ମୁମ୍ବାଇ; ସବୁ ଚର୍ଚ୍ଚାର ଘଟିବ ଅବସାନ । ଶେଷରେ ଅଥିୟା ଓ ରାହୁଲଙ୍କ ବିବାହ ଖବର ଉପରେ ମୋହର ଲାଗିଛି । ବର୍ତ୍ତମାନ ସାମ୍ନାକୁ ଆସିଛି ଦୁହିଁଙ୍କ ୱେଡିଙ୍ଗ ଡିଟେଲ୍ସ । ଗଣମାଧ୍ୟମ ସୂଚନା ମୁତାବକ, ଜାନୁଆରୀ ୨୩ ତାରିଖରେ ଦୁହେଁ ବିବାହ ବନ୍ଧନରେ ବାନ୍ଧି ହେବାକୁ ଯାଉଛନ୍ତି । ଦୁହିଁଙ୍କ ବିବାହ ଖଣ୍ଡାଲାର ବଙ୍ଗଳାରେ ହେବ । ଦୀର୍ଘ ୩ ଦିନ ଧରି ଚାଲିବ ଦୁହିଁଙ୍କ ବିବାହ ଉତ୍ସବ । ବିବାହର ସମସ୍ତ ରୀତିନୀତି ଜାନୁୟାରୀ ୨୧ ରୁ ଜାନୁୟାରୀ ୨୩ ମଧ୍ୟରେ କରାଯିବ। ଏହି ତିନି ଦିନିଆ କାର୍ଯ୍ୟକ୍ରମରେ ହଲଦୀ-ମେହେନ୍ଦି ଏବଂ ସଂଗୀତ କାର୍ଯ୍ୟ ୨୧-୨୨ରେ କରାଯିବ।
୨୩ରେ ଆଥିଆ ଏବଂ ରାହୁଲ ସାତ ଫେରା ନେବେ । ବିବାହରେ ସାମିଲ ହେବେ କ୍ରିକେଟ ଜଗତର ବିଶିଷ୍ଟ ବ୍ୟକ୍ତିଙ୍କ ସହ କଳା ଜଗତର ପପୁଲାର ସେଲିବ୍ରିଟି । ଏଥିପାଇଁ ସମସ୍ତ ପ୍ରସ୍ତୁତି ଆରମ୍ଭ ହୋଇସାରିଛି । ଅତିଥି ତାଲିକା ମଧ୍ୟ ପ୍ରସ୍ତୁତ କରାଯାଉଛି । ବଲିଉଡ ଏବଂ କ୍ରିକେଟ୍ ଦୁନିଆର ଭେଟେରାନମାନଙ୍କ ଅଂଶଗ୍ରହଣ ହେବାର ସମ୍ଭାବନା ଅଛି । ସେଥିମଧ୍ୟରୁ ସଲମାନ ଖାନ, ଜ୍ୟାକି ଶ୍ରଫ, ଅକ୍ଷୟ କୁମାର, ମହେନ୍ଦ୍ର ସିଂ ଧୋନି ଏବଂ ବିରାଟ କୋହଲିଙ୍କ ପରି ବଡ ସେଲିବ୍ରିଟି ଅଛନ୍ତି । ବିରାଟ କୋହଲି ଏବଂ ଅନୁଷ୍କା ଶର୍ମାଙ୍କ ପରେ ଏବେ ପ୍ରଶଂସକମାନେ କେ.ଏଲ୍ ରାହୁଲ-ଆଥିଆଙ୍କ ବିବାହ ଦେଖିବାକୁ ଉତ୍ସାହର ସହିତ ଅପେକ୍ଷା କରିଛନ୍ତି।