ପ୍ରମୁଖ ଖବର

୧୮ ତାରିଖ ଦିନ ଖୋଲିବ ଭିତର ରତ୍ନଭଣ୍ଡାର, ସକାଳ ୯.୫୧ରୁ ୧୨.୧୫ ରହିଛି ଶୁଭ ମୂହୁର୍ତ୍ତ
ଶ୍ରୀମନ୍ଦିର ଭିତର ଭଣ୍ଡାରରେ ଥିବା ଅଳଙ୍କାର ଆଦିକୁ ସ୍ଥାନାନ୍ତର କରାଯିବ: ଶ୍ରୀମନ୍ଦିର ମୁଖ୍ୟ ପ୍ରଶାସକ
ଜାମ୍ମୁ ଓ କାଶ୍ମୀରରେ ଥମୁନି ଆତଙ୍କବାଦ, ଆର୍ମି ଅଫିସର ସମେତ ୪ ସହିଦ
ୟୁପି ଶିକ୍ଷକଙ୍କୁ ଆଶ୍ବସ୍ତି, ୨ ମାସ ପାଇଁ ସ୍ଥଗିତ ରହିଲା ଡିଜିଟାଲ ଉପସ୍ଥାନ
ସମ୍ବଲପୁର ଚିଡ଼ିଆଖାନାକୁ ଆସିବେ ୪ ମହାବଳ ବାଘ
ଓଡିଶା ଆସିବେ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡା: ଆସନ୍ତା ୧୯ ଓ ୨୦ ତାରିଖରେ ରାଜ୍ୟ ବିଜେପିର ପରିବର୍ଦ୍ଧିତ କାର୍ଯ୍ୟକାରିଣୀ ବୈଠକରେ ଯୋଗ ଦେବେ
କଟକ ଏସସିବି ମେଡିକାଲରେ ଉତ୍ତେଜନା ; ହାଉସ ସର୍ଜନ ଏବଂ ନର୍ସିଂ ଅଫିସର ମୁହାଁମୁହିଁ

ଅଚ୍ୟୁତାନନ୍ଦଙ୍କ ହତ୍ୟାର ପ୍ରତିଶୋଧ ନେଲା ଓଡ଼ିଶା

0

୫ ମାଓବାଦୀଙ୍କୁ ଏନକାଉଣ୍ଟର କଲା ଓଡ଼ିଶା ପୁଲିସ
ସର୍ଚ ଅପରେସନ୍‍ ଜୋରଦାର, ମାଲକାନଗିରିରେ ଆଲର୍ଟ ଜାରି
ଭୁବନେଶ୍ୱର:ସୀମାନ୍ତ ଛତିଶଗଡରେ ମାଓବାଦୀ ଅପରେସନ୍‍ ଜୋରଦାର କରିଛନ୍ତି । ନିକଟରେ ଜଣେ ଓଡ଼ିଆ ଗଣମାଧ୍ୟମ ପ୍ରତିନିଧି (ଡିଡି କ୍ୟାମେରା ମ୍ୟାନ) ଅଚ୍ୟୁତାନନ୍ଦ ସାହୁଙ୍କୁ ହତ୍ୟା କରିଥିଲେ । ଆଜି କିନ୍ତୁ ମାଲକାନଗିରି ଜିଲ୍ଲାରେ ପୁଲିସ ଏହାର ପ୍ରତିଶୋଧ ନେଇଛି । ଚିତ୍ରୋକୋଣ୍ଡା ସଂଲଗ୍ନ ବିଚ୍ଛିନ୍ନାଞ୍ଚଳ ପାପଲୁର ଗାଁ ନିକଟସ୍ଥ ଜଙ୍ଗଲରେ ରବିବାର ରାତିରେ ପୁଲିସ ଏନକାଉଣ୍ଟରରେ ୫ଜଣ ମାଓବାଦୀଙ୍କ ମୃତ୍ୟୁ ଘଟିଛି । ତେବେ ଦୁର୍ଦାନ୍ତ ମାଓ ନେତା ରଣଦେବ ଖସିଯିବାରେ ସକ୍ଷମ ହୋଇଛି । ଓଡ଼ିଶା ପୁଲିସର ଏହି ସଫଳତାକୁ ସବୁ ମହଲ ସାବାସୀ ଦେଇଛନ୍ତି ।
ଅପରେସନ୍‍ ଦାୟିତ୍ୱରେ ଥିବା ଏଡିଜି ଆର୍‍ ପି କୋଚେ ଗଣମାଧ୍ୟମକୁ କହିଛନ୍ତି, ପାପଲୁର ଗାଁ ନିକଟସ୍ଥ ଜଙ୍ଗଲରେ କିଛି ମାଓବାଦୀ ଏକାଠି ହୋଇଥିବା ଗୁଇନ୍ଦା ସୂତ୍ରରୁ ଖବର ମିଳିଥିଲା । ସେମାନଙ୍କ ସହିତ କିଛି ଟପ୍‍ କ୍ୟାଡର ମାଓବାଦୀ ବି ଥିଲେ । ଠୋସ୍‍ ଖବର ପାଇବା ପରେ ଓଡ଼ିଶା ପୁଲିସ ଓ ଏସ୍‍ଓଜି (ସ୍ପେସାଲ ଅପରେସନ୍‍ ଗ୍ରୁପ)କୁ ନେଇ ଏକ ଟିମ୍‍ ଗଠନ ହୋଇଥିଲା । ସେମାନେ ତତ୍କାଳ ଅପରେସନ୍‍ ଆରମ୍ଭ କରିଥିଲେ ।
ପୁଲିସ କମ୍ୱିଂ କରୁଥିବା ବେଳେ ଅପରପଟରୁ ମାଓବାଦୀମାନେ ଗୁଳିଚାଳନା କରିିଥିଲେ । ଫଳରେ ପୁଲିସ ମଧ୍ୟ ପାଲଟା ଗୁଳିଚଳାଇଥିଲା । ରାତିତମାମ ଏହି ଗୁଳିଚାଳନା ଚାଲିଥିଲା । ପୁଲିସ ଗୁଳିରେ ଜଣେ ମହିଳା କ୍ୟାଡର ସହିତ ମୋଟ ୫ଜଣ ମାଓବାଦୀଙ୍କର ମୃତ୍ୟୁ ହୋଇଛି । ଆଜି ସକାଳେ ସେମାନଙ୍କ କ୍ୟାମ୍ପ ନିକଟରେ ପୁଲିସ ପହଞ୍ଚି ଦୁଇଟି ଇନସାସ୍‍ ରାଇଫଲ୍‍ସ, ଗୋଟିଏ ଏସ୍‍ଏଲ୍‍ଆର୍‍ ଓ ୩୦୩ ବନ୍ଧୁକ ଜବତ କରିଛି । ଏହି ଦଳର ନେତୃତ୍ୱ ରଣଦେବ ନେଉଥିଲା ।
ପୁଲିସ ଏବେ ମାଲକାନଗିରି ଜିଲ୍ଲା ସୀମାନ୍ତରେ ହାଇ ଆଲର୍ଟ ଜାରି କରିଛି । ଅପରେସନ୍‍ ଜୋରଦାର କରିବା ଲାଗି ଅଧିକ ଫୋର୍ସ ପଠାଯାଇଛି । ପାପଲୁର ସଂଲଗ୍ନ ଜଙ୍ଗଲକୁ ପୁଲିସ ଘେରାଉ କରି ରଖିଛି । ପୁଲିସ ମହାନିର୍ଦେଶକ ଡାକ୍ତର ରାଜେନ୍ଦ୍ର ପ୍ରସାଦ ଶର୍ମା କହିଛନ୍ତି, ଏମିତି ଅପରେସନ୍‍ ଆଗରୁ କେବେ ହୋଇନଥିଲା । ଏହାକୁ ଏକ ସଫଳ ଅପରେସନ୍‍ ବୋଲି ଡିଜି କହିଛନ୍ତି ।

Leave A Reply

Your email address will not be published.