ମାର୍ଚ୍ଚ ପ୍ରଥମ ସପ୍ତାହରେ ହୋଇପାରେ ନିର୍ବାଚନ ତାରିଖ ଘୋଷଣା

ନୂଆଦିଲ୍ଲୀ: ଆସନ୍ତା ଫେବ୍ରୁଆରି ୨୮ ତାରିଖ ପରେ ଯେ କୌଣସି ଦିନ ଭାରତର ନିର୍ବାଚନ ସାଧାରଣ ନିର୍ବାଚନ ପାଇଁ ତାରିଖ ଘୋଷଣା କରିପାରନ୍ତି । ଆଜି ଏଭଳି ସୂଚନା ମିଳିଛି । ଏହି ସମୟ ସୁଦ୍ଧା ସମସ୍ତ ବଦଳି ପ୍ରକ୍ରିୟା ଓ ପ୍ରଶାସନିକ ପ୍ରସ୍ତୁତି ଶେଷ କରିବା ଲାଗି ସମୟ ଧାର୍ଯ୍ୟ କରାଯାଇଛି ।
ନିର୍ବାଚନ କମିସନଙ୍କ ଏଭଳି ସଙ୍କେତ ପରେ ଆସନ୍ତା ମାର୍ଚ ପ୍ରଥମ ସପ୍ତାହରେ ନିର୍ବାଚନ କମିସନ ଆଦର୍ଶ ଆଚରଣ ବିଧି ଲାଗୁ କରିପାରନ୍ତି ବୋଲି କଳ୍ପନାଜଳ୍ପନା ଆରମ୍ଭ ହୋଇଗଲାଣି ।
ଉଲ୍ଲେଖଥାଉକି, ନିର୍ବାଚନ ପାଇଁ କେଉଁ ରାଜ୍ୟରେ କେତେ ପରିମାଣରେ କେନ୍ଦ୍ରୀୟ ଫୋର୍ସ ମୁତୟନ ହେବେ ସେ ନେଇ ଆସନ୍ତା ଫେବ୍ରୁଆରି ଦ୍ୱିତୀୟ ସପ୍ତାହରେ ନିର୍ଣ୍ଣୟ ହୋଇପାରେ । କେନ୍ଦ୍ର ଗୃହ ମନ୍ତ୍ରାଳୟ ଏଥିପାଇଁ ସ୍ୱତନ୍ତ୍ର ବୈଠକ ଡାକିଥିବା ସୂଚନା ମିଳୁଛି ।