ସରୁନି ଟଙ୍କା ଗଣା । ଯେତେ ଖୋଳିଲେ ସେତେ ବାହାରୁଛି । ଜଣେ ଯନ୍ତ୍ରୀଙ୍କ ଘରୁ ଏତେ ଟଙ୍କା ଓ ସୁନା ଗହଣା ବାହାରିଛି ଯେ ଭିଜିଲାନ୍ସ ଅଧିକାରୀ ତାଜୁବ ହୋଇଯାଇଛନ୍ତି । ଟଙ୍କା ଗଣିବା ପାଇଁ ମେସିନ ବି ବ୍ୟବହାର କରାଯାଇଛି । ପେଟି ପେଟି ଟଙ୍କା ଦେଖି ଭିଜିଲାନ୍ସ ଅଧିକାରୀଙ୍କ ବି ଆଖି ଖୋସି ହୋଇଯାଇଛିା ମାଲକାନଗିରି ଗ୍ରାମ୍ୟ ନିର୍ମାଣ ଡିଭିଜନ -୧ର ଅଧୀକ୍ଷଣ ଯନ୍ତ୍ରୀ ଆଶିଷ କୁମାର ଦାସଙ୍କ ଘରେ ଭିଜିଲାନ୍ସ ଚଢାଉ କରିଛି । ଚତୃର୍ଥ ଦିନରେ ବି ଭିଜିଲାନ୍ସର ଖୋଳତାଡ଼ ସରୁନି ।
ଆଜିଯନ୍ତ୍ରୀଙ୍କ ଭୁବନେଶ୍ୱର ଫ୍ଲାଟରୁ କୋଟିଏ ୧୫ ଲକ୍ଷ ଠାବ କରାଯାଇଛି । ଏହା ସହ ୬୩୦ ଗ୍ରାମ ରେଡ ବେଳେ ମିଳିଛି । ଭିଜିଲାନ୍ସ ଇତିହାସରେ ପ୍ରଥମ ଥର ପାଇଁ ଏତେ ପରିମାଣର ଟଙ୍କା ଓ ସୁନା ଜବତ ହୋଇଛି । ଗତକାଲି ମାଲକାନଗିରି ଆକ୍ସିସ ବ୍ୟାଙ୍କରୁ ୭୮ ଲକ୍ଷ ଟଙ୍କାର ଫିକ୍ସ ଡିପୋଜିଟ ମିଳିଥିଲା । କେନ୍ଦୁଝର ଏସବିଆଇ ଲକରରୁ ମଧ୍ୟ ୧୬ ଲକ୍ଷ ଟଙ୍କା ମିଳିଥିଲାା ଏଯାଏଁ ଯନ୍ତ୍ରୀଙ୍କର ୮ କୋଟିରୁ ଅଧିକ ଟଙ୍କାର ଅସ୍ଥାବର ସମ୍ପତ୍ତି ଜବତ ହୋଇସାରିଲାଣି । ଆଜି ଚତୃର୍ଥ ଦିନରେ ବି ଏତେ ଟଙ୍କା ମିଳିଥିବା ବେଳେ ଆଶିଷ କୁମାର କେଉଁଠି ଏତେ ଟଙ୍କା ଆଣିଲେ ତାକୁ ନେଇ ପ୍ରଶ୍ନ ଉଠିଛି ।