ଦୀର୍ଘଦିନର ନିରବତା ପରେ ସୋସିଆଲ ମିଡିଆରେ ସୁପରଷ୍ଟାର ତଥା ସାଂସଦ ଅନୁଭବ ମହାନ୍ତି ଏକ ଫଟୋ ପୋଷ୍ଟ କରିଛନ୍ତି । ଯାହାକୁ ନେଇ ଏବେ ଅନେକ କଥା ଉଠୁଛି । ପାରିବାରିକ ବିବାଦରେ ଛନ୍ଦି ହୋଇପଡିଥିବା ସାଂସଦ ଅନୁଭବ ମହାନ୍ତି ନିଜ ବାନ୍ଧବୀଙ୍କ ସହ ସୋସିଆଲ ମିଡିଆରେ ଫୋଟୋ ସେୟାର କରିଛନ୍ତିା ଯାହାକୁ ନେଇ ଏବେ ଆରମ୍ଭ ହୋଇଛି ଚର୍ଚ୍ଚା । ପତ୍ନୀ ବର୍ଷା ପ୍ରିୟଦର୍ଶନୀ ଏଯାଏ ଶାଶୁଘରେ ରହୁଛନ୍ତି । ଅନୁଭବଙ୍କୁ ଛାଡପତ୍ର ଦେବାକୁ ଚାହୁଁନଥାନ୍ତି । କିନ୍ତୁ ଅନ୍ୟପଟେ ବାନ୍ଧବୀ ଜାଗୃତିଙ୍କ ସହ ସୋସିଆଲ ମିଡିଆ ଫଟୋ ସେୟାର କରି ଚର୍ଚ୍ଚାକୁ ଖୋରାକ ଯୋଗାଇଛନ୍ତି କେନ୍ଦ୍ରାପଡା ସାଂସଦ ।
ନିଜ ଇନଷ୍ଟାଗ୍ରାମ ଆକାଉଂଟରେ ଅନୁଭବ ଛାଡିଥିବା ଏହି ଫଟୋରେ ସାଂଗରେ ଅଛନ୍ତି ବାନ୍ଧବୀ ଜାଗୃତି ଶୁକ୍ଲା । ଏହି ଫଟୋରେ ଅନୁଭବ ଓ ଜାଗୃତି ଶୁକ୍ଲା ଏକାଠି ବସି ଖାଉଥିବାର ଦେଖିବାକୁ ମିଳିଛି । ଫଟୋଟି ସେୟାର କରି ଅନୁଭବ ଲେଖିଛନ୍ତି, ମୋର ବନ୍ଧୁ, ଆପଣଙ୍କ ଭଳି ଆତ୍ମନିର୍ଭରଶୀଳ ଓ ସଶକ୍ତ ମହିଳାଙ୍କୁ ଭେଟିବା ସବୁବେଳେ ସୁନ୍ଦର ଲାଗେ । ଏହା ସହିତ ଆଗକୁ ବଢିଚାଲ ବୋଲି ଲେଖିଛନ୍ତି ଅନୁଭବ ।
ଅନୁଭବ ପୂର୍ବରୁ ମଧ୍ୟ ଜାଗୃତିଙ୍କ ସହିତ ବନ୍ଧୁ ଓକିଲ ଅଶ୍ୱିନୀ ଦ୍ୱିବେଙ୍କ ସହ କଫି ପିଉଥିବାରର ଏକ ଫେଟୋ ଫେସବୁକ ପେଜରରେ ସେୟାର କରିଥିଲେ । ଫଟୋରେ ଜାଗୃତିଙ୍କୁ ବିପଦ ବେଳର ପ୍ରକୃତ ବନ୍ଧୁ ବୋଲି କହି ଢେର ପ୍ରଶଂସା କରିଥିଲେ ।
ଅନୁଭବଙ୍କ ଫଟୋରେ ଥିବା ଜାଗୃତି ଶୁକ୍ଲା ଜଣେ ପେଶାଦାର ସାମ୍ବାଦିକା । ଲୋକସଭା ଟିଭିରେ ଖବର ଉପସ୍ଥାପନା କରନ୍ତି । ନିକଟରେ ସେ ଏଥିରୁ ଇସ୍ତଫା ଦେଇଥିବା ସୂଚନା ମିଳିଛି । ବର୍ଷାଙ୍କ ସହ ଅନୁଭବଙ୍କ ବିବାଦ ସମୟରେ ଚର୍ଚ୍ଚାକୁ ଆସିଥିଲେ ଜାଗୃତି । ଆଉ ଅନୁଭବ ପୁଣି ଜାଗୃତିଙ୍କ ସହ ଏହି ଫଟୋ ପୋଷ୍ଟ କରିବା ପରେ ଅନେକ ପ୍ରଶ୍ନବାଚୀ ସୃଷ୍ଟି ହେଉଛି । ବର୍ଷାଙ୍କ ସହ ସଂପର୍କରେ ପୂର୍ଣ୍ଣଚ୍ଛେଦ ପକାଇ ଜାଗୃତିଙ୍କ ଆହୁରି ନିକଟତର ହେବାକୁ ଚାହୁଁଛନ୍ତି କି ଅନୁଭବ । ଦୁହେଁ ଏକାଠି ବସି ଖାଇବା ଦୁହିଁଙ୍କ ଭିତରେ ଥିବା ଘନିଷ୍ଠତାକୁ ଦର୍ଶାଉନାହିିଁ କି?
ଏପଟେ କଟକ ଫ୍ୟାମିଲି କୋର୍ଟରେ ବର୍ଷାଙ୍କଠାରୁ ବିବାହ ବିଚ୍ଛେଦ ପାଇଁ କରିଥିବା ଆବେଦନର ଶୁଣାଣୀ ଚାଲିଛି । ଏହା ସହିତ ଦାମ୍ପତ୍ୟ ସଂପର୍କର ସୁରକ୍ଷା ଲାଗି ବର୍ଷା ରୁଜୁ କରିଥିବା ଆବେଦନର ମଧ୍ୟ ଶୁଣାଣି କରୁଛନ୍ତି ପରିବାର ଅଦାଲ୍ତ । ଆଉ ଏହି ସମୟରେ ଏହି ଫଟୋଟି ପୋଷ୍ଟ କରି କଣ ସଂକେତ ଦେଉଛନ୍ତି ସାଂସଦ । ଏହି ଷ୍ଟାର କପୁଲଙ୍କ ଭିତରେ ବିବାଦ ଏବେ ଦାଣ୍ଡରେ ପଡି ହାଟରେ ଗଡୁଛି । ଦୁହେଁ ଦୁହିଁଙ୍କ ବିରୋଧରେ ପୂର୍ବରୁ ବହୁ ସାଂଘାତିକ ଅଭିଯୋଗ ଆଣିଛନ୍ତି । ସୋସିଆଲ ମିଡିଆରେ ପରସ୍ପରକୁ ଆକ୍ଷେପ କରି ଫଟୋ ଓ ଭିଡିଓ ମଧ୍ୟ ପୋଷ୍ଟ କରିଛନ୍ତି । ତେବେ ଏହି ବିବାଦ ମଧ୍ୟରେ କିନ୍ତୁ ଅନୁଭବଙ୍କ ସହ ରହିବାକୁ ଚାହୁଁଛନ୍ତି ବର୍ଷା । ତାଙ୍କ ଘର ଛାଡିବାକୁ ମଧ୍ୟ ପ୍ରସ୍ତୁତ ନୁହେଁନ୍ତି ବର୍ଷା ।