ପ୍ରମୁଖ ଖବର

ବାତ୍ୟା ଆଶଙ୍କା: ମାଲକାନଗିରିରେ ୧୯ ଓ ୨୦ରେ ସ୍କୁଲ୍‌, କଲେଜ ଛୁଟି
ଆଇପିଏଲ୍‌ରୁ ସନ୍ନ୍ୟାସ ନେଲେ ଧୋନି
ଭାସ୍କର ଜ୍ୟୋତି ଶର୍ମାଙ୍କୁ ଓଏଫଡିସି ଅଧ୍ୟକ୍ଷ ଦାୟିତ୍ୱ
ଦିଲ୍ଲୀରେ ପୁରୁଣା କୋଠାର ଛାତ ଭୁଶୁଡ଼ି ୨ ମୃତ, ୪ ଆହତ
ସରକାରୀ କର୍ମଚାରୀଙ୍କ ୩% ବଢ଼ିଲା ମହଙ୍ଗା ଭତ୍ତା, ଏବେ ମିଳିବ ୬୩%
ଶୀତ ଅଧିବେଶନ ପାଇଁ କଡ଼ା ସୁରକ୍ଷା, ବାଚସ୍ପତିଙ୍କ ଅଧ୍ୟକ୍ଷତାରେ ସର୍ବଦଳୀୟ ବୈଠକ

ଭାରତୀୟ ପାଇଲଟ୍‌ଙ୍କ ସାହସକୁ ୟୁଏଇର ସମ୍ମାନ, ପ୍ରଦାନ କଲା ‘ଜାୟେଦ୍‌’ ପୁରସ୍କାର

0

ଦୁବାଇ: ବିମାନରେ ସଙ୍କଟ ସମୟରେ ଅଦମ୍ୟ ସାହସ ଦେଖାଇଥିବା ଭାରତୀୟ ପାଇଲଟ୍‌ କ୍ୟାପ୍ଟେନ୍‌ ସ୍ମିତ୍‌ ମଚ୍ଛାରଙ୍କୁ ସମ୍ମାନିତ କରିଛି ସଂଯୁକ୍ତ ଆରବ ଏମିରେଟ୍ସ (ୟୁଏଇ)। ତାଙ୍କୁ ‘ଜାୟେଦ୍‌ ଦ୍ୱିତୀୟ ଶ୍ରେଣୀ’ ସମ୍ମାନ ପ୍ରଦାନ କରାଯାଇଛି। ୟୁଏଇ ରାଷ୍ଟ୍ରପତି ଶେଖ୍‌ ମହମ୍ମଦ ବିନ୍‌ ଜାୟେଦ୍‌ ଅଲ୍‌ ନାହ୍ୟାନ୍‌ ସମାରୋହରେ କ୍ୟାପ୍ଟେନ୍‌ ମଚ୍ଛାରଙ୍କୁ ଆଲିଙ୍ଗନ କରି ତାଙ୍କ ସାହସିକତାର ପ୍ରଶଂସା କରିଥିଲେ।

ସେପ୍ଟେମ୍ବର ୩୦ରେ ଦୁବାଇରୁ ତେଲ୍‌ ଆଭିଭ୍‌ ଯାଉଥିବା ଫ୍ଲାଏଦୁବାଇର ଏଫ୍‌ଜେଡ୍‌ ୧୦୭୩ ବିମାନରେ ଏହି ଘଟଣା ଘଟିଥିଲା। ଅଭିଯୋଗ ଅନୁସାରେ, ସହ-ପାଇଲଟ୍‌ କକ୍‌ପିଟ୍‌ ଭିତରେ କ୍ୟାପ୍ଟେନ୍‌ ମଚ୍ଛାରଙ୍କୁ ଧାରୁଆ ଅସ୍ତ୍ରରେ ଆକ୍ରମଣ କରିଥିଲେ। ଏଥିରେ କ୍ୟାପ୍ଟେନ୍‌ ଗୁରୁତର ଆହତ ହୋଇଥିବାବେଳେ ବିମାନକୁ ତଳକୁ ଖସାଇବାକୁ ଉଦ୍ୟମ ହୋଇଥିବା ଜଣାପଡ଼ିଥିଲା।

ଏଭଳି ଗୁରୁତର ପରିସ୍ଥିତିରେ କ୍ୟାପ୍ଟେନ୍‌ ମଚ୍ଛାର କକ୍‌ପିଟ୍‌ ଦ୍ୱାର ଖୋଲିବାରେ ସଫଳ ହୋଇଥିଲେ। ଏହାପରେ ବିମାନର ଅନ୍ୟ କର୍ମଚାରୀ ଓ ଯାତ୍ରୀମାନେ ଆକ୍ରମଣକାରୀଙ୍କୁ କାବୁ କରିଥିଲେ। ଯାତ୍ରୀଙ୍କ ସୁରକ୍ଷା ପାଇଁ ତାଙ୍କ ଉଦ୍ୟମକୁ ୟୁଏଇ ନେତାମାନେ ଉଚ୍ଚ ପ୍ରଶଂସା କରିଛନ୍ତି।

ଦୁବାଇର ଯୁବରାଜ ଶେଖ୍‌ ହମଦାନ୍‌ କ୍ୟାପ୍ଟେନ୍‌ ମଚ୍ଛାରଙ୍କୁ ସାହସ ଓ ଦାୟିତ୍ୱବୋଧର ପ୍ରତୀକ ବୋଲି କହିଛନ୍ତି। ସେ ତାଙ୍କୁ ୟୁଏଇର ଗର୍ବ ବୋଲି ମଧ୍ୟ ଅଭିହିତ କରିଥିଲେ। ଏହି ସମାରୋହରେ ୟୁଏଇର ଉପରାଷ୍ଟ୍ରପତି ତଥା ପ୍ରଧାନମନ୍ତ୍ରୀ ଓ ଦୁବାଇର ଶାସକ ଶେଖ୍‌ ମହମ୍ମଦ ବିନ୍‌ ରସିଦ୍‌ ଅଲ୍‌ ମକତୁମ୍‌ ଉପସ୍ଥିତ ଥିଲେ।

Leave A Reply

Your email address will not be published.