- ବିଜେପିକୁ ମାରୁ ମାରୁ ନିଜେ ଅକଳରେ ପଡିଗଲା କଂଗ୍ରେସ
ନୂଆଦିଲ୍ଲୀ: କେନ୍ଦ୍ର ସରକାର ଓ ରିଜର୍ଭ ବ୍ୟାଙ୍କ ମଧ୍ୟରେ ସୃଷ୍ଟି ହୋଇଥିବା ବିବାଦ ମାମଲାରେ କଂଗ୍ରେସକୁ ଶକ୍ତ ଝଟ୍କା ଲାଗିଛି । ଏହାକୁ ପ୍ରସଙ୍ଗ କରି ଦଳ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଟାର୍ଗେଟ କରୁଥିଲା । ହେଲେ ଜଣାପଡିଲାଣି ଯେ କେବଳ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସରକାର ନୁହେଁ, ପଣ୍ଡିତ ଜବାହରଲାଲ ନେହରୁଙ୍କ ସରକାରରେ ବି ଅନୁରୂପ ବିବାଦ ମୁଣ୍ଡ ଟେକିଥିଲା । କେବଳ ସେତିକି ନୁହେଁ, ତତ୍କାଳୀନ ରିଜର୍ଭ ବ୍ୟାଙ୍କ ଗଭର୍ଣ୍ଣରଙ୍କୁ ପଦ ଛାଡିବାକୁ ପଡିଥିଲା । ଆଜି ଜାତୀୟ ଗଣମାଧ୍ୟମରେ ଏଭଳି ଖବର ପଦାକୁ ଆସିବା ପରେ କଂଗ୍ରେସ ଏହି ପ୍ରସଙ୍ଗକୁ ନେଇ ଆଗକୁ ବଢିବ ନା ନାହିଁ, ସେ ନେଇ ଦ୍ୱିବିଧାରେ ପଡିଯାଇଛି ।
ଦେଶ ସ୍ୱାଧୀନ ହେବା ପୂର୍ବରୁ ମଧ୍ୟ ଆର୍ବିଆଇ ଭଳି ସଂସ୍ଥା ସହିତ ବିବାଦ ସରକାରମାନଙ୍କର ରହିଛି । ଖାସ୍ ଏମିତି ଏକ ବିବାଦ ୧୯୩୫ ମସିହାରେ ଦେଖାଯାଇଥିଲା ଓ ତତ୍କାଳୀନ ସାର୍ ଜନ୍ ଓ ସ୍ମିଥ୍ଙ୍କୁ ଇସ୍ତଫା ଦେବାକୁ ପଡିଥିଲା । ଜବାହରଲାଲ ନେହରୁଙ୍କ ସରକାରରେ ବି ଆର୍ବିଆଇ ସହିତ ବିବାଦ ହୋଇଥିଲା କେନ୍ଦ୍ର ସରକାରଙ୍କର । ସେ ସମୟରେ ଆର୍ବିଆଇ ଗଭର୍ଣ୍ଣର ଥିବା ବେନେଗାଲ ରାମାରାଉଙ୍କୁ ଇସ୍ତଫା ଦେବାକୁ ହୋଇଥିଲା । ଏହି ବିବାଦରେ ପଣ୍ଡିତ ନେହରୁ ତତ୍କାଳୀନ ଅର୍ଥମନ୍ତ୍ରୀ ଟି ଟି କ୍ରିଷ୍ଣମାଚାରିଙ୍କ ପକ୍ଷ ନେଇଥିଲେ । ବଜେଟ୍ ପ୍ରସ୍ତାବକୁ ନେଇ ଅର୍ଥମନ୍ତ୍ରୀ ଓ ଆର୍ବିଆଇ ଗଭର୍ଣ୍ଣରଙ୍କ ବିବାଦ ହୋଇଥିବା କୁହାଯାଏ । ସେତେବେଳେ ପଣ୍ଡିତ ନେହରୁ ସ୍ପଷ୍ଟ ଭାଷାରେ କହିିଥିଲେ ଯେ ଆର୍ବିଆଇ କେନ୍ଦ୍ର ସରକାରଙ୍କର ଏକ ଅଂଶ ।ଏହା ସରକାରଙ୍କୁ ଉପଦେଶ ବା ପରାମର୍ଶ ଦେବା ପାଇଁ ରହିଛି । ଏହି ସଂସ୍ଥା ସରକାରଙ୍କ ସହିତ ଏକ ସରଳରେଖାରେ ରହିବା ଦରକାର ।
ଉଲ୍ଲେଖଯୋଗ୍ୟ, କେନ୍ଦ୍ର ସରକାର ଓ ଭାରତର ରିଜର୍ଭ ବ୍ୟାଙ୍କ ଗଭର୍ଣ୍ଣର ଉର୍ଜିତ ପଟେଲଙ୍କ ସଂପର୍କ ଦିନକୁ ଦିନ ତିକ୍ତ ହେବାରେ ଲାଗିଛି । ବଡ ଋଣ ଖିଲାପକାରୀଙ୍କ ନାମ ତାଲିକା ପ୍ରକାଶ ଲାଗି ସୁପ୍ରିମକୋର୍ଟ ଦେଇଥିବା ନିର୍ଦେଶନାମା ମାନି ନାହାନ୍ତି ବୋଲି କେନ୍ଦ୍ରୀୟ ସୂଚନା କମିସନ ତାଙ୍କୁ ନୋଟିସ ଜାରି କରିଛନ୍ତି । ମାମୁଲି ଖିଲାପି ଏପରିକି, କୃଷକ ଋଣ ଅର୍ଥ ପରିଶୋଧ କରୁନଥିବା ବେଳେ ସେମାନଙ୍କ ନାମ ପ୍ରକାଶ କରାଯାଉଛି । ଏପରିସ୍ଥଳେ ବଡ଼ବଡିଆ କାହିଁକି ନୁହେଁ ବୋଲି ସୂଚନା କମିସନ ପ୍ରଶ୍ନ କରିଛନ୍ତି । ୧୯୯୮ରୁ ୨୦୧୮ ମଧ୍ୟରେ ଋଣ ପରିଶୋଧ କରିନପାରି ଆତ୍ମହତ୍ୟା କରିଛନ୍ତି ବୋଲି କମିସନ ଟିପ୍ପଣୀ ଦେଇଛନ୍ତି ।
ପ୍ରମୁଖ ଖବର
ମୁଖ୍ୟମନ୍ତ୍ରୀଙ୍କ ନୂଆବର୍ଷ ନିଷ୍ପତ୍ତି: ଭିଜିଲାନ୍ସରେ ୪୮ନୂଆ ପଦବୀ, ଅନୁଦାନପ୍ରାପ୍ତ ସ୍କୁଲ ଓ କଲେଜ କର୍ମଚାରୀଙ୍କ ଗ୍ରାଚୁଇଟି ବୃଦ୍ଧି
୩ରେ ନୂଆ ରାଜ୍ୟପାଳ ଭାବେ ଶପଥ ନେବେ ହରିବାବୁ କମ୍ଭମ୍ପତି
ନୂଆବର୍ଷରେ ଜନସମୁଦ୍ର ଶ୍ରୀକ୍ଷେତ୍ର, ବ୍ୟାରିକେଡ୍ ଭାଙ୍ଗିଲେଭକ୍ତ
ନୂଆବର୍ଷରେ ଡିଜି ପାହ୍ୟାକୁ ପଦୋନ୍ନତି ପାଇଲେ ୩ ଆଇପିଏସ୍ ଅଧିକାରୀ
୧୯୯୩ ବ୍ୟାଚ୍ର ୩ ଆଇପିଏସ୍ ବିନୟତୋଷ ମିଶ୍ର, ଆର୍ପି କୋଚେ ଏବଂ କେନ୍ଦ୍ରୀୟ ଡେପୁଟେଶନରେ ଥିବା ସୁଶାନ୍ତ ନାଥ ଡିଜି ପାହ୍ୟାକୁ ପଦୋନ୍ନତି ପାଇଛନ୍ତି
ବିଶ୍ୱ ପର୍ଯ୍ୟଟନ ମାନଚିତ୍ରରେ ଝଲସିବ ହୀରାକୁଦ, ସାତକୋଶିଆ ଓ ବୌଦ୍ଧ ସର୍କିଟ
ନୂଆବର୍ଷରେ ଚାଷୀଙ୍କୁ ବଡ଼ ଉପହାର, ଫସଲ ବୀମା ସହାୟତା ରାଶି ବଢାଇଲେ ମୋଦି ସରକାର
ପଶ୍ଚିମବଙ୍ଗରୁ ସ୍ୱତନ୍ତ୍ର ଗାଡ଼ିରେ ଶିମିଳିପାଳ ପହଞ୍ଚିଲା ବାଘୁଣୀ ‘ଜିନ୍ନତ’