ନୂଆଦିଲ୍ଲୀ: ଅଟୋ ଚାଳକଙ୍କ ପାଇଁ ବଡ଼ ଘୋଷଣା କଲେ ପୂର୍ବତନ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ। ଦିଲ୍ଲୀ ବିଧାସଭା ନିର୍ବାଚନ ତାରିଖ ଘୋଷଣା ନହେବା ପୂର୍ବରୁ ଆରମ୍ଭ ହେଲାଣି ରାଜନୀତି। ଆପ ଆଗୁଆ ପ୍ରାର୍ଥୀ ଘୋଷଣା କରିଥିବାବେଳେ ଏବେ ଆମ ଆଦମୀ ପାର୍ଟି ତରଫରୁ ଅରବିନ୍ଦ କେଜ୍ରିୱାଲ ୫ଟି ଘୋଷଣା କରିଛନ୍ତି। ତାହା ପୁଣି କେବଳ ଅଟୋ ଚାଳକଙ୍କ ପାଇଁ।
ଅଟୋ ଚାଳକଙ୍କ ପାଇଁ ୧୦ ଲକ୍ଷ ଟଙ୍କାର ଜୀବନ ବୀମା ଏବଂ ଝିଅ ବାହାଘରରେ ଲକ୍ଷେ ଟଙ୍କାର ସହାୟତା ଯୋଗାଇ ଦେବାକୁ ଘୋଷଣା କରିଛନ୍ତି କେଜ୍ରିୱାଲ। କେବଳ ଏତିକି ନୁହେଁ ପିଲାଙ୍କ ପ୍ରତିଯୋଗିତା ମୂଳକ ପରୀକ୍ଷାରେ କୋଚିଂ ଖର୍ଚ୍ଚ ମଧ୍ୟ ବୁଝିବାକୁ ପ୍ରତିଶୃତି ଦେଇଛନ୍ତି। ପ୍ରତିବର୍ଷ ଦୁଇଥର ହୋଲି ଏବଂ ଦିପାବଳୀରେ ୟୁନିଫର୍ମ ପାଇଁ ୨୫ଶହ ଟଙ୍କା ଲେଖାଏଁ ପ୍ରଦାନ କରାଯିବ। ସେପଟେ ଦୁର୍ଘଟଣା ବାବଦକୁ ୫ ଲକ୍ଷ ଟଙ୍କାର ଜୀବନ ବୀମା ମଧ୍ୟ ପ୍ରଦାନ କରାଯିବ। କେଜ୍ରିୱାଲ କହିଛନ୍ତି କି, ଆପ ସରକାର ସବୁବେଳେ ଅଟୋ ଚାଳକଙ୍କ ସହ ରହିଛନ୍ତି।