ପୁଞ୍ଜିନିବେଶ ପାଇଁ ଓଡ଼ିଶାରେ ଶିଳ୍ପପତିଙ୍କ ମେଳା

ମୁକେଶ, ବିର୍ଲା, ଚନ୍ଦ୍ରଶେଖରନ୍‍ ପ୍ରମୁଖ ଯୋଗଦେବେ
ଜାପାନ ସମେତ ୬ ବିଦେଶୀ ରାଷ୍ଟ୍ର ବି ହେବେ ସାମିଲ
ନଦୀ ଓ ପର୍ଯ୍ୟଟନ ସ୍ଥାନ ଚିହ୍ନାଇବା ପାଇଁ ନୂଆ କୌଶଳ
ଦେଓମାଳୀ ନାଁରେ ଗମ୍ୱୁଜ, ନଦୀ ନାଁରେ ହ୍ୟାଙ୍ଗର
ଭୁବନେଶ୍ୱର: ଦେଶ ବିଦେଶର ପ୍ରମୁଖ ଉଦ୍ୟୋଗୀ ଓ ଶିଳ୍ପପତିଙ୍କୁ ନେଇ ଆସନ୍ତା ୧୧ ତାରିଖରୁ ମେକ୍‍ ଇନ୍‍ ଓଡ଼ିଶା କନକ୍ଲେଭ୍‍ର ଆୟୋଜନ ହେବ । ସେଦିନ ଅପରାହ୍ନରେ ଏହାର ଉଦ୍‍ଘାଟନ ଭୁବନେଶ୍ୱର ଜନତା ମଇଦାନରେ ଅନୁଷ୍ଠିତ ହେବ । ୧୫ ତାରିଖ ପର୍ଯ୍ୟନ୍ତ ହେବାକୁ ଥିବା ଏହି କନକ୍ଲେଭ୍‍ରେ ରିଲାଏନ୍‍ସ ଇଣ୍ଡଷ୍ଟ୍ରିର ମୁଖ୍ୟ ମୁକେଶ ଅମ୍ୱାନୀ ଷ୍ଟାର ବକ୍ତା ଭାବେ ଯୋଗଦେବେ ।
ମେକ୍‍ଇନ୍‍ ଓଡିଶା କନ୍‍କ୍ଲେଭ୍‍ ର ଦ୍ୱିତୀୟ ସଂସ୍କରଣରେ ଦେଶର ବିଶିଷ୍ଟ ଶିଳ୍ପପତି ଶ୍ରୀ ଅମ୍ୱାନୀଙ୍କ ଛଡା ଅାଦିତ୍ୟ ବିର୍ଲା ଗ୍ରୁପ୍‍ର ଅଧ୍ୟକ୍ଷ କୁମାର ମଙ୍ଗଳମ୍‍ ବିର୍ଲା,ଟାଟା ଗ୍ରୁପର ଅଧ୍ୟକ୍ଷ ଏନ୍‍.ଚନ୍ଦ୍ର ଶେଖରନ୍‍ ,ବେଦାନ୍ତ ରିର୍ସୋସର ମୁଖ୍ୟ ଅନୀଲ ଅଗ୍ରଓ୍ୱାଲା ପ୍ରମୁଖ ଯୋଗଦେବାର କାର୍ଯ୍ୟକ୍ରମ ରହିଛି ।
ଦକ୍ଷିଣ କୋରିଅା,ଜାପାନ,ଫ୍ରାନ୍‍ସ,ସାଉଦି ଅାରବ ଏମିରେଟ୍‍ସ ଓ ଜର୍ମାନୀର ଭଳି ୬ଟି ପ୍ରମୁଖ ବିଦେଶୀ ରାଷ୍ଟ୍ରର ଶିଳ୍ପଦ୍ୟୋଗୀ ଓ ପ୍ରତିନିଧି ମଧ୍ୟ ଯୋଗଦେବେ ବୋଲି ରାଜ୍ୟ ସରକାର ସୂଚନା ଦେଇଛନ୍ତି । ଶିକ୍ଷା,ଉଚ୍ଚ ଶିକ୍ଷା ଠାରୁ ଅାରମ୍ଭ କରି ମହିଳା ଓ ଶିଶୁ ବିକାଶ ଅାଦି କ୍ଷେତ୍ରରେ ଶତାଧିକ ବିଶେଷଜ୍ଞ ସେମାନଙ୍କ ମତ ରଖିବେ । ଏହି କନ୍‍କ୍ଲେଭର ସହଯୋଗୀ ଦେଶ ହେଉଛି ଜାପାନ । ତେଣୁ ସଂପୃକ୍ତ ରାଷ୍ଟ୍ରର ଅନେକ କଂପାନି ଏହି କନ୍‍କ୍ଲେଭରେ ଯୋଗଦେବେବୋଲି ଆଶା କରାଯାଉଛି ।
କନକ୍ଲେଭ୍‍ ଆଳରେ ଓଡ଼ିଶାର ନଦୀ ଓ ପର୍ଯଟନସ୍ଥଳୀକୁ ଦେଶ ବିଦେଶରେ ପହଞ୍ଚାଇବା ଲାଗି ସରକାର ଯୋଜନା କରିଛନ୍ତି । ଏଣୁ ନଚଳିତବର୍ଷର କନ୍‍କ୍ଲେଭ ପାଇଁ ନଦୀ ଗୁଡିକ ନାମରେ ହ୍ୟାଙ୍ଗର ନିର୍ମାଣ ହୋଇଛି । ପ୍ଲେନାରି ସେସନ ମହାନଦୀ ହ୍ୟାଙ୍ଗରରେ ହେବ । ଅନ୍ୟ ହ୍ୟାଙ୍ଗର ଗୁଡିକ ହେଲା ବ୍ରାହ୍ମଣୀ,ବୈତରଣୀ ଋଷିକୁଲ୍ୟା ଏବଂ ସୁବର୍ଣ୍ଣରେଖା ରହିଛି । ୧୨ ତାରିଖରୁ ୧୫ ତାରିଖ ପର୍ଯ୍ୟନ୍ତ ହେବାକୁ ଥିବା ବିଭିନ୍ନ ସେମିନାର ଏହି ହ୍ୟାଙ୍ଗର ଗୁଡିକରେ ଅନୁଷ୍ଠିତ ହେବ । ଏµପୋ ପାଇଁ ୩ଟି ହ୍ୟାଙ୍ଗର ପ୍ରସ୍ତୁତ ହେଇଛି । ସେଗୁଡିକୁ ଚିଲିକା,ଶିମିଳିପାଳ ଓ ଭିତର କନିକା ନାମରେ ନାମିତ କରାଯାଇଛି । ଚଳିତବର୍ଷର ମୁଖ୍ୟ ଅାକର୍ଷଣ ହେଉଛି ଏକ ଗମ୍ୱୁଜଓ ଏହାର ନାମ ଦେଓମାଳୀ ରଖାଯାଇଛି । ଏଠାରେ ଓଡିଶା ସଂର୍ପକରେ ବିଭିନ୍ନ ସୂଚନା ପ୍ରଦର୍ଶିତ ହେବ ବୋଲି ସରକାର କହିଛନ୍ତି ।