ୟୁକ୍ରେନ-ଋଷ ଯୁଦ୍ଧ ମଧ୍ୟରେ ବି ଦୁଇ ଦେଶର କଥାବାର୍ତ୍ତା ଚାଲିଛି । ଆସନ୍ତାକାଲି ପୁଣି ବସିବ ତୃତୀୟ ପର୍ଯ୍ୟାୟ ବୈଠକ । ପୂର୍ବରୁ ଦୁଇ ଦେଶର ଅଧିକାରୀଙ୍କ
ମଧ୍ୟରେ ଦୁଇ ଥର ବୈଠକ ବସିଥିଲେ ମଧ୍ୟ କୌଣସି ସମାଧାନ ବାହାରିପାରିନାହିଁ। ତେଣୁ ଏହି ବୈଠକ ଉପରେ ସମସ୍ତଙ୍କ ନଜର ରହିଛି। ସୂଚନା ଅନୁସାରେ,ୟୁକ୍ରେନ ଅଧିକାରୀ ଡେଭିଡ ଅରଖିମିଆ କହିଛନ୍ତି ଯେ, ସୋମବାର ଦୁଇ ଦେଶ ମଧ୍ୟରେ ତୃତୀୟ ପର୍ଯ୍ୟାୟ ବୈଠକ ବସିବ ।
ବୈଠକରୁ କିଛି ସମାଧାନ ବାହାରୁଛି କି ନାହିଁ , କିଛି ଶାନ୍ତିର ସଙ୍କେତ ମିଳିବ କି ନାହିଁ, ତାହା ଯୁଦ୍ଧର ଆଗାମୀ ଭବିଷ୍ୟତ ନିର୍ଣ୍ଣୟ କରିପାରେ । ଏହା ପୂର୍ବରୁ ଯେତେବେଳେ ଉଭୟ ଦେଶ ବୁଝାମୁଣା ଟେବୁଲରେ ବସିଥିଲେ, ସେତେବେଳେ ଅସ୍ତ୍ରବିରତି ଉଂଲଘନ ଓ ନିରାପଦ ପାସ୍ ଉପରେ ଆଲୋଚନା ହୋଇଥିଲା । କିନ୍ତୁ ଆଲୋଚନା ସଫଳ ହୋଇପାରିନଥିଲା । ଶନିବାର ଅସ୍ତ୍ରବିରତି ଘୋଷଣା କରିଥିଲା ଋଷ । ଯୁଦ୍ଧ ପ୍ରବଣ ଅ ଳରୁ ଲୋକଙ୍କୁ ଉଦ୍ଧାର ପାଇଁ ୫ ଘଣ୍ଟା ପାଇଁ ସାମୟିକ ଅସ୍ତ୍ରବିରତି ଘୋଷଣା କରିଥିଲା ଋଷ । ଅସ୍ତ୍ରବିରତି ପରେ ବି ଋଷ ୟୁକ୍ରେନର ମାରିୟୁପୋଲ ସହରରେ ଆକ୍ରମଣ କରିଛି ।