ଆଫଗାନିସ୍ତାନରେ ତାଲିବାନ ସରକାର ଗଠନ ପାଇଁ ପ୍ରସ୍ତୁତି ଆରମ୍ଭ କରିଦେଇଛି ।ଆଜି ସମସ୍ତ ପ୍ରକ୍ରିୟା ଅନ୍ତିମ ପର୍ଯ୍ୟାୟରେ ପହ ିଛି । ସରକାର ଗଠନ ନେଇକାବୁଲରେ ତାଲିବାନଏକ ବଡ଼ କାର୍ଯ୍ୟକ୍ରମର ଆୟୋଜନ କରିବାର ସମ୍ଭାବନାରହିଛି । ତେବେ ଏହି କାର୍ଯ୍ୟକ୍ରମର ଆମେରିକାର ସମସ୍ତ ଶତ୍ରୁ ଦେଶ ଏକାଠି ହୋଇପାରନ୍ତି । ଆମେରିକା ସହିତ ବିବାଦ ଲାଗିରହିଥିବା ଦେଶକୁ ସରକାର ଗଠନରେ ସାମିଲ ହେବାକୁ କାବୁଲକୁ ନିମନ୍ତ୍ରଣ କରିଛି ତାଲିବାନ ।
ସୂଚନା ଅନୁସାରେ , ଆଫଗାନିସ୍ତାନରେ ସରକାର ଗଠନରେ ସାମିଲ ହେବାକୁ ତାଲିବାନ ନିଜର ମିତ୍ର ୬ଟି ଦେଶକୁ ନିମନ୍ତ୍ରଣ ପଠାଇଛି । ତୁର୍କୀ, ଚୀନ,ଋଷ, ଇରାନ, ପାକିସ୍ତାନ ଏବଂ କତାର । ଏ ସମସ୍ତ ଦେଶ ଲଗାତର ଭାବେ ତାଲିବାନକୁ ସମର୍ଥନ କରିଆସୁଛନ୍ତି । ତେଣୁ ସରକାର ଗଠନରେ ଏହି ସବୁ ଦେଶକୁ ସାମିଲ ପାଇଁ ନିମନ୍ତ୍ରଣ କରିଛି ତାଲିବାନ ।
ତାଲିବାନ ପକ୍ଷରୁ ଯେଉଁ ଦେଶ ମାନଙ୍କୁ ନିମନ୍ତ୍ରଣ କରାଯାଇଛି ସେମାନଙ୍କ ମଧ୍ୟରେ କତାରକୁ ଛାଡି ବାକି ସମସ୍ତ ଦେଶର ଆମେରିକା ସହିତ କିଛି ନା କିଛି ବିବାଦ ଲାଗିରହିଛି । ଆମେରିକାର ତାଲିବାନ ସହ ଯେଉଁ କଥାବାର୍ତା ହୋଇଥିଲା ତାହା କତାର ମାଧ୍ୟମରେ ହିଁ ହୋଇଥିଲା । ଚୀନ-ଋଷ ସହ ଆମେରିକାର ଶୀତଳ ଯୁଦ୍ଧ ଲାଗି ରହିଛି । ପାକସ୍ତାନ ଓ ଇରାନ ଉପରେ ମଧ୍ୟ ଆମେରିକା ବିଭିନ୍ନ ପ୍ରତିବନ୍ଧକ ଲଗାଇଛି । ତୁର୍କୀ ସହ ବି ଟ୍ରମ୍ପ ପ୍ରଶାସନର ସଂପର୍କ ମଧ୍ୟ କିଛି ଏପଟ ସେପଟ ରହିଛିା
କାବୁଲ ରାଷ୍ଟ୍ରପତି ଭବନରେ ତାଲିବାନ ସରକାର ଗଠନ ହେବା ନିଷ୍ପତି ହୋଇଛି । ମୁଲ୍ଲା ବରାଦରଙ୍କୁ ତାଲିବାନ ସରକାରଙ୍କ ମୁଖ୍ୟ କରାଯିବାର ସମ୍ଭାବନା ରହିଛି । ତେବେ ମୁଲ୍ଲା ହିବୁତୁଲ୍ଲା ଅଖୁନ୍ଦଜାଦାଙ୍କୁ ସର୍ବୋଚ୍ଚ ନେତା କରାଯାଇପାରେ । ଅନ୍ୟପଟେ ଆଫାଗାନିସ୍ତାନକୁ ସଂପୂର୍ଣ୍ଣ ନିୟନ୍ତ୍ରଣ କରି ତାଲିବାନ ସରକାର ଗଠନ ପାଇଁ ପ୍ରସ୍ତୁତି ଆରମ୍ଭ କରିଥିବା ବେଳେ ପଞ୍ଜଶୀରକୁ ନେଇ ଏଯାଏ ଛକାପଞ୍ଝା ଲାଗି ରହିଛି । ତାଲିବାନ ପଞ୍ଜଶୀର ଘାଟିକୁ କବଜା କରିଥିବା ଦାବି କରୁଥିବା ବେଳେ ନର୍ଦ୍ଦନ ଆଲାୟନ୍ସ ଏହାକୁ ଖଣ୍ଡନ କରିଛି । ଆଫଗାନିସ୍ତାନ ଉପରାଷ୍ଟ୍ରପତି ଅମରଉଲ୍ଲା ସାଲେହଙ୍କ କହିବା ଅନୁସାରେ ନର୍ଦ୍ଦନ ଆଲାୟନ୍ସ ଏବେ ବି ପାହାଡି ଅଂଚଳରେ ଯୁଦ୍ଧ ଜାରି ରଖିଛି ।