ ରେପୋ ହାର ୨୫ ବେସିସ୍‌ ପଏଣ୍ଟ ବଢ଼ାଇ ୫.୫୦% କରାଯାଇଛି। ଫେବୃଆରୀ ୨୦୨୩ ପରେ ପ୍ରଥମ ଥର ପାଇଁ ଆରବିଆଇ ନୀତି ସୁଧ ହାର ବୃଦ୍ଧି କରିଛି। ଏହା ସହିତ ସ୍ଥାୟୀ ଜମା ସୁବିଧା (ଏସ୍‌ଡିଏଫ୍‌) ହାର ୫.୨୫% ଏବଂ ସୀମାନ୍ତ ସ୍ଥାୟୀ ସୁବିଧା (ଏମ୍‌ଏସ୍‌ଏଫ୍‌) ଓ ବ୍ୟାଙ୍କ ହାର ୫.୭୫%କୁ ବୃଦ୍ଧି ପାଇଛି।

ଆରବିଆଇ ଗଭର୍ଣ୍ଣର ସଞ୍ଜୟ ମାଲହୋତ୍ରା କହିଛନ୍ତି, ସାମଗ୍ରିକ ଅର୍ଥନୈତିକ ସ୍ଥିତି, ବିଶ୍ୱସ୍ତରୀୟ ପରିସ୍ଥିତି ଓ ଭବିଷ୍ୟତ ଆକଳନକୁ ବିଚାର କରି ଏମ୍‌ପିସି ସର୍ବସମ୍ମତିରେ ରେପୋ ହାର ବୃଦ୍ଧି ନିଷ୍ପତ୍ତି ନେଇଛି। ବଢ଼ୁଥିବା ଶକ୍ତି ଓ କଞ୍ଚାମାଲ ମୂଲ୍ୟ ଯୋଗୁଁ ମୁଦ୍ରାସ୍ଫୀତି ଓ ଉତ୍ପାଦନ ଖର୍ଚ୍ଚ ଉପରେ ଚାପ ବଢ଼ୁଥିବାରୁ ଏହି ପଦକ୍ଷେପ ନିଆଯାଇଛି। ରେପୋ ହାର ବଢ଼ିବାର ସିଧାସଳଖ ପ୍ରଭାବ ବ୍ୟାଙ୍କ ଋଣ ଉପରେ ପଡ଼ିପାରେ। ବ୍ୟାଙ୍କଗୁଡ଼ିକର ଋଣ ନେବା ଖର୍ଚ୍ଚ ବଢ଼ିଲେ ଗ୍ରାହକଙ୍କ ପାଇଁ ଗୃହ, କାର୍‌ ଓ ବ୍ୟକ୍ତିଗତ ଋଣର ସୁଧ ହାର ବଢ଼ିପାରେ। ବିଶେଷକରି ଫ୍ଲୋଟିଂ ସୁଧ ହାରରେ ଋଣ ନେଇଥିବା ଗ୍ରାହକଙ୍କ ଇଏମ୍‌ଆଇ ବଢ଼ିବା କିମ୍ବା ଋଣ ଅବଧି ବୃଦ୍ଧି ପାଇବାର ସମ୍ଭାବନା ରହିଛି।

ତେବେ ଜମାକାରୀଙ୍କ ପାଇଁ ଏହାର ଅନ୍ୟ ଏକ ଦିଗ ରହିଛି। ଆଗାମୀ ଦିନରେ ବ୍ୟାଙ୍କଗୁଡ଼ିକ ଏଫ୍‌ଡି ଓ ସଞ୍ଚୟ ଖାତାର ସୁଧ ହାର ବଢ଼ାଇପାରନ୍ତି। ଏହାଦ୍ୱାରା ଜମାକାରୀମାନେ ଅଧିକ ସୁଧ ପାଇବାର ସୁଯୋଗ ପାଇପାରିବେ।

Leave A Reply

Your email address will not be published.